San Juan 3:27 - Tz'utujil (Ja Cꞌacꞌa Chominem)

²⁷ Pro ja Juan xbij chique: —Ja ranin ninquicoti chi netajini nebe ja winak ruqꞌuin ja Jesús. Ja samaj nkaban chikajujunal chilaꞌ chicaj penak wiꞌ.

Tz'utujil NT

²⁷ Juan xbij chca: —Anen kas ajni'la qui' nuc'u'x ebnak wnak ruq'uin Jesús. Jsamaj nkaban chokjujnel xruyon chcaj penak wa'.

San Juan 3:27 Iomraidhean Croise

San Mateo 21:25

Camic tebij chwe, ja Juan Bautista ¿nak yoꞌ tre ja rsamaj chi neruban bautizar ja winak, la jaꞌ Dios ja cꞌo chilaꞌ chicaj ja yoꞌ tre owi xa winak? xecheꞌxi rmal ja Jesús. Ja cꞌa rejeꞌeꞌ quemaj tzij chibil tak quiꞌ: —Ja wi xtikabij tre chi Dios yoꞌ tre, arjaꞌ nbij chake: —Ja wi queriꞌ ¿nak cꞌa tre tok ma xenimaj ta? neꞌ alaꞌ chake.

San Mateo 25:15

Jun, joꞌoꞌ mil quetzal xuyaꞌ can tre, jun chic, caꞌiꞌ mil xuyaꞌ can tre in jun chic, jun mil xuyaꞌ can tre. Janiꞌ necowini nquisamajij xa jariꞌ xuyaꞌ can chique chiquijujunal. Cꞌacꞌariꞌ be pa viaje.

Marcos 13:34

Ja xtinban anin chewe queriꞌ ja caniꞌ nuban jun achi ja tok nbe pa jun viaje nat in ja rnakun nujach can pa quekꞌaꞌ ja rmoso chi nqueban cuenta. Arjaꞌ nuyaꞌ can ja quisamaj chiquijujunal in nbij can tre ja chajil jay chi ncꞌascꞌoti.

San Juan 10:41

E qꞌuiy ja winak xeꞌekaj ruqꞌuin ja Jesús in quewaꞌ quibij riꞌ: —Ja Juan masqui mta milagro xuban can arjaꞌ pro ni katzij wiꞌ nojel ja rbin can tre ja Jesús leꞌ, xecheꞌe.

San Juan 6:65

In xbij chic chique: —Rmalariꞌ ja tok xinbij chewe chi mta moda xturkaji jun winak wqꞌuin chi nyukeꞌ rucꞌuꞌx wqꞌuin ja wi matiyataj tre rmal ja Tatixel chi nyukeꞌ rucꞌuꞌx wqꞌuin. Queriꞌ xbij ja Jesús chique.

Romanos 1:5

Rmal cꞌa arjaꞌ tok kacochin tre ja Dios ja rutzil ja nsipaj chake in rmal arjaꞌ chakajaꞌ tok yatajnak ajoj chake chi okocnak apóstol rxin. Ma chaka ta queriꞌ tok banon queriꞌ chake, rumac chi nokbe cuqꞌuin ja tinamit ja recꞌo nojel nat nakaj chwach ja rwachꞌulew chi nekayaꞌaꞌ rbixic ja Jesucristo chique utzcꞌa chi nyukeꞌ quecꞌuꞌx ruqꞌuin in nquinimaj ja rtzobal. Nojel ariꞌ nkaban, yaꞌbal rukꞌij arjaꞌ ja nkaban.

Romanos 12:6

Cꞌo cꞌa ja yatajnak chake rmal ja Dios ja rokocnak wiꞌ pro ma junan ta ja rokocnak wiꞌ. Kasamajij cꞌa ja samaj ja ryaꞌon ja Dios chake chikajujunal. Ja wi Dios ryaꞌon chawe chi natcowini nayaꞌ rbixic ja nkꞌalasaj arjaꞌ chawach tayaꞌaꞌ cꞌa rbixic pro xarwariꞌ rjawaxic chi bien nucꞌam riꞌ ja nabij ruqꞌuin ja tijonem xin Jesucristo ja bar yukul wiꞌ kacꞌuꞌx.

1 Corintios 1:1

Anin ja rin Pablo in apóstol rxin ja Jesucristo jariꞌ samaj Dios yoyon chwe. Anin wachbil ja kachꞌalal Sóstenes nkatzꞌibaj jawaꞌ carta riꞌ

1 Corintios 12:11

Pro xarwariꞌ, xa jun mismo Espíritu Santo ja nyoꞌ chake nojel awaꞌ samaj xin Dios ja cꞌa xinbij kaj chewe riꞌ, arjaꞌ nuyaꞌ kasamaj chikajujunal ja cꞌo rgana nuyaꞌ chake.

1 Corintios 15:10

Pro ja Dios arjaꞌ xsipaj ja rutzil chwe in xa rmal ja rutzil xin Dios tok inocnak apóstol camic. In ma chaka ta queriꞌ xincochij ja rutzil tre pro congana samaji pa ncꞌaslemal. Más chi na samaj xin Dios xinban chiquewach ja juleꞌ chic pro ma anin ta xinsamaji nuyon, ja rutzil ja xincochij tre ja Dios jariꞌ ja samaji pa ncꞌaslemal.

1 Corintios 3:5

¿Nak cꞌa ocnak wiꞌ ja rApolos nechꞌob ixix in nak cꞌa inocnak wiꞌ anin chakajaꞌ? Ajoj xa ok moso rxin ja kajaw Jesucristo. Ja cꞌa tok yukeꞌ ecꞌuꞌx ruqꞌuin ja Jesucristo kumal jariꞌ Dios banowi, ma ajoj ta. Ajoj xa rbanic kaban ja samaj ja xuyaꞌ chake ja Dios chi ok caꞌiꞌ.

1 Corintios 4:7

Ja cꞌa wi cꞌo jun nunaꞌ kaj chi congana nim pro ¿nak cꞌa bin tre chi arjaꞌ más nim rukꞌij chiquewach ja juleꞌ chic kachꞌalal? ¿La ma Dios ta cꞌa sipan tre nojelal ja cꞌo ruqꞌuin? Ja wi xa rcochin tre ja Dios ¿nak cꞌa tre tok nyabej kaj rukꞌij ruyon, nak cꞌa tre tok nuban tre caniꞌ xa ma sipan ta?

Gálatas 1:1

Anin in Pablo, inocnak apóstol rxin ja Jesucristo. Pro ma cuqꞌuin winak ta penak wiꞌ chi inocnak apóstol in chakajaꞌ ma winak ta etakyonel wxin chi rbanic jawaꞌ samaj riꞌ. Ja Jesucristo rachbil ja katataꞌ Dios ejeꞌeꞌ etakyonel wxin chi rbanic. Jariꞌ mismo Dios ja yico rxin ja Jesucristo chipan ja camíc.

Efesios 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Efeso. Anin incojon rmal ja Dios chi inocnak apóstol rxin ja Jesucristo. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin.

1 Timoteo 2:7

In rmalariꞌ tok xinchaꞌi chi xinoc apóstol rxin ja Jesucristo chi nyaꞌ rbixic. In yataj chwe chi xinbe cuqꞌuin ja ma e aj Israel ta chi quitijoxic. Jariꞌ ni katzij wiꞌ, ja Jesucristo arjaꞌ rotak chi ni katzij wiꞌ, ma npayil ta. Ja tijonem ja xinyaꞌ chique jariꞌ nak rbanic chi nyukeꞌ quecꞌuꞌx ruqꞌuin ja Jesucristo in nak rbanic ja utzlaj tzij ja rcꞌamonto.

Santiago 1:17

ja Dios ni ruyon wiꞌ utzil ja nuyaꞌto. Xa nak ta rutzil nkacochij, xa nak ta ja nsipax chake ja majun itzelal rcꞌan jariꞌ chilaꞌ chicaj npi wiꞌ, ja katataꞌ Dios arjaꞌ ntakoto. Ja luz ruqꞌuin ja Dios npi wiꞌ nojelal caniꞌ tre kꞌij, icꞌ in chꞌumil, in arjaꞌ mta jutij xtiqꞌuextaj ta, ni utz wiꞌ ja nuban, ni mta wiꞌ kꞌekumal rcꞌan.