San Juan 3:17 - Tz'utujil (Ja Cꞌacꞌa Chominem)

¹⁷ Queriꞌ nbij como ja Dios tok xutakto ja Ralcꞌwal waweꞌ chwachꞌulew ma rmal ta chi xquerutakel ta ja winak chipan ja rpokonal. Pro jariꞌ xutakto utzcꞌa chi rmal ja Ralcꞌwal nquewil na ja totajem xin Dios canojelal.

Tz'utujil NT

¹⁷ Cara' quenbij com Dios mxutak pta Rlec'wal che nquerutak ela wnak chpam lowlo', je rbanic jxutak ta ch-utz c'ara' rmal Rlec'wal nquetotaja conjelal wnak.

San Juan 3:17 Iomraidhean Croise

San Mateo 1:23

—Bien tecꞌwaxaj ja wariꞌ, cꞌo jun kꞌapoj xtan nyawaj na in rmalariꞌ tok nqꞌuejeꞌe jun ti ral talaꞌ. Jariꞌ talaꞌ Emanuel xtibinaꞌax tre. Queriꞌ ja tzꞌibtal can. Emanuel tibij tzij Dios cꞌo kuqꞌuin.

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 18:11

Como ja ranin inpenak chi quitoꞌic ja retzaknak, anin ja rin Alcꞌwalaxel ja xinoc alaxic cuqꞌuin ja winak.

San Lucas 19:10

Xattotaji como ja Ralcꞌwalaxel ja xoc alaxic cuqꞌuin ja winak arjaꞌ penak chi quicanoxic ja winak ja retzaknak chipan ja il mac utzcꞌa chi nquewil ja totajem xin Dios.

San Lucas 9:56

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin winak ma inpenak ta chi quicamsaxic winak, inpenak chi quitoꞌic, neꞌ chique. Cꞌacꞌariꞌ xebe chic cha jun aldea.

San Juan 1:29

Ja cꞌa chi rcab kꞌij ja Juan xutzꞌat pon ja Jesús chi xajalal majaꞌn turkaj ruqꞌuin in quewaꞌ xbij chique ja winak riꞌ: —Tetzꞌataꞌ mpeꞌ ja rachi leꞌ, arjaꞌ noc na caniꞌ jun carnelo ja nba̱n sacrificar chwach ja Dios, arjaꞌ takonto waweꞌ chwachꞌulew rmal ja Dios chi nurchupuꞌ kaj ja kil kamac kanojelal ja rok winak.

San Juan 10:36

Ja cꞌa chwe anin, Dios xinruchaꞌ in xinrutakto waweꞌ chwachꞌulew. Ja cꞌa rejeꞌeꞌ wi bix chique chi e dios ¿nak cꞌa tre tok nebij ixix chwe chi xa ofensa rcꞌamonto tre ja Dios ja tok xinbij chi anin ja rin Ralcꞌwal Dios?

San Juan 11:42

Pro anin bien wotak chi ni nacꞌwaxaj wiꞌ ja ncꞌutuj chawe xarwariꞌ quewaꞌ nbij chawe camic utzcꞌa ja winak ja quimolon quiꞌ riꞌ ejeꞌeꞌ nquicꞌaxaj ja nintajini nbij chawe in nquinimaj chi atat attakyonpi wxin, neꞌ tre ja Tatixel.

San Juan 17:18

Caniꞌ abanon chwe xinatakto waweꞌ chwachꞌulew queriꞌ cꞌa nban anin chique chakajaꞌ nchomarsan chic chi nenutakel chwach ja rwachꞌulew chi nequibanaꞌ ja rasamaj.

San Juan 17:21

Camic nban pon orar pa quicuenta utzcꞌa chi xta jun xtiqueban canojelal ja winak ja nyukeꞌ quecꞌuꞌx wqꞌuin caniꞌ kabanon ajoj awqꞌuin Nataꞌ como atat xa jun abanon wqꞌuin in xa jun nbanon anin awqꞌuin chakajaꞌ. Ja kas ngana anin xta jun xtiqueban kuqꞌuin canojelal utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xtiquinimaj chi atat attakyonto wxin.

San Juan 17:23

Quewaꞌ neli riꞌ, anin xa jun nban cuqꞌuin in atat chakajaꞌ xa jun naban wqꞌuin utzcꞌa tok xtiqꞌuiswani mta ariꞌ ja maquita jun nqueban. Queriꞌ nwajoꞌ utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xticotakij na chi atat attakyonto wxin utzcꞌa chi xticotakij na chakajaꞌ chi congana neꞌawajoꞌ ja winak ja xa jun quibanon wqꞌuin ja caniꞌ abanon chwe como congana ninawajoꞌ.

San Juan 17:25

Nataꞌ, atat nij at utzlaj kꞌetol tzij wiꞌ pro ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xa ma cotak ta janiꞌ ja ranaꞌoj pro ja ranin wotak in chakajaꞌ ja winak ja recꞌo wqꞌuin ja reꞌayaꞌon chwe ejeꞌeꞌ cotak chi atat attakyonto wxin.

San Juan 17:3

Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

San Juan 17:8

Como anin nbin chic chique nojel ja rabin chwe. Ejeꞌeꞌ quiniman chic ja nbin chique in camic bien cotak chi awqꞌuin atat inpenak wiꞌ, nquinimaj chi atat attakyonto wxin.

San Juan 20:21

Ja cꞌa Jesús xbij chic jutij chique: —Ja quicotemal xin Dios tiqꞌuejeꞌ checojol. Ja Nataꞌ arjaꞌ xinrutakto waweꞌ chwachꞌulew in queriꞌ cꞌa nban chic chewe ixix chakajaꞌ, nixnutakel chi nebanaꞌ ja nsamaj, neꞌ chique.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

San Juan 5:36

Pro cꞌo chi na jun nyoꞌ testigoꞌil chwij in ja testigoꞌil nuyaꞌ arjaꞌ más chi na nim rukꞌij chwach ja xuyaꞌ ja Juan. Ja samaj ja nmajon rbanic jariꞌ ocnak testigoꞌil chwij, jariꞌ samaj yatajnak chwe rmal ja Tatixel chi nban in jariꞌ samaj ncꞌutuwi chi ja Tatixel intakyonto.

San Juan 5:38

In chakajaꞌ ma eyaꞌon ta lugar tre ja rtzobal chi ocnak ta pa tak ewanma. Ni kꞌalaj wiꞌ chi ma eyaꞌon ta lugar tre como arjaꞌ takyonto wxin in ixix ni majun egana xtiyukeꞌ ta ecꞌuꞌx wqꞌuin.

San Juan 5:45

Pro maxta techꞌob chi anin xquinyoꞌ parte chewij chwach ja Tatixel. Ja nyoꞌ parte chewij jariꞌ ja Moisés in ixix nebij chi congana yukul ecꞌuꞌx ruqꞌuin ja Moisés.

San Juan 6:29

—Tiyukeꞌ ecꞌuꞌx ruqꞌuin ja Ralcꞌwalaxel ja takonto rmal ja Dios in tok nyukeꞌ ecꞌuꞌx ruqꞌuin ja cꞌariꞌ samaj xin Dios, xecheꞌxi rmal ja Jesús.

San Juan 6:38

Anin xinkajto chilaꞌ chicaj, inpenak chi rbanic ja rvoluntad ja rintakyonto, ma nvoluntad ta anin nunbanaꞌ kaj ta nuyon.

San Juan 6:40

Ja Tatixel ja takyonpi wxin quewaꞌ rvoluntad riꞌ, chi canojel ja winak ja ncotakij rwach ja Ralcꞌwalaxel in nyukeꞌ quecꞌuꞌx ruqꞌuin ejeꞌeꞌ nyataj chique ja utzlaj cꞌaslemal ja mta qꞌuisic trij. Ja cꞌa tok xterilaꞌ ja qꞌuisbal tiempo anin ninyico quixin chipan ja camíc. Queriꞌ xbij ja Jesús chique.

San Juan 6:57

Ja cꞌaslic Tatixel arjaꞌ inrtakonto in rmal arjaꞌ tok nij incꞌas wiꞌ in queriꞌ cꞌa chique ja winak ja xquetijowi ja ncuerpo rachbil nquiqꞌuel ejeꞌeꞌ necꞌaseꞌ na chijutij mwal anin.

San Juan 7:29

Pro ja ranin wotak rwach como ruqꞌuin arjaꞌ inpenak wiꞌ in arjaꞌ takyonto wxin, neꞌ chique.

San Juan 8:11

—Ni majun, neꞌe ja rixok. —In nixtacꞌa anin ta xtinkꞌet ta tzij chawij. Camic jat xarwariꞌ macatmacun chi ta, neꞌxi rmal ja Jesús.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

1 Juan 2:2

Arjaꞌ chomarsbal rxin ja kil kamac in ma ruyon ta chake ajoj nuban wiꞌ queriꞌ, canojel winak ja nuban queriꞌ chique.

1 Juan 4:14

In ajoj chakajaꞌ katzꞌat rwach ja Jesucristo ja Ralcꞌwal Dios in nkayaꞌ rbixic chi arjaꞌ takto rmal ja Tatixel, xoc Toꞌonel kaxin kanojelal ja rok winak.