San Juan 21:23 - Tz'utujil (Ja Cꞌacꞌa Chominem)

²³ Jariꞌ tzij ja xbij ja Jesús be rtzijoxic chiquicojol ja kachꞌalal pro queqꞌuex rbixic: —Ni maticam wiꞌ ja discípulo, xecheꞌe, pro ma queriꞌ ta xbij ja Jesús como arjaꞌ xbij: —Ja wi cꞌo ngana chi cꞌa cꞌas na arjaꞌ ja tok xquinmeloj chic jutij jariꞌ mta akꞌaꞌ atat tre, queriꞌ xbij.

Tz'utujil NT

²³ Jara' tzij je xbij Jesús xba rtzojxic chquecjol kch'alal per xqueq'uex rbixic: —Majo'n ncom ta discípulo, cara' xecbij. Per mcara' ta xbij Jesús com arja' xbij: —Wc'ola ngan c'as na quenruwla' tak xtquenmloj pchic wjic per jawra majo'n ak'a' tzra.

San Juan 21:23 Iomraidhean Croise

San Mateo 16:27

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin ja winak ninpi chi na jutij e wachbil ja ángel wxin, tokoriꞌ ja gloria xin Dios congana nchꞌaꞌan chwij in ja winak nunyaꞌaꞌ na rtojbalil chique chiquijujunal ja queban waweꞌ chwachꞌulew.

Hechos 1:15

Jariꞌ tiempo peꞌi ja Pedro chiquewach ja juleꞌ chic kachꞌalal ja quiniman chic ja Jesús, ecꞌo la jun ciento veinte chi canojelal. Quewaꞌ xbij ja Pedro chique riꞌ:

Hechos 28:14

Triꞌ ecꞌo wiꞌ juleꞌ kachꞌalal xekawil, ejeꞌeꞌ xokqueban invitar chi nokqꞌuejeꞌ jun semana cuqꞌuin. Ja cꞌa tok tzꞌakati ja jun semana kumal cꞌacꞌariꞌ xokbe chic pa Roma.

Hechos 6:3

Rmalcꞌariꞌ tok nkabij chewe camic, queꞌecanoj e wukuꞌ achiꞌiꞌ checojol ja utz netzꞌa̱t cumal ja kachꞌalal, juleꞌ achiꞌiꞌ ja nojnak ja rEspíritu Santo pa tak canma in congana tzꞌakat quinaꞌoj. Ja cꞌa tok xquecontaj emwal ajoj nkayaꞌ chi quekul chi ejeꞌeꞌ nejachowi ja way.

1 Corintios 11:26

Queriꞌ cꞌa ja kas mero rbanic, jawaꞌ caxlanway riꞌ rachbil ja riyaꞌl uva tok xtetij xa nak ta chi tiempoꞌal xtetij wiꞌ jeꞌe jariꞌ caniꞌ neyaꞌ rbixic ja rcamic ja kajaw Jesucristo in cꞌa tokoriꞌ netanbaꞌ rtijic ja tok xtipi chic jutij.

1 Corintios 4:5

Ja cꞌa tok xtipi chic jutij ja kajaw Jesucristo jariꞌ tiempo xin kꞌetoj tzij rmalcꞌariꞌ nbij chewe chi ma tekꞌetlaꞌ pon chi ta tzij ixix trij jun winak. Ja cꞌa tok xtipeti ja kajaw Jesucristo arjaꞌ nlasaj na pa sakil nojel ja rawatali, arjaꞌ nkꞌalasaj na chakajaꞌ nojel ja nkachꞌob kaj pa tak kanma. Ja cꞌa tok xtikꞌalastaj rmal cꞌacꞌariꞌ ja Dios arjaꞌ xtibin chake chikajujunal wi utz kabanon owi mani.

Santiago 5:7

Rmalcꞌariꞌ wachꞌalal nbij chewe, tecochꞌoꞌ ewach chipan nojel ja rpokonal in ni ta quirwariꞌ ebanon ja tok xtipi chic jutij ja kajaw Jesucristo. Caniꞌ nuban ja rajchonlaꞌ cꞌo rpaciencia chi raybexic ja caꞌiꞌ tiempo xin jab in chakajaꞌ cꞌo rpaciencia chi raybexic ja tiempo ja xtiwachin wiꞌ ja rtijcoꞌm.

Apocalipsis 2:25

Xarwariꞌ, ja utzlaj tijonem ja cꞌol ewqꞌuin ni tenimaj wiꞌ, ni ta quirwariꞌ ebanon ja tok xquinpi chic jutij.