San Juan 21:16 - Tz'utujil (Ja Cꞌacꞌa Chominem)

¹⁶ Cꞌacꞌariꞌ ja Jesús xcꞌaxaj chic jutij tre: —Simón ja rat rcꞌajol Jonás ¿la ninawajoꞌ? neꞌ tre. —Queriꞌ Wajaw, atat awotak chi congana nel nucꞌuꞌx chawij, neꞌx chic jutij rmal ja Pedro. —Queꞌachajij cꞌa ja ncarnelo, neꞌe ja Jesús tre.

Tz'utujil NT

¹⁶ C'jara' Jesús xc'axaj chic tzra: —Simón, rlec'wal Jonás ¿le cnawajo'? —Cara' Wajaw, atet awutkin chcatnwajo', xbij chic jmul Pedro. —Que'ayuk'uj c'a ncarne'l.

San Juan 21:16 Iomraidhean Croise

San Mateo 2:6

—Ja tinamit Belén ja cꞌo pa rcuenta Judá, janila nim rukꞌij ntzꞌa̱t cumal ja kꞌetol tak tzij xin Judá. Queriꞌ rbanic como triꞌ nwinakar wiꞌ jun kꞌetol tzij, arjaꞌ nucꞌan quixin ja ntinamit Israel, neꞌe ja Dios. Queriꞌ ja tzꞌibtal can rmal ja profeta, xecheꞌ tre.

San Mateo 25:32

In nojel tinamit nemo̱l chwach, cꞌacꞌariꞌ nuban caꞌiꞌ chique caniꞌ nuban jun yukꞌul carnelo, junwiꞌ neruyaꞌ wiꞌ ja tak carnelo in junwiꞌ neruyaꞌ wiꞌ ja tak qꞌuisicꞌ.

San Mateo 26:72

Pro ja Pedro arjaꞌ ma xuyaꞌ chi ta trij ja bix tre: —Chwach Dios nbij chi anin ma wotak ta rwach ja Jesús ja nabij leꞌ, neꞌ tre.

San Lucas 19:10

Xattotaji como ja Ralcꞌwalaxel ja xoc alaxic cuqꞌuin ja winak arjaꞌ penak chi quicanoxic ja winak ja retzaknak chipan ja il mac utzcꞌa chi nquewil ja totajem xin Dios.

San Juan 18:17

Ja cꞌa tok ocnakto chic ja Pedro bix tre rmal ja xtan: —¿La maxta atat jun chakajaꞌ at discípulo rxin ja rachi leꞌ ja rbinaꞌan Jesús? neꞌxi. —Mni waꞌan, neꞌe ja Pedro.

San Juan 18:25

Ja cꞌa Simón Pedro arjaꞌ kas paꞌloc chiꞌ kꞌakꞌ, rmajon rmakꞌic riꞌ ja tok cꞌaxax tre: —¿La maxta atat jun chakajaꞌ at discípulo rxin ja Jesús? neꞌxi. Pro ja Pedro ma xuyaꞌ ta trij: —Ma anin ta, neꞌe.

San Juan 21:17

Pa roxmul cꞌaxax chic tre ja Pedro: —Simón ja rat rcꞌajol Jonás ¿la congana nel acꞌuꞌx chwij? neꞌxi rmal ja Jesús. Ja cꞌa Pedro arjaꞌ xumaj bis rmal ja cꞌaxax oxmul tre ja wi congana nel rucꞌuꞌx trij ja Jesús: —Wajaw, atat ni majun nak ta ja maquita awotak, awotak chi congana nel nucꞌuꞌx chawij, neꞌe ja Pedro tre. —Queꞌayukꞌuj cꞌa ja ncarnelo, neꞌe ja Jesús tre.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hebreos 13:20

Ja Dios arjaꞌ Yoꞌl quicotemal, arjaꞌ yico rxin ja kajaw Jesús chipan ja camíc. Ja Jesús arjaꞌ lokꞌlaj Pastor, arjaꞌ yukꞌul kaxin ja rok caniꞌ tak rcarnelo. Rmal ja rquiqꞌuel ja xutix chwach cruz chewiꞌ tok queriꞌ rbanon. Jariꞌ quicꞌ yaꞌbal rseguro ja chominem ja ni mta wiꞌ qꞌuisic trij ja chomarsax rmal ja Dios.

1 Pedro 2:25

Ja cꞌa rixix nabey ix caniꞌ juleꞌ tak carnelo ja retzaknak pro ja camic ixcꞌo chic pa rukꞌaꞌ ja Jesucristo, arjaꞌ chic nyukꞌun ewxin, arjaꞌ nixchajini.

1 Pedro 5:2

Queꞌeyukꞌuj chi utz ja rtinamit Dios. Nojel ecꞌuꞌx nojel ewanma queꞌewcꞌaj, maxta chaka ix puersa. Maxta xa rmal pwok teyarij más ja tok neꞌewcꞌaj pro kas tel ecꞌuꞌx chi cucꞌaxic.

Apocalipsis 7:17

Queriꞌ xtiqueban como ja Carnelo ja cꞌo mero pa nicꞌaj ja bar cꞌo wiꞌ ja trono arjaꞌ xtiyukꞌun quixin. Arjaꞌ xquerucꞌaj ja bar cꞌo wiꞌ tzꞌuquel tak yaꞌ pro jariꞌ yaꞌ rcꞌamonto ja utzlaj cꞌaslemal. Ja cꞌa Dios arjaꞌ xtisuꞌuwi ja riyaꞌl quewach pro ni nojelal in ni mchita wiꞌ okꞌej xtiqueban. Queriꞌ xbij chwe ja ranciano.