San Juan 21:15 - Tz'utujil (Ja Cꞌacꞌa Chominem)

¹⁵ Ja cꞌa tok colbetaji waꞌim cumal cꞌacꞌariꞌ cꞌaxax tre ja Simón Pedro rmal ja Jesús: —Simón ja rat rcꞌajol Jonás ¿la ni katzij wiꞌ chi atat ja más na natajoꞌn wxin chiquewach ja juleꞌ chic awachbil riꞌ? neꞌxi. —Queriꞌ Wajaw, atat awotak chi congana nel nucꞌuꞌx chawij, neꞌe ja Pedro. —Queꞌayukꞌuj cꞌa ja yukul quecꞌuꞌx wqꞌuin como ejeꞌeꞌ e caniꞌ tak ncarnelo, neꞌxi rmal ja Jesús.

Tz'utujil NT

¹⁵ Tak xec'choja w-im cmal xc'axaxa tzra Simón Pedro rmal Jesús: —Simón, at rlec'wal Jonás ¿le ktzitzij cnawajo' congan que chquewech nic'aj chic awexbil? —Cara' Wajaw, atet awutkin chcatnwajo', cara' xbij Pedro. —Que'atzku' c'a je' ch'tak carne'l je ykul quec'u'x wq'uin.

San Juan 21:15 Iomraidhean Croise

San Mateo 10:37

Ja winak ja más na necajoꞌ ja quitataꞌ chinwach anin owi queteꞌ, ejeꞌeꞌ ma yatal ta chique xqueꞌoc ta ndiscípulo. Ja winak ja cꞌo jun calcꞌwal ja más na ncajoꞌ chinwach anin, ejeꞌeꞌ ma yatal ta chique xqueꞌoc ta ndiscípulo chakajaꞌ.

San Mateo 16:17

Ja cꞌa Jesús arjaꞌ xbij tre: —Congana quiꞌil chawe Simón ja rat rcꞌajol Jonás como ja cꞌa xabij kaj chwe ma winak ta xekꞌalasan ta chawach, ja Nataꞌ ja cꞌo chilaꞌ chicaj arjaꞌ kꞌalasan chawach.

San Mateo 18:10

Kas tebanaꞌ cuenta nak neban chique waꞌ ja re taknoꞌy riꞌ, nixtacꞌa jun ta chique xteban ta tre ni mta. Como anin nbij chewe chi ja chilaꞌ chicaj ecꞌoli ja ángel quixin in jariꞌ ángel mta ariꞌ ja maquita yatajnak chique chi neꞌekaj chwach ja Nataꞌ ja cꞌo chilaꞌ chicaj.

San Mateo 26:33

Ja cꞌa Pedro arjaꞌ xbij tre: —Masqui canojel xcatqueyaꞌ can pro ja cꞌa chwe anin mta moda xcatnuyaꞌ can ta, neꞌ tre.

San Mateo 26:35

—Masqui ok caꞌiꞌ awqꞌuin xkocamsaxi pro ni ma xcatnuyaꞌ can ta wiꞌ, neꞌe ja Pedro tre. In canojel ja discípulo queriꞌ quibij tre chakajaꞌ.

Marcos 14:29

Ja cꞌa Pedro arjaꞌ xbij tre: —Masqui canojel xcatqueyaꞌ can pro ja chwe anin mta moda xcatnuyaꞌ can ta, neꞌ tre.

San Lucas 12:32

Ixix ix caniꞌ jun ti moc tak carnelo pro ma texbej ta ewiꞌ como ja retataꞌ Dios arjaꞌ rchomin chic chi nixrucoj chipan ja gobierno rxin.

San Lucas 22:32

Pro anin nbanon orar pan acuenta utzcꞌa chi matiqꞌuisi chijutij ja yukulbal acꞌuꞌx wqꞌuin. Atat ja tok xcatmelojpi chic jutij pa nukꞌaꞌ tacowirsaj chic quecꞌuꞌx ja rawachꞌalal, neꞌ tre.

San Juan 1:42

Cꞌacꞌariꞌ xucꞌamel ruqꞌuin ja Jesús. Ja cꞌa tok xeꞌekaji kas tzꞌelwachixi ja Simón rmal ja Jesús in quewaꞌ bix tre riꞌ: —Atat at Simón, at rcꞌajol ja Jonás pro nyataj chi na jun ja biꞌaj chawe Cefas natcheꞌxi. (Cefas tibij tzij Pedro owi abaj.)

San Juan 13:37

—Wajaw ¿nak tre tok ma xquincowin ta xquintreꞌ chawij camic? Anin matinpokonaj nincamsax amwal, neꞌe ja Pedro.

San Juan 16:27

Arjaꞌ nuyaꞌ chewe como nixrajoꞌ xa chewiꞌ tok nuyaꞌ chewe. Queriꞌ nuban chewe como ixix ninewajoꞌ in chakajaꞌ nenimaj chi ruqꞌuin ja Dios inpenak wiꞌ.

San Juan 21:12

Ja cꞌa Jesús xbij chic chique: —Quixajoꞌ, quixwaꞌi, neꞌ chique. Canojel ja discípulo nquixbej quiꞌ nquicꞌaxaj tre: —¿Nak abiꞌ? xecheꞌ ta tre como cotak chi ja kajaw Jesús.

San Juan 21:7

Cꞌoli ja discípulo ja congana najoꞌx rmal ja Jesús, arjaꞌ xbij tre ja Pedro: —Jalaꞌ laleꞌ kajaw Jesús, neꞌ tre. Ja cꞌa Simón Pedro arjaꞌ tok xcꞌaxaj chi queriꞌ xcojlaꞌ ja rtziak in xuqꞌuiakto riꞌ pa yaꞌ in xuleꞌto.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hechos 20:29

Bien wotak chi ja tok ma incꞌo chi ta ewqꞌuin ecꞌo juleꞌ itzel tak winak neꞌoc na checojol in nquemaj ryojic ja yukulbal quecꞌuꞌx ja kachꞌalal ruqꞌuin ja Jesucristo.

Romanos 14:1

Ja cꞌa wi cꞌo jun kachꞌalal xtekaj ewqꞌuin in wi ma kas ta cow ja yukulbal rucꞌuꞌx ruqꞌuin ja Jesucristo maxta ma tecꞌul ta. Pro maxta temajlaꞌ rchꞌaꞌic tre chakajaꞌ ja majaꞌn ticowir jeꞌe tre ja yukulbal rucꞌuꞌx.

Romanos 15:1

Ja cꞌa rajoj ja cow chic ja yukulbal kacꞌuꞌx ruqꞌuin ja Jesucristo yatal chake chi nqꞌuejeꞌe ja kapaciencia cuqꞌuin ja kachꞌalal ja ma e cow ta, ruqꞌuin ta paciencia quekatoꞌoꞌ tre ja majaꞌn tichꞌobtaj jeꞌe cumal. Ma yatal ta chake chi nkaban ja xa nak ta cꞌo kagana nkaban.

1 Corintios 8:11

Queriꞌ cꞌa nuban, xcꞌa rmal ja congana awotak atat xa chewiꞌ tok nyojtaji ranma ja kachꞌalal ja majaꞌn ticowiri, amac atat tok nyojtaji ja kachꞌalal pro makanaꞌ maquita cami ja Cristo pa rcuenta.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Efesios 4:14

Pro bien ntzꞌakat na ja kanaꞌoj utzcꞌa chi ma ok caniꞌ chi ta juleꞌ acꞌalaꞌ utzcꞌa chi ma chaka ta nojel tijonem ta nkanimaj caniꞌ tre juleꞌ tijonem ja xa quixin juleꞌ winak ja rebanol engaño, juleꞌ winak ja congana e listo in natqueyaꞌ pa jun bey ja ma xin Dios ta.

Efesios 6:24

Ja rutzil xin Dios xtiqꞌuejeꞌ ta cuqꞌuin canojel ja neꞌajoꞌn rxin ja kajaw Jesucristo pro jun ajoben riꞌil ja ni mta wiꞌ qꞌuextajic trij. Amén.

Hebreos 13:20

Ja Dios arjaꞌ Yoꞌl quicotemal, arjaꞌ yico rxin ja kajaw Jesús chipan ja camíc. Ja Jesús arjaꞌ lokꞌlaj Pastor, arjaꞌ yukꞌul kaxin ja rok caniꞌ tak rcarnelo. Rmal ja rquiqꞌuel ja xutix chwach cruz chewiꞌ tok queriꞌ rbanon. Jariꞌ quicꞌ yaꞌbal rseguro ja chominem ja ni mta wiꞌ qꞌuisic trij ja chomarsax rmal ja Dios.

Hebreos 4:13

Ja Dios ni majun nak ta ja rawatal ta chwach, nojel ncaꞌy wiꞌ, ni majun ja maquita nutzꞌat, chwach cꞌa nekajachaꞌ na wiꞌ cuenta.

1 Pedro 1:8

Ixix janila newajoꞌ ja Jesucristo masqui ma etzꞌaton ta rwach in ni yukul wiꞌ ecꞌuꞌx ruqꞌuin camic. Rmalariꞌ tok janila nixquicoti camic, yatajnak chewe ja nimlaj quicotemal xin chilaꞌ chicaj.

1 Pedro 2:2

Caniꞌ nuban jun ti yaquiꞌ kas nyarij rutzꞌum ja ruteꞌ quirtariꞌ chewe ixix chakajaꞌ kas tel ecꞌuꞌx trij ja chꞌajchꞌojlaj rtzobal Dios como jariꞌ majun engaño rcꞌan. Ja wi queriꞌ xteban jariꞌ nixcowir chipan ja rtzobal Dios in nixtotaji chijutij.

1 Pedro 2:25

Ja cꞌa rixix nabey ix caniꞌ juleꞌ tak carnelo ja retzaknak pro ja camic ixcꞌo chic pa rukꞌaꞌ ja Jesucristo, arjaꞌ chic nyukꞌun ewxin, arjaꞌ nixchajini.

1 Juan 4:19

Ja Dios arjaꞌ xokrajoꞌ ajoj nabey rmalcꞌariꞌ tok nkajoꞌ arjaꞌ chakajaꞌ.

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.

Apocalipsis 2:23

Ja cꞌa xtinban chique ja ral jariꞌ nencamsaj in ja riglesia nojelal bien xtichꞌobtaj cumal chi anin nincowini ntzꞌat xa nak ta ja cꞌo pa tak quewiꞌ pa tak canma ja winak, ni majun awatal ta chinwach in anin nyaꞌ na rtojbalil chewe ja rebanon chejujunal, ja cꞌa rebanon jariꞌ ncꞌutuni janiꞌ ja rtojbalil ja xtinyaꞌ chewe.