San Juan 21:12 - Tz'utujil (Ja Cꞌacꞌa Chominem)

¹² Ja cꞌa Jesús xbij chic chique: —Quixajoꞌ, quixwaꞌi, neꞌ chique. Canojel ja discípulo nquixbej quiꞌ nquicꞌaxaj tre: —¿Nak abiꞌ? xecheꞌ ta tre como cotak chi ja kajaw Jesús.

Tz'utujil NT

¹² Jesús cawra xbij chca. —Quixjo' quixwa'a. Conjelal discípulo necxibej qui' necc'axaj tzra: —¿At achnak wnak c'a atet? Cutkin c'a chja' Kajaw Jesús.

San Juan 21:12 Iomraidhean Croise

San Mateo 22:46

In ni majun chique canoy ta rmal nak chi tzijal xbij chi ta tre. In chakajaꞌ jariꞌ kꞌij xumajto mchita nak chi ta quicꞌaxaj chi ta tre como xa nquixbej quiꞌ ja nak chi ta xtiquicꞌaxaj chi ta tre.

Marcos 9:32

Pro ja rejeꞌeꞌ ma xchꞌobtaj ta cumal ja xbij chique in xa nquixbej quiꞌ xtiquicꞌaxaj ta tre nak rbanic.

San Lucas 9:45

Pro ja rejeꞌeꞌ xa ma xchꞌobtaj ta cumal ja xbij chique, xa wawan chiquewach utzcꞌa chi matichꞌobtaj cumal nak rbanic. Ja rejeꞌeꞌ xa nquixbej quiꞌ xtiquicꞌaxaj ta tre nak rbanic.

San Juan 16:19

Ja cꞌa Jesús arjaꞌ rotak chi ncajoꞌ nquicꞌaxaj tre nak rbanic in xbij chique: —¿La jaꞌ necꞌwaxaj chibil tak ewiꞌ ja xinbij chewe chi xa jurata chic ninqꞌuejeꞌ checojol in maquinetzꞌat chic pro xa ma nim ta ja tiempo ja maquinetzꞌat cꞌacꞌariꞌ ninetzꞌat chi na jutij?

San Juan 21:11

Cꞌacꞌariꞌ be ja Simón Pedro, xoc chipan ja lancha, xerlasajto ja cꞌam pa yaꞌ enojnak ja nimak tak chꞌuꞌ chipan, e jun ciento in cincuentitrés ja chꞌuꞌ. Pro masqui congana e qꞌuiy ja chꞌuꞌ pro ma xraktaj ta ja cꞌam.

San Juan 21:15

Ja cꞌa tok colbetaji waꞌim cumal cꞌacꞌariꞌ cꞌaxax tre ja Simón Pedro rmal ja Jesús: —Simón ja rat rcꞌajol Jonás ¿la ni katzij wiꞌ chi atat ja más na natajoꞌn wxin chiquewach ja juleꞌ chic awachbil riꞌ? neꞌxi. —Queriꞌ Wajaw, atat awotak chi congana nel nucꞌuꞌx chawij, neꞌe ja Pedro. —Queꞌayukꞌuj cꞌa ja yukul quecꞌuꞌx wqꞌuin como ejeꞌeꞌ e caniꞌ tak ncarnelo, neꞌxi rmal ja Jesús.

San Juan 4:27

Kas quimajon tzij tok xeꞌurkaji ja rdiscípulo ja Jesús. Ejeꞌeꞌ kas junwiꞌ quetzꞌat chi ntajini ntzijon ruqꞌuin jun ixok. Pro ni majun chique xbij ta tre: —¿Nak nawajoꞌ tre owi nak netzijoj ruqꞌuin? xcheꞌ ta tre.

Hechos 10:41

Ma chiquewach ta canojel ja xucꞌut wiꞌ riꞌ pro chikawach ajoj ja rokchaꞌon rmal ja Dios utzcꞌa chi nkayaꞌ rbixic ja rcꞌastajic como ajoj tok cꞌastajnak chic chiquicojol camnakiꞌ xokwaꞌ chi na ruqꞌuin.