San Juan 21:1 - Tz'utujil (Ja Cꞌacꞌa Chominem)

¹ Ja cꞌa tok bantajnak chic nojel awaꞌ wariꞌ cꞌacꞌariꞌ ja Jesús xucꞌut chic jutij riꞌ chiquewach ja discípulo tokoriꞌ tok ecꞌo chuchiꞌ ja mar ja rbinaꞌan Tiberias in quewaꞌ rbanic riꞌ.

Tz'utujil NT

¹ Tak xbantaja njelal jawra c'jara' xuc'ut chic ri' Jesús chquewech rdiscípulo tak ec'ola chuchi' mar Tiberias, y cawra xuban.

San Juan 21:1 Iomraidhean Croise

San Mateo 26:32

Pro ja tok xticꞌastaj nwach ninnabeyaj chewach, ninbe chipan ja departamento Galilea, neꞌ chique.

San Mateo 28:16

Ja cꞌa julajuj discípulo ejeꞌeꞌ xebe ja pa Galilea, xebe parwiꞌ ja jayuꞌ ja bar bin wiꞌ chique rmal ja Jesús chi nebe.

San Mateo 28:7

Ja cꞌa tok xtitzꞌattaj can emwal nixbe alnak, nebij chique ja rdiscípulo chi cꞌastajnak chic rwach chiquicojol camnakiꞌ. In quewaꞌ nebij chique riꞌ: —Tecꞌwaxaj mpeꞌ, ja Jesús arjaꞌ nnabeyaj chewach, nbe pa Galilea in triꞌ netzꞌataꞌ wiꞌ, xquixcheꞌ chique. Xtetzꞌataꞌ mpeꞌ como xinbij chewe, neꞌe ja ángel chique.

Marcos 16:12

Ja cꞌa Jesús ecꞌo chic caꞌiꞌ rdiscípulo, ejeꞌeꞌ quimajon binem ebenak pa jun aldea tok chaka jalal xucꞌut riꞌ chiquewach pro junwiꞌ na ncaꞌyi chewiꞌ tok ma xchꞌobtaj ta cumal chanim chi Jesús.

Marcos 16:14

Ja cꞌa tok be jutzꞌit tiempo tre xucꞌut chic jutij riꞌ ja Jesús chiquewach ja julajuj rdiscípulo, ejeꞌeꞌ kas eꞌocnak pa mesa. Ja Jesús arjaꞌ xumaj quichꞌolixic rmal ja ma kas ta yukul quecꞌuꞌx ruqꞌuin in rmal ja kas maril nquinimaj chi cꞌastaji. Queriꞌ xuban chique como ejeꞌeꞌ ma xquinimaj ta ja bix chique cumal ja xetzꞌato rxin chi cꞌastajnak chic.

Marcos 16:7

Pro ja camic jix, jebij tre ja Pedro in chique ja juleꞌ chic discípulo chi: —Ja Jesús arjaꞌ nnabeyaj chewach, nbe pa Galilea in triꞌ netzꞌataꞌ wiꞌ ja caniꞌ bin can chewe rmal. Queriꞌ tebij chique, neꞌe ja ángel.

San Juan 21:14

Quewaꞌ cꞌa xuban ja Jesús ja tok cꞌastaji chiquicojol camnakiꞌ, roxmul cꞌawaꞌ wariꞌ ja tucꞌut riꞌ chiquewach ja rdiscípulo.

San Juan 6:1

Cꞌacꞌariꞌ be chic ja Jesús chajuparaj mar xin Galilea ja cꞌo chic jun rubiꞌ mar xin Tiberias neꞌxi.

San Juan 6:23

Pro cꞌo juleꞌ ja lancha xelel pa Tiberias, be kꞌax chic chajuparaj chic mar. Ja lugar ja bar xekaj wiꞌ chinakaj ja mismo lugar ja bar qꞌuejeꞌ wiꞌ ja Jesús tokoriꞌ tok xmaltioxij tre ja Dios in xerutzuk ja winak.

Hechos 1:3

Ja cꞌa tok cami in tok cꞌastaji cꞌacꞌariꞌ xucꞌut riꞌ chiquewach ja rapóstol. Caꞌwinak kꞌij qꞌuejeꞌ chi na chwachꞌulew in qꞌuiylaj mul xucꞌut riꞌ chiquewach ja rapóstol in cꞌo chi na más ja xuban chiquewach utzcꞌa chi cꞌo quiseguro chi ni katzij wiꞌ chi cꞌastajnak chic. Arjaꞌ ntzijon cuqꞌuin in nuchꞌob chiquewach nak rbanic ja gobierno xin Dios.