San Juan 20:29 - Tz'utujil (Ja Cꞌacꞌa Chominem)

²⁹ Ja cꞌa Jesús xbij tre: —Tomás, atat natzꞌat nwach camic chewiꞌ tok natnimani pro congana na quiꞌil chique ja nenimani masqui matiquetzꞌat nwach, neꞌ tre.

Tz'utujil NT

²⁹ Jesús xbij: —Tomás, atet cnatz'et camic rmal c'ara' cnanimaj, per más na nim quek'ij jmajo'n nwech quetz'ton ta y xeyke'a quec'u'x wq'uin.

San Juan 20:29 Iomraidhean Croise

San Mateo 13:16

Pro ja rixix congana quiꞌil chewe como netzꞌat ja ncꞌu̱t chewach in necꞌwaxaj ja nbix chewe.

San Lucas 1:45

Congana quiꞌil chawe como xanimaj chi nbantaj na cumplir ja bix chawe rmal ja ángel ja takto rmal ja kajaw Dios, neꞌe ja rElisabet tre.

San Juan 20:28

—Atat at Wajaw, atat at nDios, neꞌe ja Tomás tre.

San Juan 20:8

Cꞌacꞌariꞌ xoc chipan ja panteón chakajaꞌ ja jun chic discípulo ja xekaji nabey in tok xutzꞌat ja tziak arjaꞌ xnimaj chi cꞌastajnak chic ja Jesús chiquicojol camnakiꞌ.

San Juan 4:48

—Ixix takaꞌan ni ma xquinenimaj ta wiꞌ ja maquita cꞌo juleꞌ milagro nban chewach, neꞌxi rmal ja Jesús.

2 Corintios 5:7

Queriꞌ rbanic como ja chipan ja kacꞌaslemal waweꞌ chwachꞌulew ja yukulbal kacꞌuꞌx ruqꞌuin ja Dios jariꞌ nucꞌan kaxin, ma ja ta nucꞌan kaxin ja nkatzꞌat ruqꞌuin kawach.

Hebreos 11:1

Ja yukulbal cꞌuxlal quewaꞌ rbanic riꞌ, ja wi cꞌo jeꞌe ja yukul kacꞌuꞌx ruqꞌuin jariꞌ ni nkaybej na wiꞌ in bien kotak chi nekawilaꞌ na, owi tre ja matitzꞌattaji ruqꞌuin kawach ja wi yukul kacꞌuꞌx ruqꞌuin jariꞌ bien kotak chi cꞌoli masqui matikatzꞌat.

Hebreos 11:27

Rmal ja yukulbal rucꞌuꞌx ruqꞌuin ja Dios chewiꞌ tok xeli ja pan Egipto, ma xbej ta riꞌ chwach ja rey masqui ja rey congana yictaj ryewal. Cow peꞌi, rotak chi ja Dios cꞌo ruqꞌuin, xuban ja caniꞌ xutzꞌat rwach ja Dios masqui ja Dios matitzꞌattaji.

Hebreos 11:39

Ejeꞌeꞌ canojel, rmal ja yukulbal quecꞌuꞌx ruqꞌuin ja Dios chewiꞌ tok congana utz xetzꞌa̱t rmal. Pro jariꞌ tiempo masqui utz xetzꞌati pro majaꞌn tiquewil triꞌ ja tzujunto ojer rmal ja Dios.

1 Pedro 1:8

Ixix janila newajoꞌ ja Jesucristo masqui ma etzꞌaton ta rwach in ni yukul wiꞌ ecꞌuꞌx ruqꞌuin camic. Rmalariꞌ tok janila nixquicoti camic, yatajnak chewe ja nimlaj quicotemal xin chilaꞌ chicaj.