San Juan 20:22 - Tz'utujil (Ja Cꞌacꞌa Chominem)

²² Ja cꞌa tok bitaji tzij rmal cꞌacꞌariꞌ xerxupuj in quewaꞌ xbij chique riꞌ: —Camic, tecꞌuluꞌ ja rEspíritu Santo.

Tz'utujil NT

²² Tak xbitaja tzij rmal, c'jara' xerxupuj y cawra xbij chca: —Camic tec'lu' c'a Espíritu Santo.

San Juan 20:22 Iomraidhean Croise

San Juan 14:16

Ja cꞌa ranin ncꞌutuj na tre ja Tatixel chi arjaꞌ nutakto jun chic ja ntoꞌo ewxin ja nqꞌuejeꞌ ewqꞌuin pro ni chijutij.

San Juan 15:26

Pro ja jun chic Toꞌonel ja cꞌo ruqꞌuin ja Nataꞌ arjaꞌ nkajto na ewqꞌuin como anin xquintakoto rxin. Arjaꞌ ja rEspíritu Santo pro jun Espíritu ja ni katzij wiꞌ nojel ja nbij, jun Espíritu ja ruqꞌuin Nataꞌ npi wiꞌ. Ja tok xturkaj ewqꞌuin arjaꞌ nkꞌalasaj na chiquewach ja winak nak inocnak wiꞌ anin.

San Juan 16:7

Pro nojel ja nmajon rbixic chewe ni katzij wiꞌ. Ja ninel checojol jariꞌ cꞌoli rcꞌamonto chewe. Ja wixta maquinbe maquita nkajto ariꞌ ewqꞌuin ja jun chic Toꞌonel pro ja wi ninbe, anin ninetakoto rxin ewqꞌuin.

San Juan 20:21

Ja cꞌa Jesús xbij chic jutij chique: —Ja quicotemal xin Dios tiqꞌuejeꞌ checojol. Ja Nataꞌ arjaꞌ xinrutakto waweꞌ chwachꞌulew in queriꞌ cꞌa nban chic chewe ixix chakajaꞌ, nixnutakel chi nebanaꞌ ja nsamaj, neꞌ chique.

San Juan 20:23

Ja wi nebij tre jun winak xa nak ta chi winakil chi cuytaji ja ril rumac cuytaj cꞌariꞌ owi nebij tre chi ma xcuytaj ta ma xcuytaj ta cꞌariꞌ. Queriꞌ xbij chique.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

Hechos 10:47

Ja cꞌa Pedro quewaꞌ xbij chique ja rachbil riꞌ: —Camic ni utz wiꞌ neba̱n bautizar jawaꞌ winak riꞌ como kajnakpi chic ja rEspíritu Santo cuqꞌuin ja caniꞌ kajto kuqꞌuin ajoj nabey, neꞌ chique.

Hechos 19:2

Quewaꞌ xbij chique riꞌ: —¿La kajto ja rEspíritu Santo ewqꞌuin ja tok yukeꞌ ecꞌuꞌx ruqꞌuin ja Jesucristo? neꞌ chique. —Ajoj nixtacꞌa kacꞌaxan ta ja wi cꞌoli ja rEspíritu Santo, xecheꞌ tre.

Hechos 2:38

Ja cꞌa Pedro xbij chique: —Teqꞌuexaꞌ ja renaꞌoj in teyaꞌaꞌ can ja ritzelal in chakajaꞌ quixban bautizar chejujunal pa rubiꞌ ja Jesucristo utzcꞌa chi ncuytaji ja rewil emac. Ja wi queriꞌ neban ja Dios arjaꞌ nutakto na ja rEspíritu Santo ewqꞌuin.

Hechos 2:4

Cꞌacꞌariꞌ noji ja rEspíritu Santo pa tak canma canojelal in quemaj tzij chipan chic juleꞌ tzobal ja caniꞌ yataj chique chiquijujunal rmal ja rEspíritu Santo.

Hechos 4:8

Ja cꞌa Pedro arjaꞌ nojnak ja rEspíritu Santo pa ranma in quewaꞌ xbij chique riꞌ: —Ixix ja rix kꞌetol tak tzij, ixix ja rix principaliꞌ rxin ja katinamit ja rok aj Israel,

Hechos 8:15

Ja cꞌa Pedro rachbil Juan tok xeꞌekaji queban jun oración pa quicuenta ja raj Samaria utzcꞌa chi nkajto ja rEspíritu Santo cuqꞌuin.

Gálatas 3:2

Camic cꞌoli nwajoꞌ ncꞌwaxaj chewe riꞌ, ja tok kajto ja rEspíritu Santo ewqꞌuin ¿la rmal ja xeban cumplir ja ley chewiꞌ tok kajto ewqꞌuin? Mni, ma queriꞌ ta. Pro ja xeban, xecꞌwaxaj ja utzlaj tzij xin Jesucristo in yukeꞌ ecꞌuꞌx ruqꞌuin xa chewiꞌ tok kajto ja rEspíritu Santo ewqꞌuin.