San Juan 2:6 - Tz'utujil (Ja Cꞌacꞌa Chominem)

⁶ Triꞌ cꞌo wiꞌ wakiꞌ rcꞌolbal tak yaꞌ, abaj ocnak, ja jujun cꞌo la wukuꞌ waxakiꞌ cucuꞌ yaꞌ nbe chipan. Ja rsamaj noc wiꞌ ja yaꞌ jariꞌ banbal quicostumbre ja raj Israel ja nquichꞌachꞌojirsbej nakun jeꞌe ja caniꞌ nrajoꞌ ja quireligión chi nqueban.

Tz'utujil NT

⁶ Tzra' c'ola wajki' rc'olibal ya' abaj ocnak, chpam jujun nba c-e' o oxi' chnaw ya', per ne nmak tak chnaw. Je rsamaj noc wa' jawra rc'olibal ya' jara' necbanbej ccostumbre aj Israel ch-utz c'ara' ch'ajch'oj nqueban com cara' nrajo' creligión che nqueban.

San Juan 2:6 Iomraidhean Croise

San Lucas 16:6

—Anin jun ciento tonel aceite ja nucꞌas, neꞌxi rmal ja rajcꞌas. Ja cꞌa rajsamajel xbij tre: —Jiꞌ, rwujal ja racꞌas riꞌ, tacꞌamaꞌ. Camic catzꞌabeꞌe, tabanlaꞌ chic jun ja wuj chanim riꞌ pro xa cincuenta tonel aceite acꞌas natzꞌibaj chic chipan, neꞌ tre.

San Juan 2:7

Ja cꞌa Jesús quewaꞌ xbij chique ja ilinelaꞌ riꞌ: —Tenojsaj ja rcꞌolbal tak yaꞌ leꞌ, neꞌ chique. In queriꞌ queban, xequicꞌamaꞌto ja yaꞌ, quinojsaj.

San Juan 3:25

Ja discípulo rxin ja Juan ejeꞌeꞌ quemaj tzij cuqꞌuin juleꞌ chic aj Israel in cꞌoli quechꞌaꞌ chibil tak quiꞌ tre ja bautismo.

Efesios 5:26

Queriꞌ xuban utzcꞌa chi xokoc ok tinamit xin Dios como arjaꞌ xchꞌachꞌojirsaj ja kanma. Queriꞌ kaban, kanimaj ja utzlaj tzij in xokban bautizar jariꞌ xchꞌachꞌojirsbej ja kanma.

Hebreos 10:22

Koꞌekaj cꞌa chwach ja Dios, maxta tikanaꞌ kiꞌ pro nojel ta kanma, ni ta yukul wiꞌ kacꞌuꞌx ruqꞌuin. Quirtariꞌ nkaban jutzꞌit como kotak chi chꞌachꞌojirsan chic ja kanma chipan ja kil kamac in matitiꞌon chic ja kaconciencia rmal. Kotak chakajaꞌ chi chꞌachꞌojirsan chic ja kacuerpo tre jun chꞌajchꞌojlaj yaꞌ ja ni majun tzꞌil nak ta rcꞌan.

Hebreos 6:2

In jun chic, ja nchꞌo̱b chawach nak rbanic ja bautismo jeꞌe in chakajaꞌ ja nayaꞌ akꞌaꞌ pa quewiꞌ ja kachꞌalal. In jun chic, nak rbanic ja tok natcꞌastaj chipan ja camíc in chakajaꞌ tre ja nimlaj juicio ja mta qꞌuisic trij.

Hebreos 9:10

Ja bix chique chi nqueban jariꞌ xa rxin ja quicuerpo, ma rxin ta ja canma, caniꞌ tre nak ja utz ntiji in nak ja xajan ntiji in tre chakajaꞌ nak tiempo jeꞌe ja rjawaxic chi nquechꞌaj quekꞌaꞌ in cakan. In bix chique chi cꞌa tokoriꞌ matiqueban chic ja tok cꞌoli jun chominem cꞌacꞌa ja xtichomarsaj na ja Dios pa rqꞌuexwach.

Hebreos 9:19

Queriꞌ xuban ja Moisés chakajaꞌ, nabey xuyaꞌ na rbixic nojelal ja ley chique ja winak ja bin tre rmal ja Dios chi nbij cꞌacꞌariꞌ xchicaj quicꞌ trij ja bar tzꞌibtal wiꞌ ja ley in chiquij canojel ja winak chakajaꞌ. Ja quicꞌ xucoj jariꞌ quixin wacax ja tak ternero in quixin qꞌuisicꞌ, xuyuj ruqꞌuin yaꞌ. Ja xchicbej ja quicꞌ cꞌo jun ti rkꞌaꞌ cheꞌ xucoj rbinaꞌan hisopo rachbil juleꞌ lana quiak.