San Juan 2:4 - Tz'utujil (Ja Cꞌacꞌa Chominem)

⁴ —Ixok, takaꞌan ma junan ta nkachꞌob awqꞌuin, majaꞌn waꞌan terilaꞌ ja tiempo chi ja winak xticotakij nak nbanic, neꞌ tre.

Tz'utujil NT

⁴ —Ixak, mjunam ta nkach'ob awq'uin. Q'uemja'na terla' k'ij wxin tak xtutkixa nwech nak nbanic, cara' xbij Jesús tzra.

San Juan 2:4 Iomraidhean Croise

San Mateo 15:28

In bix chic jutij tre rmal ja Jesús: —Ixok, congana takaꞌan nim ja yukulbal acꞌuꞌx wqꞌuin. Camic ntzuri ja rawal ja caniꞌ xacꞌutuj chwe, neꞌxi rmal, in ni jariꞌ hora tzuri ja ral.

San Mateo 8:29

Chaka jalal tok quemaj rakic quechiꞌ trij ja Jesús: —Atat ja rat Ralcꞌwal Dios ¿nak nawajoꞌ chake? ¿La maxta atpenak chi nokaryaꞌaꞌ chipan ja nimlaj rpokonal? pro majaꞌn waꞌan turilaꞌ tiempo rxin, xecheꞌ tre ja Jesús.

San Lucas 2:49

—¿Nak tre ja tok ninecanoj? ¿La ma ewotak ta chi anin ni rjawaxic wiꞌ chwe chi nban cumplir ja rsamaj ja nataꞌ Dios? neꞌe ja Jesús chique.

San Juan 12:23

Ja cꞌa Jesús tok xcꞌaxaj ja bix tre quewaꞌ xbij chique riꞌ: —Camic ja Ralcꞌwalaxel ja xoc alaxic cuqꞌuin ja winak xurwilaꞌ ja tiempo chi congana nya̱ꞌ rukꞌij.

San Juan 13:1

Xerilaꞌ ja pispra rxin ja nmakꞌij pascua. Ja cꞌa Jesús arjaꞌ rotak chi xurwilaꞌ ja hora chi nuyaꞌ can ja rwachꞌulew in nmeloj ruqꞌuin ja Tatixel. Caniꞌ rbanonto chique ja rdiscípulo waweꞌ chwachꞌulew nij erajoꞌonto wiꞌ in niquirwariꞌ xuban can chic chique, cꞌoli ja xcꞌutbej chic chiquewach chi ni nerajoꞌ wiꞌ.

San Juan 2:3

Pro chaka jalal tok qꞌuisi ja vino in bix tre ja Jesús rmal ja ruteꞌ: —Pakasaꞌ vino qꞌuisi, neꞌxi.

San Juan 20:13

Quewaꞌ quibij tre ja María riꞌ: —Ixok ¿nak tre tok natokꞌi? xecheꞌ tre. —Cꞌamarel ja Wajaw in ma wotak ta ba la xeya̱ꞌ chi wiꞌ, neꞌe ja María chique.

San Juan 20:15

Ja cꞌa Jesús xbij tre: —Ixok ¿nak tre tok natokꞌi, nak nacanoj? neꞌ tre. Ja xuchꞌob kaj ja María chi chajil tijcoꞌm ja ntzijon ruqꞌuin in quewaꞌ xbij tre riꞌ: —Ja wi atat xatcꞌamoꞌel rxin tabij jutzꞌit chwe bar xayaꞌ wiꞌ, anin nincꞌamoꞌel rxin, neꞌ tre.

San Juan 7:30

Rmalcꞌariꞌ ja xbij chique xa chewiꞌ ja tok laj quechap chi nquecoj preso pro majun nak ta chique chapo ta rxin como majaꞌn terilaꞌ ja hora rxin chi nchapi.

San Juan 7:6

Ja cꞌa Jesús xbij chique: —Ja ranin majaꞌn terilaꞌ ja ntiempo chi ninbe pro ja chewe ixix nixcowini nixbe xa nak ta chi tiempoꞌal.

San Juan 7:8

Pro ja rixix jix, jebanaꞌ ja nmakꞌij, ja ranin cꞌa ninbe na como majaꞌn terilaꞌ ja ntiempo.

San Juan 8:20

Queriꞌ cꞌa rbanic ja juleꞌ tzij xuban ja Jesús chipan ja nimlaj templo xin Dios ja tok arjaꞌ rmajon quitijoxic ja winak. Triꞌ paꞌl wiꞌ ja bar nqueyaꞌ can wiꞌ ja quiꞌofrenda ja winak pro ni majun nak ta chapo ta rxin como majaꞌn terilaꞌ ja hora chi nchapi.

2 Corintios 5:16

Rmalcꞌariꞌ nbij chewe, ja camic chic tok nkamaj rchꞌobic janiꞌ rcꞌaslemal jun winak, xa nak ta chi winakil, ma queriꞌ chi ta nkachꞌob trij ja caniꞌ nquechꞌob ja winak ja cꞌa eꞌucꞌan na rmal ja tzabuklaj tak naꞌoj xin rwachꞌulew. Masqui queriꞌ kachꞌob trij ja Cristo nabey ja caniꞌ nquechꞌob ja winak ja reꞌucꞌan rmal ja tzabuklaj tak naꞌoj pro ma queriꞌ chi ta nkachꞌob ajoj trij camic.