San Juan 2:20 - Tz'utujil (Ja Cꞌacꞌa Chominem)

²⁰ Ja cꞌa raj Israel quibij tre: —Jawaꞌ templo riꞌ tuban cuarentiséis junaꞌ majtajnakto rbanic in ¿nak moda cꞌariꞌ chi xa chi oxiꞌ kꞌij nayic chi wiꞌ jutij atat? xecheꞌ tre.

Tz'utujil NT

²⁰ J-e' aj Israel xecbij tzra: —Jawra santlaj templo xuban cuarentiséis juna' majtanak rbanic. ¿Nak tzra c'ara' xe pnoxi' k'ij nayic wa' atet? Cara' xecbij tzra.

San Juan 2:20 Iomraidhean Croise

San Mateo 24:1

Cꞌacꞌariꞌ xelto ja Jesús chipan ja nimlaj templo xin Dios, kas rmajon binem ja tok xetiloc ja rdiscípulo ruqꞌuin in quewaꞌ quibij tre riꞌ: —Tatzꞌataꞌ can mpeꞌ ja templo leꞌ, congana banon rbanic, xecheꞌ tre.

San Lucas 21:5

Ecꞌo cꞌa juleꞌ ja quimajon rtzꞌatic ja nimlaj templo xin Dios, quewaꞌ netajini nquibij riꞌ: —Congana banon rbanic ja templo leꞌ, congana buen tak abaj ocnak in cꞌoli buen tak nakun rcꞌan chakajaꞌ ja sipan cumal ja winak, necheꞌe. Ja cꞌa Jesús quewaꞌ xbij chique riꞌ:

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

1 Corintios 15:4

Ja cꞌa tok camstaji cꞌacꞌariꞌ xemuki. Ja cꞌa chi rox kꞌij cꞌastaj rwach chiquicojol camnakiꞌ. In ni tzꞌibtal can wiꞌ ojer chakajaꞌ chipan ja rtzobal Dios chi nmu̱k na in ncꞌastaj na rwach chi rox kꞌij.