San Juan 2:2 - Tz'utujil (Ja Cꞌacꞌa Chominem)

² In chakajaꞌ banon invitar ja Jesús e rachbil ja rdiscípulo.

Tz'utujil NT

² Chka' siq'uin Jesús chpam jara' c'ulbic e rexbil rdiscípulo.

San Juan 2:2 Iomraidhean Croise

San Mateo 12:19

Ja tok ntzijon cuqꞌuin ja winak arjaꞌ ma xtucoj ta ja tzij ja xa chꞌaꞌoj rcꞌamonto nixtacꞌa xturak ta ruchiꞌ, maticꞌaxaxi ja rukul chi nat.

San Mateo 25:40

Ja cꞌa Rey quewaꞌ xtibij chic chique riꞌ: —Ni katzij wiꞌ ja xtinbij chewe riꞌ, ja tok xeꞌetoꞌ ja tak wachꞌalal, anin cꞌariꞌ ja xinetoꞌ. Queriꞌ rbanic masqui xa más sencillo jun ti wachꞌalal ja xetoꞌ. Queriꞌ ja xtibij chic chique.

San Mateo 25:45

Ja cꞌa rarjaꞌ quewaꞌ xtibij chic chique riꞌ: —Ni katzij wiꞌ ja xtinbij chewe riꞌ, ja tok ma xeꞌetoꞌ ta ja tak wachꞌalal, anin cꞌariꞌ ja ma xinetoꞌ ta. Queriꞌ rbanic masqui xa más sencillo jun ti wachꞌalal ja ma xetoꞌ ta. Queriꞌ ja xtibij chic chique.

San Juan 2:12

Ja Jesús tok tzur can rmal awaꞌ wariꞌ cꞌacꞌariꞌ be chipan ja tinamit rbinaꞌan Capernaum rachbil ja ruteꞌ e rachbil chakajaꞌ ja rchꞌalal in ja rdiscípulo. Ja cꞌa tok xeꞌekaji, triꞌ xeqꞌuejeꞌ wiꞌ jun caꞌiꞌ kꞌij.

San Juan 2:17

Ja cꞌa rdiscípulo tok quicꞌaxaj ja xbij xurkaj chique ja tzij ja tzꞌibtal can chipan ja rtzobal Dios quewaꞌ nbij riꞌ: —Congana ntiꞌon chwe ja tok matiban respetar ja rawochoch in xa rmalariꞌ tok xtiqueban pokon chwe ja winak, neꞌe ja Cristo tre ja Tatixel. Queriꞌ ja tzꞌibtal can.

San Juan 2:22

Ja cꞌa tok cꞌastajnak chic chiquicojol camnakiꞌ bien xurkaj chique ja rdiscípulo ja rbin can tre ja templo chi xa chi oxiꞌ kꞌij nuyic chi wiꞌ jutij. Quinimaj ja tzꞌibtal can chipan ja rtzobal Dios ojer in quinimaj chakajaꞌ ja tzij ja rbin can ja Jesús.

San Juan 2:3

Pro chaka jalal tok qꞌuisi ja vino in bix tre ja Jesús rmal ja ruteꞌ: —Pakasaꞌ vino qꞌuisi, neꞌxi.

San Juan 3:22

Cꞌacꞌariꞌ ja Jesús xerachbilajel ja rdiscípulo xebe chipan jun lugar ja cꞌo pa rcuenta Judea. Ja cꞌa tok xekaji, triꞌ qꞌuejeꞌ wiꞌ in ecꞌoli winak neruban bautizar.

San Juan 4:2

Pro ma ja ta ja Jesús nbanowi ja bautismo, rdiscípulo ja nebanowi.

San Juan 4:33

Ja cꞌa rdiscípulo quewaꞌ quibij chiquibil tak quiꞌ riꞌ: —Maxla cꞌo jun cꞌamyonto rway, xecheꞌe.

San Juan 4:8

Ja cꞌa rdiscípulo ja Jesús ejeꞌeꞌ ebenak pa tinamit pa lokꞌoj way.

San Juan 6:12

Ja tok tzuri waꞌim cumal xenoji chi utz in quewaꞌ xbij ja Jesús chique ja discípulo riꞌ: —Temoloꞌ ruchiꞌ nojelal ja totaji, matinwajoꞌ xtitzꞌilox ta, neꞌ chique.

San Juan 6:16

Ja cꞌa tok xuban hora tok kas nmalal chic xexuleꞌe ja discípulo chiꞌ mar.

San Juan 6:60

Ja cꞌa rdiscípulo ja Jesús ejeꞌeꞌ tok quicꞌaxaj ja xbij e qꞌuiy chique quewaꞌ quibij riꞌ: —Congana takaꞌan cꞌayew ja nbij leꞌ ¿nak ta wiꞌ xtel rucꞌuꞌx chi rcꞌaxaxic? xecheꞌe.

San Juan 6:66

Ja cꞌa rdiscípulo ja Jesús tok quicꞌaxaj ja tijonem xuyaꞌ e qꞌuiy chique xemeloj can chiquij rmal, ma xetreꞌ chi ta trij.

San Juan 6:67

Ja cꞌa Jesús xbij chic chique ja cablajuj apóstol: —Ja cꞌa rixix ¿nak neban camic, la nixmeloj ixix chakajaꞌ? neꞌ chique.

San Juan 6:70

Ja cꞌa Jesús xbij chic chique: —Ix cablajuj ja rixnchaꞌon pro cꞌo jun chewe ja xa ucꞌan rmal ja diablo, neꞌe.

San Juan 6:71

Jawaꞌ tzij xbij riꞌ, tre ja Judas Iscariote tzijon wiꞌ, rcꞌajol jun achi rbinaꞌan Simón como ja Judas arjaꞌ njachowi ja Jesús pa quekꞌaꞌ ja winak ja netzelan rxin, arjaꞌ jun chique ja cablajuj apóstol.

San Juan 6:8

Cꞌo jun chique ja discípulo rbinaꞌan Andrés, arjaꞌ rchꞌalal ja Simón Pedro in quewaꞌ xbij tre ja Jesús riꞌ:

San Juan 7:3

Rmalcꞌariꞌ tok quewaꞌ bix tre ja Jesús cumal ja rchꞌalal riꞌ: —¿Nak tre tok macatel waweꞌ in natbe pa Judea utzcꞌa chi ja radiscípulo ja recꞌo chilaꞌ ejeꞌeꞌ necowini nquetzꞌat nojel ja ramajon rbanic waweꞌ?

Hechos 11:26

Ja tok xuwil xucꞌamto pan Antioquía. Jun junaꞌ xeqꞌuejeꞌ triꞌ cuqꞌuin ja riglesia, e qꞌuiy ja winak xequitijoj tre ja rtzobal Dios. Triꞌ pan Antioquía kas winakar wiꞌ jun biꞌaj ja binaꞌax chique ja kachꞌalal, e cristiano binaꞌax chique.

Hechos 11:29

Ja cꞌa kachꞌalal ja recꞌo pan Antioquía ejeꞌeꞌ quechꞌob chi nquetakel jun ayuda chique ja kachꞌalal ja recꞌo pa Judea: —Nkayaꞌ janiꞌ nokcowini nkayaꞌ chikajujunal, xecheꞌe.

1 Corintios 10:31

Queriꞌ cꞌa rbanic wachꞌalal, ja tok cꞌoli waꞌim neban owi xa nak ta ja neban xarwariꞌ cꞌo ta rcꞌamonto tre ja xtiyabex rukꞌij ja Dios rmal.

1 Corintios 7:39

Jun kachꞌalal ixok arjaꞌ chapon rmal ja ley xin Dios chi matiquejach quiꞌ ruqꞌuin ja rchajil jaruꞌ pa tiempo ncꞌaseꞌe ja rchajil. Pro ja wi ncami ja rchajil jariꞌ libre chic ja kachꞌalal chi ncꞌuleꞌ chic jutij xa nak ta cꞌo rgana nucꞌam pro xarwariꞌ wi yukul rucꞌuꞌx ja rachi ruqꞌuin ja kajaw Jesucristo.

Colosenses 3:17

Xa nak ta nebij jeꞌe in xa nak ta neban jeꞌe chakajaꞌ pro tebanaꞌ nojel pa rubiꞌ ja kajaw Jesucristo in rmal ta ja Jesucristo chakajaꞌ nemaltioxij tre ja katataꞌ Dios nojel ja rbanon chewe.

Hebreos 13:4

Canojel ta xtiqueban ta respetar jutzꞌit ja cꞌulbic. Maxta teban rij tak quewiꞌ ja rewixjayilal owi ewachajilal. Queriꞌ nbij chewe como ja Dios arjaꞌ nukꞌet na tzij chiquij ja rachiꞌiꞌ in ixokiꞌ ja nemacuni, nukꞌet na tzij chawij wi natoc ruqꞌuin jun wi ma awixjayil ta owi ma awachajil ta.

Apocalipsis 3:20

Bien tecꞌwaxaj, anin inpaꞌl chuchiꞌ ja puerta rxin ja rewanma in ncꞌoncꞌoꞌoc ja puerta. Xa nak ta ncꞌaxani ja nukul in nujak rpuertaꞌil ja ranma chinwach jariꞌ ninoc chipan ja ranma in xa junan nokwaꞌ ruqꞌuin.