San Juan 2:19 - Tz'utujil (Ja Cꞌacꞌa Chominem)

¹⁹ —Teyojoꞌ mpeꞌ ja templo riꞌ in ja ranin xa chi oxiꞌ kꞌij nyic chi wiꞌ jutij, neꞌe ja Jesús chique.

Tz'utujil NT

¹⁹ —Tetru' mpa' jawra santlaj rtemplo Dios y pnoxi' k'ij quenyic wa', cara' xbij Jesús chca.

San Juan 2:19 Iomraidhean Croise

San Mateo 12:40

Como caniꞌ xuban ja Jonás ojer oxiꞌ kꞌij in oxiꞌ akꞌaꞌ qꞌuejeꞌ chupan jun nimlaj chꞌuꞌ in queriꞌ cꞌa chwe anin chakajaꞌ ja rin Alcꞌwalaxel ja xinoc alaxic cuqꞌuin ja winak, oxiꞌ kꞌij in oxiꞌ akꞌaꞌ ninqꞌuejeꞌ na chipan ja rwachꞌulew chipan ja lugar ja bar neqꞌuejeꞌ wiꞌ ja camnakiꞌ.

San Mateo 16:21

Ja Jesús, chipan ariꞌ tiempo xumajto rkꞌalasaxic chiquewach ja rdiscípulo chi rjawaxic nbe na pa Jerusalén, quewaꞌ xbij chique riꞌ: —Nentijaꞌ na rpokonal pa quekꞌaꞌ ja principaliꞌ e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios. Congana lawuloꞌ xtiban na chwe, nincamsax na in chi rox kꞌij nincꞌastaj na, neꞌ chique.

San Mateo 27:40

—Atat xatbini chi nayoj ja templo in xa oxiꞌ kꞌij nrajoꞌ chi nayic chi wiꞌ jutij, camic tatoꞌoꞌ cꞌa awiꞌ ayon. Ja cꞌa wi katzij chi atat ja rat Ralcꞌwal Dios catkajpi cꞌa chwach ja cruz, necheꞌ tre.

San Mateo 27:63

in quewaꞌ quibij tre riꞌ: —Señor gobernador, ajoj bien nurkaj chake, ja rachi Jesús ja banol engaño, ja tok cꞌa cꞌas na cꞌo jun tzij xbij can quewariꞌ: —Pro ja chi rox kꞌij ncꞌastaj nwach. Queriꞌ ja xbij can.

Marcos 14:58

—Jalaꞌ jun achi leꞌ, ajoj kacꞌaxan quewaꞌ rbin riꞌ: —Anin nyoj na jawaꞌ nimlaj templo xin Dios riꞌ ja xa winak ebanyon in nyic chi na jun templo ja ma winak ta ebanyon in xa oxiꞌ kꞌij nrajoꞌ chi nyictaj wiꞌ. Queriꞌ rbin, xecheꞌe.

Marcos 15:29

Ja cꞌa winak ja nekꞌaxi ja tok nquetzꞌat ja Jesús xa nquitzebej xa nqueyokꞌ in quewaꞌ nquibij tre riꞌ: —Atat xatbini chi nayoj ja templo in xa oxiꞌ kꞌij nrajoꞌ chi nayic chi wiꞌ jutij,

Marcos 8:31

Cꞌacꞌariꞌ xumaj rkꞌalasaxic chiquewach ja rdiscípulo nak xtiban na tre, quewaꞌ xbij chique riꞌ: —Anin ja rin Alcꞌwalaxel ja xinoc alaxic cuqꞌuin ja winak qꞌuiy rwach ja rpokonal ntij na, xa itzel ninquetzꞌat na ja principaliꞌ xin tinamit e cachbil ja jefe quixin sacerdote e cachbil chakajaꞌ ja maestro ja netijon quixin ja winak tre ja ley xin Dios, nincamsax na in chi rox kꞌij nincꞌastaj na, neꞌ chique.

San Juan 11:25

Ja cꞌa Jesús xbij tre: —Pro nij anin wiꞌ ninyico quixin ja winak chipan ja camíc, nij anin wiꞌ ninyowi ja utzlaj cꞌaslemal ja mta qꞌuisic trij. Xa nak ta ja yukul rucꞌuꞌx wqꞌuin arjaꞌ masqui cami pro jariꞌ ma chijutij ta, ncꞌaseꞌ chi na jutij.

San Juan 5:19

Cꞌacꞌariꞌ ja Jesús xbij chique: —Ni katzij wiꞌ ja xtinbij chewe riꞌ, ja Ralcꞌwalaxel arjaꞌ mta moda ja chaka ta ruyon xtuban kaj ja cꞌo rgana nuban, ni ja wiꞌ ja rejemplo rxin ja Tatixel nucꞌam. Caniꞌ nuban ja Tatixel jariꞌ nban anin chakajaꞌ ja rin Alcꞌwalaxel.

Hechos 2:24

Pro ja Dios toꞌo rxin chipan ja camíc in xuyaꞌ tre chi cꞌastaji como ja Jesús mta moda qꞌuejeꞌ ta chijutij pa rukꞌaꞌ ja camíc.

Hechos 2:32

Ja Dios arjaꞌ xuyaꞌ tre ja Jesús chi cꞌastaji in jariꞌ kotak kanojel in kamajon rbixic.

Hechos 3:15

Xecamsaj ja Jesús ja Yoꞌl cꞌaslemal pro ja Dios arjaꞌ xuyaꞌ tre chi cꞌastaji chiquicojol camnakiꞌ. Jariꞌ katzꞌat ruqꞌuin kawach in kamajon rbixic camic.

Hechos 3:26

Ja Dios xutakto ja Jesús ja Ralcꞌwal in ewqꞌuin ixix ja rix kach tak aj Israel xutak wiꞌ nabey. Queriꞌ xuban como arjaꞌ nrajoꞌ nuyaꞌ ja rutzil chewe utzcꞌa chi neyaꞌ can ja ritzelal chejujunal. Queriꞌ xbij ja Pedro chique.

Hechos 6:14

Como ajoj bien kacꞌaxan ja nbij chi Jesús ja raj Nazaret nuyoj na ja templo in nuyoj na ja costumbre ja yatajnak chake rmal ja Moisés. Queriꞌ nbij ja rachi, xecheꞌe ja testigo.

Romanos 4:24

pro chake ajoj ntzijon wiꞌ chakajaꞌ. Ja caniꞌ ban tre ja rAbraham queriꞌ cꞌa nba̱n ajoj chake chakajaꞌ ja yukul kacꞌuꞌx ruqꞌuin ja Dios pro jun Dios ja yico rxin ja kajaw Jesús chiquicojol camnakiꞌ.

Romanos 6:4

Nucꞌut chikawach chi ajoj jun xokmuk ruqꞌuin, xa jun kaban ruqꞌuin xokkaj kaj chipan ja camíc. Queriꞌ cꞌa kaban utzcꞌa chi nqꞌuejeꞌ can ja tzabuklaj cꞌaslemal kucꞌan in nkucꞌaj chic jun cꞌacꞌa cꞌaslemal. Caniꞌ xuban ja Cristo chakajaꞌ arjaꞌ cꞌastaji chiquicojol ja camnakiꞌ como congana samaji ja nimlaj poder rxin ja katataꞌ Dios.

Romanos 8:11

Ja wi cꞌoli pa tak ewanma ja rEspíritu Santo ja takonto rmal ja Dios, pro jun Dios ja yico rxin ja Jesús chiquicojol camnakiꞌ, jariꞌ mismo Dios ja yico rxin ja Cristo Jesús arjaꞌ xtuyaꞌ na chewe chi ncꞌastaj chi na jutij ja recuerpo ixix chakajaꞌ. Masqui cꞌo camíc trij ja recuerpo camic pro ncꞌastaj chi na jutij rmal ja rEspíritu Santo ja cꞌo pa tak ewanma.

1 Corintios 15:12

Ja cꞌa wi nkayaꞌ rbixic ja Cristo chi cꞌastajnak rwach chiquicojol camnakiꞌ ¿nak cꞌa tre tok ecꞌoli chewe ja nebini chi: —Mta moda xticꞌastaj ta quewach ja camnakiꞌ, necheꞌe?

Colosenses 2:12

Queriꞌ cꞌa rbanic como xixban bautizar in tok xixban bautizar jariꞌ caniꞌ ixix jun xixmuk ruqꞌuin ja Cristo, caniꞌ ixix jun xixcꞌastaj ruqꞌuin chakajaꞌ. Queriꞌ xeban como cꞌoli ja yukulbal ecꞌuꞌx ruqꞌuin ja nimlaj poder ja xucoj ja Dios ja tok xucꞌas ja Cristo chiquicojol camnakiꞌ.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.