San Juan 2:16 - Tz'utujil (Ja Cꞌacꞌa Chominem)

¹⁶ Cꞌacꞌariꞌ xbij ja Jesús chique ja rajcꞌay tak palomax: —Queꞌewasajel jutzꞌit ja wariꞌ, ma teban ta tre ja rochoch ja nataꞌ Dios caniꞌ jun mercado, neꞌ chique.

Tz'utujil NT

¹⁶ C'jara' xbij chca e c'yil tak tz'quin: —Que'elsaj ela jlal jawrara, mteban ta tzra rtemplo Dios ajni' jun q'uebal, cara' xbij chca.

San Juan 2:16 Iomraidhean Croise

San Mateo 21:12

Ja cꞌa Jesús arjaꞌ xoc chipan ja nimlaj templo xin Dios in xumajto quilasaxic canojel ja recꞌo chipan ja quimajon cꞌayinem e cachbil chakajaꞌ ja quimajon lokꞌoj tak nakun. Ja quimesa ja qꞌuexol tak pwok xchꞌakij pa tokꞌulew in queriꞌ xuban tre chakajaꞌ ja quichꞌacat ja necꞌayin tak palomax.

San Mateo 21:13

In xbij chique: —Ja rtzobal Dios quewaꞌ tzꞌibtal chipan riꞌ: —Ja wochoch anin jariꞌ banbal oración, neꞌe ja Dios tre ja rtemplo pro ja rebanon ixix tre xa jun lugar ja bar neqꞌuejeꞌ wiꞌ alakꞌomaꞌ, neꞌe ja Jesús chique.

San Mateo 22:5

Pro ja cꞌa winak ja rebanon invitar, ja tok xeꞌekaji ja moso cuqꞌuin, ejeꞌeꞌ ma xqueyaꞌ ta caso chique in junwiꞌ xebe wiꞌ. Jun be, nertzꞌataꞌ rchenoj in jun chic be, nerbanaꞌ ja rnegocio.

Marcos 11:17

Cꞌacꞌariꞌ xumaj quitijoxic, quewaꞌ xbij chique riꞌ: —Ja rtzobal Dios quewaꞌ tzꞌibtal chipan riꞌ: —Ja wochoch anin jariꞌ banbal oración quixin ja winak ja recꞌo nojel tak nación, neꞌe ja Dios tre ja rtemplo, pro ja rebanon ixix tre xa jun lugar ja bar neqꞌuejeꞌ wiꞌ alakꞌomaꞌ, neꞌe ja Jesús chique.

San Lucas 2:49

—¿Nak tre ja tok ninecanoj? ¿La ma ewotak ta chi anin ni rjawaxic wiꞌ chwe chi nban cumplir ja rsamaj ja nataꞌ Dios? neꞌe ja Jesús chique.

San Juan 10:29

Ja Nataꞌ arjaꞌ xeyoꞌ chwe in arjaꞌ más kꞌaxnak chi na rchokꞌakꞌ chiquewach canojelal in majun nak ta xquelasan ta pa rukꞌaꞌ.

San Juan 2:15

Ja Jesús xbanlaꞌ jun asial in tok tzur rmal xeꞌerlasajto ja winak chipan ja templo, majun xutoꞌ ta riꞌ, in xeꞌerlasajto chakajaꞌ ja carnelo e cachbil ja wacax. Ja cꞌa qꞌuexol tak pwok ejeꞌeꞌ chicax chiquewach ja quipwok rmal in chꞌakix pa tokꞌulew ja quimesa chakajaꞌ.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

San Juan 5:17

Pro ja Jesús xbij chique: —Ja Nataꞌ arjaꞌ ni rmajonto wiꞌ samaj camic in anin ni nmajon wiꞌ samaj chakajaꞌ, neꞌ chique.

San Juan 8:49

Ja cꞌa Jesús xbij chic chique: —Anin mta jun demonio incꞌayon ta como anin nmajon ryaꞌic rukꞌij ja nataꞌ Dios pro ja rixix xa nineyokꞌ.

1 Timoteo 6:5

Ja nbano queriꞌ ni chꞌaꞌoj wiꞌ nrajoꞌ, xa yojtajnak rnaꞌoj rmal ja ritzelal. Arjaꞌ ma rotak ta ja utzlaj tijonem xin Jesucristo, xa por interés nnimaj ja rtzobal Dios, ja nuchꞌob arjaꞌ chꞌecbal pwok. Ja nbano queriꞌ ma tawachbilaj ta.

2 Pedro 2:3

Ejeꞌeꞌ riꞌ ja ritzel tak maestro xa pwok nquiyarij in rmalariꞌ congana xquixquekꞌol, xtiquibij buen tak tzij chewe ja nquiwasbej ja pwok chewe. Pro ja Dios ojer cꞌo jun juicio rchominto quixin, ejeꞌeꞌ nequilaꞌ na jun kꞌij tok xqueꞌekaj chwach ja rpokonal.