San Juan 2:11 - Tz'utujil (Ja Cꞌacꞌa Chominem)

¹¹ Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

Tz'utujil NT

¹¹ Jawra nabey milagro xuban Jesús, tzra' xuban wa' chpam tnamet Caná jc'ola precwent Galilea. Jawa' xc'utbej chquewech rdiscípulo chajni'la nim ruk'ij y j-e' xeyke'a quec'u'x ruq'uin.

San Juan 2:11 Iomraidhean Croise

San Juan 1:14

Ja Ralcꞌwalaxel ja nkꞌalasani janiꞌ rnaꞌoj ja Dios arjaꞌ kajto, xoc kach winak, qꞌuejeꞌ chikacojol. Katzꞌat ruqꞌuin kawach chi ja rcꞌaslemal arjaꞌ mero rcꞌaslemal ja Dios, junan ruqꞌuin ja rcꞌaslemal Dios Tatixel, mchita jun ralcꞌwal ja Tatixel ja queriꞌ chi ta. Arjaꞌ nojnak ja rutzil xin Dios pa ranma, nojel ja nuchꞌob, nojel ja nbij in nojel ja nuban ni katzij wiꞌ.

San Juan 1:17

Ja Moisés arjaꞌ yowi ja ley xin Dios pro ja Jesucristo arjaꞌ cꞌamyonto ja rutzil ja nsipaj ja Dios, arjaꞌ cꞌamyonto ja totajem ja ni katzij wiꞌ chi totajem.

San Juan 1:43

Ja cꞌa chi rcab kꞌij chic ja Jesús nuchꞌob chi nbe chipan ja departamento Galilea. Cꞌacꞌariꞌ be ruqꞌuin ja Felipe in xbij tre: —Joꞌ, cattreꞌel chwij, neꞌ tre.

San Juan 1:50

—Takaꞌan jurata xinanimaj rmal ja xinbij chawe chi xatnutzꞌat chi attzꞌubul chuxeꞌ ja cheꞌ. Pro cꞌo na nimak tak milagro natzꞌat na ja más chi na nimak chwach ja caniꞌ xatzꞌat camic riꞌ, neꞌxi rmal ja Jesús.

San Juan 10:41

E qꞌuiy ja winak xeꞌekaj ruqꞌuin ja Jesús in quewaꞌ quibij riꞌ: —Ja Juan masqui mta milagro xuban can arjaꞌ pro ni katzij wiꞌ nojel ja rbin can tre ja Jesús leꞌ, xecheꞌe.

San Juan 11:15

—Anin ninquicoti ja ma incꞌo ta triꞌ ja tok cami pro emwal ixix tok nbij queriꞌ chewe como jariꞌ cꞌoli rcꞌamonto chewe utzcꞌa chi nyukeꞌ más ecꞌuꞌx wqꞌuin. Pro camic joꞌ tekatzꞌataꞌ, neꞌ chique.

San Juan 11:47

Ja cꞌa jefe quixin sacerdote e cachbil ja fariseo ejeꞌeꞌ xequemol ja juleꞌ chic cach kꞌetol tak tzij in quewaꞌ quibij chique riꞌ: —¿Nak nkaban cꞌawaꞌ? Congana takaꞌan milagro nuban ja Jesús.

San Juan 12:18

Rmalcꞌariꞌ tok xepeti ja winak chi rcꞌulic ja Jesús como quicꞌaxaj ja milagro xuban tre ja Lázaro.

San Juan 12:37

Ja Jesús masqui congana qꞌuiy ja milagro rbanon chic ja rcꞌutben chiquewach nak ja rocnak wiꞌ pro ejeꞌeꞌ ni ma xyukeꞌ ta wiꞌ quecꞌuꞌx ruqꞌuin.

San Juan 12:41

Queriꞌ rbin can ja rIsaías, tokoriꞌ xbij ja tok xutzꞌat ja gloria ja rcꞌan ja Kajaw in tok tzijon tre nak rbanic.

San Juan 14:13

In jun chic, nojel ja xtecꞌutuj tre ja Nataꞌ in wi yukul ecꞌuꞌx wqꞌuin chi rcꞌutuxic, anin nyaꞌ chewe ja necꞌutuj. Queriꞌ rbanic utzcꞌa chi nya̱ꞌ na rukꞌij ja Tatixel pro rmal ja Ralcꞌwalaxel tok nya̱ꞌ rukꞌij.

San Juan 16:27

Arjaꞌ nuyaꞌ chewe como nixrajoꞌ xa chewiꞌ tok nuyaꞌ chewe. Queriꞌ nuban chewe como ixix ninewajoꞌ in chakajaꞌ nenimaj chi ruqꞌuin ja Dios inpenak wiꞌ.

San Juan 16:30

Ja camic bien chꞌobtajnak chic kumal chi atat nojel awotak, ma rjawaxic ta chawe chi nacꞌwaxaj ta na ja nkacꞌaxaj chawe como jariꞌ awotak chic tok majaꞌn tikacꞌaxaj chawe rmalcꞌariꞌ nkanimaj chi ruqꞌuin ja Dios atpenak wiꞌ, xecheꞌ tre.

San Juan 2:1

Ja cꞌa chi rox kꞌij cꞌo jun cꞌulbic bantaji, ja cꞌa ruteꞌ ja Jesús cꞌo triꞌ. Jariꞌ cꞌulbic bantaj chipan ja tinamit Caná ja cꞌo pa rcuenta Galilea.

San Juan 2:23

Ja cꞌa tok majtaji ja waꞌim rxin ja nmakꞌij pascua chipan ja tinamit Jerusalén triꞌ qꞌuejeꞌ wiꞌ ja Jesús in e qꞌuiy chique ja winak yukeꞌ quecꞌuꞌx ruqꞌuin rmal ja milagro ja xuban jeꞌe chiquewach.

San Juan 3:2

Xuban cꞌa jutij xekaji ja Nicodemo ruqꞌuin ja Jesús chakꞌaꞌ in xumaj tzij ruqꞌuin, quewaꞌ xbij tre riꞌ: —Rabí, ajoj kotak chi atat at jun tijonel attakonto rmal ja Dios como anin wotak chi majun winak xticowin ta xtuban ta ja nimak tak milagro ja ramajon rbanic atat ja wi mta ja Dios ruqꞌuin, neꞌ tre.

San Juan 4:3

Ja kajaw Jesús tok xcꞌaxaj chi xekaj rbixic ja tzij cuqꞌuin ja fariseo cꞌacꞌariꞌ xel chipan ja departamento Judea, be chic chipan ja departamento Galilea.

San Juan 4:46

Xekaj chic jutij chipan ja tinamit Caná ja cꞌo pa rcuenta Galilea ja bar xuban wiꞌ vino tre juleꞌ yaꞌ. Cꞌo cꞌa jun oficial xin gobierno, arjaꞌ aj Capernaum in cꞌo jun rcꞌajol yawaꞌ.

San Juan 4:54

Quircꞌawaꞌ xuban ja Jesús tok xelpi chic ja pa Judea in tok xekaj chic pa Galilea, ja cꞌawaꞌ rcab milagro xuban.

San Juan 5:23

Queriꞌ rbanon ja Tatixel utzcꞌa chi xtiyaꞌ na rukꞌij ja Ralcꞌwalaxel cumal canojelal ja winak ja caniꞌ nba̱n arjaꞌ tre ja Tatixel. Ja wi matayaꞌ rukꞌij ja Ralcꞌwalaxel jariꞌ matayaꞌ rukꞌij ja Tatixel chakajaꞌ como ja Tatixel arjaꞌ takyonto rxin ja Ralcꞌwalaxel.

San Juan 6:14

Ja winak tok quetzꞌat ja milagro ja xuban ja Jesús chiquewach quewaꞌ quibij riꞌ: —Jalaꞌ jun achi leꞌ ni katzij wiꞌ chi arjaꞌ ja profeta xin Dios ja tzꞌibtal can chi npi na, xecheꞌe.

San Juan 6:2

Congana e qꞌuiy ja winak xetreꞌ trij rmal ja nimak tak milagro xuban chiquewach como ecꞌoli ja yawaꞌiꞌ xertzursaj.

San Juan 6:26

Ja cꞌa Jesús xbij chique: —Ixix ninecanoj pro ma rmal ta chi chꞌobtaj emwal nak ja kas mero rcꞌamonto ja juleꞌ milagro ja xinban chewach. Ninecanoj pro xa rmal chi xixnutzuk tre ja caxlanway in xixnoji chi utz.

San Juan 6:30

In quibij chic tre: —¿Nak cꞌa chi milagroꞌil naban ja nacꞌutbej chikawach chi ni katzij wiꞌ chi Dios attakyonto? ¿Nak cꞌa nacꞌut chikawach utzcꞌa chi nkatzꞌat in rmalariꞌ xcatkanimaj? ¿Nak cꞌa chi samajil naban atat chewiꞌ?

San Juan 7:31

Pro e qꞌuiy ja winak yukeꞌ quecꞌuꞌx ruqꞌuin, quewaꞌ quibij riꞌ: —¿La ma Cristo ta cꞌawaꞌ wariꞌ, la cꞌo chi ta na cꞌa jun ja majaꞌn tipeti ja más chi na nimak tak milagro nuban chwach awaꞌ wariꞌ? xecheꞌe.

San Juan 9:16

Ecꞌoli chique ja fariseo quibij: —Ja rachi rbinaꞌan Jesús ma Dios ta takyonto rxin como arjaꞌ matuban respetar ja xulaꞌnbal kꞌij como cꞌo samaj nuban chipan, xecheꞌe. Pro juleꞌ chic chique quewaꞌ quibij riꞌ: —¿Pro nak moda cꞌariꞌ jun achi wi xa il mac ja nuban in nuban jun milagro ja caniꞌ nkatzꞌat camic riꞌ? xecheꞌe. In queriꞌ queban, ma junan ta quechꞌob trij ja Jesús.

2 Corintios 3:18

In ajoj kanojelal ja yukul kacꞌuꞌx ruqꞌuin ja kajaw Jesucristo majun nak ta botzben ta kapalaj, kamajon rtzꞌatic camic ja kajaw Jesucristo chi más kꞌaxnak chi na ruchꞌaꞌ Dios cꞌo ruqꞌuin. In como kamajon rtzꞌatic chi congana nim rukꞌij chewiꞌ tok noktajini nokqꞌuextaji, ntajini noqui ja kanaꞌoj ajoj ja caniꞌ rnaꞌoj arjaꞌ, xa janiꞌ npi más npi más ja ruchꞌaꞌ pa tak kanma. In nojel ariꞌ ruqꞌuin ja rEspíritu rxin ja kajaw Jesucristo npi wiꞌ.

2 Corintios 4:17

Queriꞌ nbij chewe como ja rpokonal ja kamajon rtijic waweꞌ chwachꞌulew jariꞌ ma al ta, xa jurata nocꞌowi como ja rpokonal ja nkatij quewaꞌ rcꞌamonto chake riꞌ, nyataj na chake chi noqui ja gloria xin Dios chake pro jun gloria janila nim rukꞌij, ni mta wiꞌ qꞌuisic trij in mta bar ta triꞌ xtikajunsaj chi ta wiꞌ.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

1 Juan 5:13

Anin xintzꞌibajel ja carta riꞌ in ntakel ewqꞌuin ixix ja yukul ecꞌuꞌx ruqꞌuin ja Jesucristo ja Ralcꞌwal Dios. Ja xintzꞌibaj chipan jariꞌ nyabej eseguro chi ixix ewcꞌan chic ja utzlaj cꞌaslemal ja mta qꞌuisic trij.