San Juan 19:25 - Tz'utujil (Ja Cꞌacꞌa Chominem)

²⁵ Ja cꞌa ruteꞌ ja Jesús rachbil jun ruchakꞌ ecꞌo chinakaj ja cruz e rachbil chic caꞌiꞌ ixokiꞌ, jun María ja rxjayil Cleofas in jun chic María Magdalena rubiꞌ.

Tz'utujil NT

²⁵ Rute' Jesús rexbil jun ruchak' ec'ola chenkaj ruq'uin cruz e rexbil e c-e' chic ixki', jun María rexkayil Cleofas, y jun chic María Magdalena rubi'.

San Juan 19:25 Iomraidhean Croise

San Mateo 12:46

Ja Jesús cꞌa rmajon na tzij cuqꞌuin ja winak, ja cꞌa ruteꞌ in ja re rchꞌalal ecꞌo chwa jay in ncajoꞌ netzijon ruqꞌuin.

Marcos 16:9

Ja Jesús tok cꞌastaji chiquicojol camnakiꞌ pa jun domingo pa rsakaric. Ja cꞌa kas xucꞌut wiꞌ riꞌ nabey, chwach María Magdalena. Jariꞌ María ja recꞌo wukuꞌ itzel tak espíritu eꞌocnak tre nabey in xelasaxel tre rmal ja Jesús.

San Lucas 2:35

Ja cꞌa xtaban atat, cꞌoli ja xtanaꞌ caniꞌ jun cuchilo xtimin ruqꞌuin ja rawanma. Rmal cꞌa ja tawal riꞌ tok e qꞌuiy ja winak bien nkꞌalajin na nak ja nquechꞌob kaj pa tak canma, neꞌ tre.

San Lucas 23:49

Ja cꞌa rixokiꞌ ja retranel trij ja Jesús ja tok xelel pa Galilea e cachbil canojel ja winak ja cotak rwach ejeꞌeꞌ cꞌa cꞌa nat xepeꞌeto chic wiꞌ, quimajon rtzꞌatic nojel ja nbantaji.

San Lucas 24:18

Cꞌo cꞌa jun chique Cleofas rubiꞌ, arjaꞌ xbij tre: —¿La ma awotak ta cꞌa ja bantaj chipan ja tinamit Jerusalén chipan ja jun caꞌiꞌ kꞌij ja kꞌaxnak can? Pro ja juleꞌ chic winak ja xeqꞌuejeꞌ pa Jerusalén ejeꞌeꞌ bien cotak ja bantaji pro ni canojelal. ¿La xcꞌa ayon atat ja ma awotak ta? neꞌe ja Cleofas tre ja Jesús.

San Lucas 8:2

Ecꞌo juleꞌ ixokiꞌ xerachbilajel chakajaꞌ. Ja cꞌa rixokiꞌ ejeꞌeꞌ nabey emajtajnak rmal yobil in ecꞌo pa quekꞌaꞌ itzel tak espíritu pro etzursan chic rmal ja Jesús. Jun ja rixok María rubiꞌ ja cꞌo chic jun rubiꞌ Magdalena neꞌxi. Ja cꞌa María Magdalena arjaꞌ e wukuꞌ itzel tak espíritu ja xelasax tre rmal ja Jesús.

San Juan 20:1

Ja cꞌa xin domingo be ja María Magdalena ja bar mukun wiꞌ ja Jesús, chanim be, cꞌa kꞌekuꞌm na. Ja cꞌa tok xekaji xutzꞌat ja nimlaj abaj ja tzꞌapben ruchiꞌ ja panteón, junwiꞌ yaꞌon pon chi wiꞌ.