San Juan 19:24 - Tz'utujil (Ja Cꞌacꞌa Chominem)

²⁴ Rmalcꞌariꞌ ja soldado quewaꞌ quibij chibil tak quiꞌ riꞌ: —Mejor matikarak ja wariꞌ, kabanaꞌ suerte trij nak xtikajben chake, xecheꞌe. Queriꞌ queban in triꞌ bantaj wiꞌ cumplir ja tzꞌibtal can ojer chipan ja rtzobal Dios, quewaꞌ nbij riꞌ: —Quejach ja ntziak chiquewach in cꞌo jun ja ntziak queban suerte trij, queriꞌ ja tzꞌibtal can in ni queriꞌ queban ja soldado.

Tz'utujil NT

²⁴ Rmal c'ara' j-e' soldado cawra xecbij: —Me tkarak ta jawra tziak, kabna' suert tzrij nak kas tech'cowa chka. Cara' xqueban y tzra' xbantaj wa' cumplir jtz'ibtanak cana ojer chpam rtzojbal Dios jcawra nbij: —Xquejach netziak chquewech y c'ola jun xqueban suert tzrij. Y ncara' xqueban soldado.

San Juan 19:24 Iomraidhean Croise

San Mateo 27:35

Ja cꞌa tok riptaj cumal chwach cruz quemaj rbanic suerte trij ja rtziak nak xtichꞌeco chique in quejach chiquewach. Queriꞌ bantaji utzcꞌa chi triꞌ bantaj wiꞌ cumplir ja bitajnak can rmal ja profeta quewariꞌ: —Queban suerte trij ja ntziak in quejach chiquewach, queriꞌ ja bitajnak can ojer.

Marcos 15:24

Ja cꞌa tok riptaj cumal chwach cruz quemaj rbanic suerte trij ja rtziak. Queriꞌ queban utzcꞌa chi nquetzꞌat nak chi tziakil xtiquecꞌam chiquijujunal.

San Lucas 23:34

Ja cꞌa Jesús arjaꞌ cꞌo jun oración xuban quewariꞌ: —Nataꞌ, queꞌacuyuꞌ como ejeꞌeꞌ ma cotak ta ja netajini nqueban, neꞌ tre ja Tatixel. Cꞌacꞌariꞌ quemaj rbanic suerte trij ja rtziak nak xtichꞌeco chique in quejach chiquewach.

San Juan 10:35

Queriꞌ rbanic, ja Dios arjaꞌ xbij chique chi e dios, queriꞌ ja rtzobal Dios quicꞌaxaj in bien kotak chi ja rtzobal Dios mta moda xtiqꞌuextaj ta.

San Juan 13:18

Pro ma ewanojelal ta ja quiꞌil chewe como anin wotak janiꞌ enaꞌoj ja rixnchaꞌon. In ni rjawaxic wiꞌ chi nbantaj na cumplir ja tzꞌibtal can chwe ojer chipan ja rtzobal Dios, quewaꞌ nbij riꞌ: —Cꞌo jun xinwachbilaj chi waꞌim jariꞌ xoc ncꞌulel, yictaj chwij. Queriꞌ tzꞌibtal can.

San Juan 19:28

Ja Jesús arjaꞌ rotak chi tzurnak chic rmal nojelal ja samaj ja yatajnak tre chi nurbanaꞌ cꞌacꞌariꞌ xbij: —Chakichiꞌ nnaꞌ, neꞌe. Ja tok xbij awaꞌ tzij riꞌ triꞌ bantaj wiꞌ cumplir ja tzꞌibtal can ojer chipan ja rtzobal Dios.

Hechos 13:27

Como ja winak ja recꞌo pa Jerusalén e cachbil ja kꞌetol tak tzij ja nebano mandar quixin, ejeꞌeꞌ ma xchꞌobtaj ta cumal chi ja Jesús arjaꞌ ja Toꞌonel ja takonto rmal ja Dios nixtacꞌa chꞌobtaj ta cumal chakajaꞌ nak rbanic ja rtzobal Dios ja tzꞌibtal can ojer cumal ja profeta ja nsiqꞌuix pa tak quixquin pa tak xulaꞌnbal kꞌij. Quicꞌutuj rcamic ja Jesús in triꞌ bantaj wiꞌ cumplir ja tzꞌibtal can ojer cumal ja profeta.