San Juan 19:17 - Tz'utujil (Ja Cꞌacꞌa Chominem)

¹⁷ Queriꞌ xuban ja Jesús, be. Cꞌo jun cruz rijkajel, be chipan jun lugar rbinaꞌan Rwiꞌcamnak. Ja cꞌa chipan ja tzobal hebreo Gólgota neꞌxi ja lugar.

Tz'utujil NT

¹⁷ Cara' xuban Jesús, xtelej ela jun cruz y xba pjun lwar rubi' Rwá' Comnak. Chpam tzojbal hebreo nbixa tzra Gólgota.

San Juan 19:17 Iomraidhean Croise

San Mateo 10:38

Ja winak ja nquipokonaj netreꞌel chwij, ja nquipokonaj nquetij rpokonal ja caniꞌ nutij rpokonal jun achi rmajon rijkaxic jun cruz, ejeꞌeꞌ ma yatal ta chique xqueꞌoc ta ndiscípulo chakajaꞌ.

San Mateo 16:24

Cꞌacꞌariꞌ ja Jesús xbij chique ja rdiscípulo: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Mateo 27:37

Tzꞌibaxi ja ril ja nbix tre in parwiꞌ queyaꞌ wiꞌ chwach ja cruz, quewaꞌ rbanic ja ril nbixi riꞌ: —Jawaꞌ Jesús, arjaꞌ rey quixin ja tinamit Israel, neꞌxi.

Marcos 10:21

Ja cꞌa Jesús kas xtzꞌelwachij ja rachi in congana nrajoꞌ in quewaꞌ xbij tre riꞌ: —Pro cꞌa cꞌo na ja ma abanon ta. Camic jat, tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja mebaꞌil ja nyataj na chawe chilaꞌ chicaj. Ja tok xtibantaj amwal ja cꞌa xinbij chawe riꞌ catmelojto wqꞌuin in cattreꞌel chwij pro maxta tapokonaj natij rpokonal mwal caniꞌ nuban jun achi rijkan jun cruz, neꞌ tre.

Marcos 15:26

Ja Jesús tzꞌibaxi ja ril ja nbix tre, quewaꞌ rbanic ja ril nbixi riꞌ: —Jawaꞌ rachi riꞌ arjaꞌ rey quixin ja tinamit Israel, neꞌxi.

Marcos 15:32

Ja wi katzij chi arjaꞌ ja Cristo ja Rey kaxin ja rok aj Israel tikajto cꞌa camic chwach ja cruz. Ja wi xtikatzꞌat chi xtikajto nyukeꞌ cꞌa kacꞌuꞌx ariꞌ ruqꞌuin, necheꞌe. In queriꞌ queban ja xeri̱p chwach cruz pa rxquin ja Jesús, ejeꞌeꞌ queyokꞌ chakajaꞌ.

Marcos 8:34

Cꞌacꞌariꞌ ja Jesús xersiqꞌuij pon ja rdiscípulo e cachbil ja juleꞌ chic winak ja recꞌo triꞌ, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi matipokonaj nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Lucas 14:27

Xa nak ta ja npokonaj ntreꞌel chwij in npokonaj nutij rpokonal ja caniꞌ nutij rpokonal jun achi rmajon rijkaxic jun cruz jariꞌ mta moda xtoc ta ndiscípulo chakajaꞌ.

San Lucas 23:26

Ja cꞌa soldado ejeꞌeꞌ kas quicꞌamonel ja Jesús pa bey ja tok cꞌo jun achi quewil, Simón rubiꞌ, aj Cirene. Ja cꞌa Simón arja cꞌa melojto pa tak kꞌayis in trij arjaꞌ queyaꞌel chi wiꞌ ja cruz, puersa queban tre chi ntreꞌel trij ja Jesús in nrijkajel ja cruz.

San Lucas 23:33

Ja cꞌa tok xeꞌekaj chipan ja lugar rbinaꞌan Rwiꞌcamnak triꞌ querip wiꞌ ja Jesús chwach cruz in queriꞌ queban chique ja re caꞌiꞌ achiꞌiꞌ ja cꞌo quil chakajaꞌ, jun pa riquikꞌaꞌ in jun pa rxcon.

San Lucas 23:38

Cꞌo juleꞌ tzꞌibanem bani in parwiꞌ ja Jesús yaꞌon wiꞌ chwach ja cruz, oxiꞌ rwach ja tzobal ja tzꞌibax wiꞌ, jun pa griego, jun pa latín, in jun chic pan hebreo, quewaꞌ nbij riꞌ: —Jawaꞌ rachi riꞌ arjaꞌ rey quixin ja tinamit Israel, neꞌe.

San Lucas 9:23

Cꞌacꞌariꞌ xumaj chic tzij cuqꞌuin canojelal, quewaꞌ xbij chique riꞌ: —Xa nak ta ja cꞌo rgana nyukeꞌ rucꞌuꞌx wqꞌuin rjawaxic chi matuyaꞌ rgana ja tzabuklaj cꞌaslemal rcꞌan. Rjawaxic chakajaꞌ chi kꞌij kꞌij ni matipokonaj wiꞌ nutij ja rpokonal mwal in ntreꞌel chwij. Jariꞌ caniꞌ jun cruz nya̱ꞌ trij pro matipokonaj nucꞌam ja cruz, nrijkajel in nbe ja bar necamsax wiꞌ.

San Juan 19:13

Ja cꞌa Pilato tok xcꞌaxaj ja quibij tre cꞌacꞌariꞌ xercꞌamaꞌpi chic jutij ja Jesús. Cꞌacꞌariꞌ tzꞌabeꞌ chipan ja lugar ja bar nbij wiꞌ tre jun preso ja wi cꞌo ril owi mta. Jariꞌ lugar cꞌo rubiꞌ nbixi, Ja Lugar Empedrado neꞌxi, ja cꞌa chipan ja tzobal hebreo Gabata neꞌxi.

San Juan 5:2

Triꞌ pa Jerusalén cꞌo wiꞌ jun yaꞌ. Cꞌo rubiꞌ ja yaꞌ, ja pa quitzobal ja raj Israel Betesda nbix tre. Ja yaꞌ chinakaj jun puerta cꞌo wiꞌ, jariꞌ puerta ja bar natoc wiꞌ chipan ja tinamit. Cꞌo rubiꞌ ja puerta, puerta quixin carnelo nbix tre. Cꞌo joꞌoꞌ galera ja bar cꞌo wiꞌ ja yaꞌ. Jariꞌ galera quixin yawaꞌiꞌ chi neqꞌuejeꞌ chuxeꞌ.

Hechos 7:58

Quechap, quilasajel chipan ja tinamit in quemaj rcamsaxic tzaꞌn abaj. Ja cꞌa testigo ja xetzꞌako tzij trij ejeꞌeꞌ quijalalaꞌ can ja quitziak utzcꞌa chi necowini nqueqꞌuiak ja rabaj. Ja quitziak chajin can rmal jun cꞌajol alaꞌ Saulo rubiꞌ.