San Juan 18:33 - Tz'utujil (Ja Cꞌacꞌa Chominem)

³³ Cꞌacꞌariꞌ xoc chic jutij ja Pilato chipan ja jay, xutak rsiqꞌuixic ja Jesús in quewaꞌ xcꞌaxaj tre riꞌ: —¿La atat ja rat rey quixin ja tinamit Israel? neꞌ tre.

Tz'utujil NT

³³ C'jara' xoca Pilato pruchoch, xutak rsic'sic Jesús y cawra xc'axaj tzra: —¿Atet at rey cxin tnamet Israel?

San Juan 18:33 Iomraidhean Croise

San Mateo 27:11

Ja cꞌa Jesús arjaꞌ paꞌl chwach ja Pilato ja gobernador in quewaꞌ bix tre rmal riꞌ: —¿La atat ja rat rey quixin ja tinamit Israel? neꞌxi ja Jesús. —Queriꞌ nacꞌa ja caniꞌ nabij leꞌ, neꞌe ja Jesús tre.

San Mateo 27:27

Cꞌacꞌariꞌ ja soldado rxin ja gobernador ejeꞌeꞌ quecꞌamel ja Jesús chipan ja jay ja bar nqꞌuejeꞌ wiꞌ ja gobernador in xequemol canojel ja juleꞌ chic cach tak soldado.

Marcos 15:2

Ja Pilato tok paꞌl chic ja Jesús chwach arjaꞌ xcꞌaxaj tre: —¿La atat ja rat rey quixin ja tinamit Israel? neꞌ tre. —Queriꞌ nacꞌa caniꞌ nabij leꞌ, neꞌxi rmal ja Jesús.

San Lucas 23:2

Ja cꞌa tok xeꞌekaji quemaj rbixic juleꞌ ril ja Jesús: —Ajoj katzꞌaton ja nuban alaꞌ jun achi leꞌ, xa ntajini nuyoj quinaꞌoj ja kach tak aj Israel. Arjaꞌ nbij chique ja winak chi ma rubey ta ja nquetoj ja rimpuesto pa rukꞌaꞌ ja César ja nimlaj rey. In jun chic, nucoj riꞌ como Cristo, tibij cꞌa tzij ariꞌ chi nucoj riꞌ como jun rey, xecheꞌ tre ja Pilato.

San Juan 1:49

—Rabí, camic bien chꞌobtaj mwal chi atat ja rat Ralcꞌwal Dios, atat ja rat Rey kaxin ja rok aj Israel, neꞌe ja Natanael tre.

San Juan 12:13

ejeꞌeꞌ quecꞌam rxak tak palma, xepeti chi nurquicꞌuluꞌ. Cꞌacꞌariꞌ quemaj rakic quechiꞌ, quewaꞌ quibij riꞌ: —Dios, koꞌatoꞌoꞌ camic, peti ja Toꞌonel janila nim rukꞌij, arjaꞌ ja Rey kaxin ja rok aj Israel ja penak pa rubiꞌ ja kajaw Dios, xecheꞌe.

San Juan 12:15

—Ja rix aj Sión ma texbej ta ewiꞌ camic, tetzꞌataꞌ mpeꞌ leꞌ peti ja Rey ewxin, tzꞌubulto trij jun bur ja cꞌa ti coꞌl na. Queriꞌ ja tzꞌibtal can ojer.

San Juan 18:34

Ja cꞌa Jesús xbij tre: —¿La nachꞌob atat chi in rey quixin xa chewiꞌ tok nacꞌwaxaj chwe owi la xa rmal ja bin chawe cumal juleꞌ chic winak? neꞌ tre.

San Juan 18:37

—¿La katzij chi at rey? neꞌe ja Pilato tre. Ja cꞌa Jesús xbij chic tre: —In rey nacꞌa caniꞌ cꞌa xabij kaj, xcꞌa rmalariꞌ tok inpenak waweꞌ chwachꞌulew, xcꞌa rmalariꞌ chakajaꞌ tok xinalaxi. Inpenak chi rkꞌalasaxic chiquewach ja winak nak ja kas mero rbey Dios. Canojel ja winak ja cꞌo quigana ruqꞌuin ja rbey Dios ejeꞌeꞌ nqueyaꞌ quixquin tre chi rcꞌaxaxic ja nmajon rbixic chique, neꞌ tre.

San Juan 18:38

—Pro nak la ja rbey Dios, neꞌe ja Pilato tre. Ja Pilato tok bitaji tzij riꞌ rmal xelto chic jutij chipan ja jay in quewaꞌ xbij chique ja raj Israel riꞌ: —Ja ntzꞌat anin ni majun ril ja Jesús.

San Juan 19:12

Ja cꞌa Pilato tok xcꞌaxaj ja bix chic tre congana xutij rukꞌij chi nsokpijel ja Jesús pro ja raj Israel ejeꞌeꞌ quemaj chic jutij rakoj quechiꞌ, quewaꞌ quibij tre riꞌ: —Atat, wi nasokpijel ja rachi leꞌ jariꞌ ma at ramigo ta ja nimlaj rey César. Como ja rachi leꞌ arjaꞌ xucoj riꞌ como rey in xa nak ta ja nucoj kaj riꞌ ruyon como rey arjaꞌ rcꞌulel ja César, xecheꞌ tre.

San Juan 19:3

Cꞌacꞌariꞌ queyaꞌ jun saludo tre pro jariꞌ xa nquiyokꞌbej rxin: —Atat at rey quixin ja tinamit Israel, queriꞌ quibij tre in queyaꞌ kꞌaꞌ chi rpalaj chakajaꞌ.

San Juan 19:4

Xelto chic jutij ja Pilato chipan ja kꞌetbaltzij in xbij chique ja raj Israel: —Tetzꞌataꞌ mpeꞌ riꞌ, camic npabaꞌ chewach ja Jesús utzcꞌa chi newotakij chi anin ni majun ril nak ta xinwil, neꞌ chique.

San Juan 19:9

Xoc chic jutij chipan ja jay in xcꞌaxaj chic tre ja Jesús: —¿Bar cꞌa kas atpenak wiꞌ? neꞌ tre. Pro ja Jesús arjaꞌ ma xcꞌulbaꞌ ta ja cꞌaxax tre.

1 Timoteo 6:13

Jawaꞌ ja xintzꞌibaj chawe riꞌ tanimaj, ma taqꞌuex ta ja utzlaj tijonem, maxta tichꞌaꞌi. Jawaꞌ ja xinban recomendar chawe riꞌ Dios nutzꞌat, arjaꞌ Yoꞌl cꞌaslemal in nutzꞌat ja Jesucristo chakajaꞌ, arjaꞌ bien xkꞌalasaj chwach ja Poncio Pilato chi cꞌoli ja yukulbal rucꞌuꞌx ruqꞌuin ja Dios. Quirtariꞌ naban ja caniꞌ xinban recomendar chawe in ni ta quirwariꞌ amajon rbanic ja tok xtipi chic jutij ja kajaw Jesucristo.