San Juan 18:32 - Tz'utujil (Ja Cꞌacꞌa Chominem)

³² Ja tok quibij chi ma ejeꞌeꞌ ta nekꞌeto tzij trij ja Jesús chi nquicamsaj, triꞌ bantaj wiꞌ cumplir ja rbin chic ja Jesús como arjaꞌ rbin pon chic nak xtiban na tre ja tok xticamsaxi.

Tz'utujil NT

³² Tak xecbij me j-e' ta nquek'towa tzij tzrij Jesús che neccamsaj, tzra' xbantaj wa' cumplir je rbin cana Jesús nak xtba'na tzra tak xtcamsasa.

San Juan 18:32 Iomraidhean Croise

San Mateo 20:19

Nquejach na pa quekꞌaꞌ ja winak ja ma e aj Israel ta utzcꞌa chi nyokꞌi, nrapaxi in ncamsax chwa cruz, in chi rox kꞌij ncꞌastaj rwach, neꞌ chique.

San Mateo 26:2

—Ixix ewotak chi xa caꞌiꞌ kꞌij chic nrajoꞌ ja ncꞌu̱l wiꞌ ja nmakꞌij pascua in anin ja rin Alcꞌwalaxel ja xinoc alaxic cuqꞌuin ja winak ninjach na pa quekꞌaꞌ ja netzelan wxin chi ninrip chwach cruz, neꞌ chique.

Marcos 10:33

Quewaꞌ xbij chique riꞌ: —Bien tecꞌwaxaj ja xtinbij chewe riꞌ, camic okbenak pa Jerusalén in ja Ralcꞌwalaxel ja xoc alaxic cuqꞌuin ja winak triꞌ ncamsax wiꞌ, nja̱ch na pa quekꞌaꞌ ja jefe quixin sacerdote e cachbil ja maestro ja netijon quixin ja winak tre ja ley xin Dios ja tzꞌibtal can rmal ja Moisés. Ja cꞌa rejeꞌeꞌ nquekꞌet tzij trij chi ncamsaxi. Nquejach na pa quekꞌaꞌ ja winak ja ma e aj Israel ta.

San Juan 10:31

Ja cꞌa raj Israel jutij chic quisicꞌlaꞌ abaj, laj queqꞌuiak chic ja Jesús tzaꞌn abaj.

San Juan 10:33

—Ma rmal ta jun samaj utz xaban chewiꞌ tok natkaqꞌuiak tzaꞌn abaj, rumac chi xacoj awiꞌ como at Dios pro xwaꞌn at winak in ja neli xa naban ofender ja Dios, xecheꞌ tre.

San Juan 13:18

Pro ma ewanojelal ta ja quiꞌil chewe como anin wotak janiꞌ enaꞌoj ja rixnchaꞌon. In ni rjawaxic wiꞌ chi nbantaj na cumplir ja tzꞌibtal can chwe ojer chipan ja rtzobal Dios, quewaꞌ nbij riꞌ: —Cꞌo jun xinwachbilaj chi waꞌim jariꞌ xoc ncꞌulel, yictaj chwij. Queriꞌ tzꞌibtal can.

San Juan 18:31

—Mejor tecꞌamaꞌel ixix. Como cꞌoli ja ley ewxin jariꞌ tecojoꞌ chi nekꞌetbej tzij trij, neꞌe ja Pilato chique. —Pro jariꞌ chꞌaꞌoj rij ajoj ta xtikakꞌet ta tzij trij jun winak chi nkacamsaj, xecheꞌ tre.

San Juan 21:19

Ja tok queriꞌ xbij jariꞌ xcꞌutbej nak xtiban na tre ja Pedro tok xticamsaxi, jariꞌ xcꞌutbej chi ja rcamic ja Pedro noc na yaꞌbal rukꞌij ja Dios. Cꞌacꞌariꞌ ja Jesús xbij chic tre ja Pedro: —Joꞌ, ni quinawachbilaj wiꞌ, neꞌ tre.

San Juan 3:14

Caniꞌ xuban ja Moisés ojer chipan ja chakijlaj ulew, arjaꞌ cꞌo jun rachbal cumatz xjotbaꞌ chwach jun cheꞌ in xetotaji ja winak rmal in queriꞌ cꞌa xtiban na tre ja Ralcꞌwalaxel ja xoc alaxic cuqꞌuin ja winak, arjaꞌ njotbax na chwach jun cheꞌ.

San Juan 8:28

Cꞌacꞌariꞌ xbij chic jutij chique: —Ja Ralcꞌwalaxel ja xoc alaxic cuqꞌuin ja winak tok xtejotbaꞌ chwach jun cruz tokoriꞌ newotakij na nak inocnak wiꞌ chi nij in quirwariꞌ ja caniꞌ nbinto chewe in newotakij na chakajaꞌ chi nojel ja nmajon rbanic ma chaka ta nuyon kaj nban como nojel ja nmajon rbixic, ja Nataꞌ arjaꞌ cꞌutyon chinwach.

Hechos 7:59

Ja rEsteban kas majtajnak rqꞌuiakic tzaꞌn abaj ja tok cꞌo jun oración xuban: —Wajaw Jesús, atat ta xcatcꞌulu rxin ja wanma, neꞌe.

Gálatas 3:13

Ja nabey cꞌoli ja maldición kajnak chakij rmal ja ma xkaban ta cumplir nojelal ja nbij ja ley chi nkaban pro ja Cristo arjaꞌ xutoj ja kil kamac, xlasaj chakij ja maldición, arjaꞌ xoc chuxeꞌ ja maldición pa kaqꞌuexwach. Ja tok camsaxi ja Cristo chwach cruz cꞌoli ja maldición qꞌuejeꞌ trij caniꞌ tzꞌibtal can chipan ja rtzobal Dios quewariꞌ: —Jun winak xa nak ta chi winakil ja wi njecbax chwach jun cheꞌ chi ncamsaxi jariꞌ retal chi cꞌo maldición trij, neꞌe.