San Juan 18:30 - Tz'utujil (Ja Cꞌacꞌa Chominem)

³⁰ —Ja wixta maquita itzel achi maquita cꞌa nurkajachaꞌ ariꞌ pan akꞌaꞌ, xecheꞌ tre.

Tz'utujil NT

³⁰ —Che mquita itzel acha mquita nerkajcha' pnak'a'.

San Juan 18:30 Iomraidhean Croise

Marcos 10:33

Quewaꞌ xbij chique riꞌ: —Bien tecꞌwaxaj ja xtinbij chewe riꞌ, camic okbenak pa Jerusalén in ja Ralcꞌwalaxel ja xoc alaxic cuqꞌuin ja winak triꞌ ncamsax wiꞌ, nja̱ch na pa quekꞌaꞌ ja jefe quixin sacerdote e cachbil ja maestro ja netijon quixin ja winak tre ja ley xin Dios ja tzꞌibtal can rmal ja Moisés. Ja cꞌa rejeꞌeꞌ nquekꞌet tzij trij chi ncamsaxi. Nquejach na pa quekꞌaꞌ ja winak ja ma e aj Israel ta.

Marcos 15:3

Ja cꞌa jefe quixin sacerdote qꞌuiy rwach ja ril ja Jesús quemaj rbixic tre ja Pilato.

San Lucas 24:7

quewaꞌ xbij can chewe riꞌ: —Ja Ralcꞌwalaxel ja xoc alaxic cuqꞌuin ja winak rjawaxic chi nja̱ch na pa quekꞌaꞌ ja rajmaquiꞌ, rjawaxic chi ncamsax na chwach cruz pro ja chi rox kꞌij ncꞌastaj na, neꞌ can chewe, xecheꞌe ja caꞌiꞌ achiꞌiꞌ chique.

San Juan 18:29

Xelto ja gobernador Pilato chipan ja jay in quewaꞌ xbij chique riꞌ: —Ja rachi ja recꞌamonto ¿la cꞌo ril nebij? neꞌ chique.

San Juan 18:31

—Mejor tecꞌamaꞌel ixix. Como cꞌoli ja ley ewxin jariꞌ tecojoꞌ chi nekꞌetbej tzij trij, neꞌe ja Pilato chique. —Pro jariꞌ chꞌaꞌoj rij ajoj ta xtikakꞌet ta tzij trij jun winak chi nkacamsaj, xecheꞌ tre.

San Juan 19:12

Ja cꞌa Pilato tok xcꞌaxaj ja bix chic tre congana xutij rukꞌij chi nsokpijel ja Jesús pro ja raj Israel ejeꞌeꞌ quemaj chic jutij rakoj quechiꞌ, quewaꞌ quibij tre riꞌ: —Atat, wi nasokpijel ja rachi leꞌ jariꞌ ma at ramigo ta ja nimlaj rey César. Como ja rachi leꞌ arjaꞌ xucoj riꞌ como rey in xa nak ta ja nucoj kaj riꞌ ruyon como rey arjaꞌ rcꞌulel ja César, xecheꞌ tre.

Hechos 3:13

Ja Dios quixin ja rAbraham, ja rIsaac in Jacob, ja Dios quixin ja katiꞌt kamamaꞌ arjaꞌ bien xkꞌalasaj chi congana nim rukꞌij ja Jesús ja Ralcꞌwal. Pro ixix xejach ja Jesús pa quekꞌaꞌ ja kꞌetol tak tzij. Ja Pilato arjaꞌ rajoꞌ ta xsokpijel pro ma xewajoꞌ ta ixix.

2 Timoteo 2:9

in congana ntijon ja rpokonal rmal. In camic inbacꞌon pa cadena rmal, banon chwe in caniꞌ jun itzel achi. Pro ja rtzobal Dios ni ma tzꞌapal ta wiꞌ.

1 Pedro 4:15

Pro maxta xa rmal banoj camíc maxta rmal banoj alakꞌ tetij pokon owi rmal juleꞌ chic itzelal owi rmal ja chaka nemin ewiꞌ cuqꞌuin winak ja mta ekꞌaꞌ chique.