San Juan 18:27 - Tz'utujil (Ja Cꞌacꞌa Chominem)

²⁷ Pro ja Pedro arjaꞌ ni ma xuyaꞌ ta wiꞌ trij in chaka jalal ja tok xokꞌi ja acꞌ.

Tz'utujil NT

²⁷ Per ja' Pedro mxuya' ta tzrij, y chek q'uenjlal xtrekena jun pre'y.

San Juan 18:27 Iomraidhean Croise

San Mateo 26:34

In bix tre rmal ja Jesús: —Ni katzij wiꞌ ja xtinbij chawe riꞌ, ja chipan awaꞌ jun tucwakꞌabil riꞌ majaꞌn tokꞌi ja acꞌ ja tok oxmul xtabij chwe chi: —Anin ma wotak ta rwach ja Jesús, natcheꞌ na chwe, neꞌxi ja Pedro.

Marcos 14:30

In bix tre rmal ja Jesús: —Ni katzij wiꞌ ja xtinbij chawe riꞌ, ja chipan awaꞌ jun tucwakꞌabil riꞌ ja tok majaꞌn tokꞌ caꞌmul ja acꞌ oxmul xtabij chwe chi: —Anin ma wotak ta rwach ja Jesús, natcheꞌ na chwe, neꞌxi ja Pedro.

Marcos 14:68

Pro ja Pedro arjaꞌ ma xuyaꞌ ta trij ja bix tre: —Anin ni ma wotak ta ja nabij leꞌ, nak la nabij chwe, neꞌ tre ja rixok. Yictaji, be ja bar cꞌo wiꞌ ja puerta in ja acꞌ chaka jalal tok xokꞌi.

San Lucas 22:34

Ja cꞌa Jesús xbij chic tre: —Camic nbij chawe Pedro, ja chipan awaꞌ jun tucwakꞌabil riꞌ majaꞌn tokꞌi ja acꞌ ja tok oxmul xtabij chwe chi: —Anin ma wotak ta rwach ja Jesús, natcheꞌ na chwe, neꞌ tre.

San Lucas 22:57

Pro ja Pedro arjaꞌ ma xuyaꞌ ta trij ja bix tre, quewaꞌ xbij tre ja rajꞌicꞌ riꞌ: —Nbij chawe ixok chi anin ma wotak ta rwach ja Jesús, neꞌ tre.

San Juan 13:38

—¿La ni katzij wiꞌ nabij chi matapokonaj natcamsax mwal? Pro ja xtinbij anin chawe riꞌ ni katzij wiꞌ, ja tok majaꞌn tokꞌi ja acꞌ, atat oxmul xtabij chwe chi ma awotak ta nwach, neꞌxi rmal ja Jesús.