San Juan 18:20 - Tz'utujil (Ja Cꞌacꞌa Chominem)

²⁰ Ja cꞌa Jesús xbij tre: —Pro ma pan awatal ta waꞌan tok xinyaꞌ ja tijonem, ni chiquewach ja winak xintzijon wiꞌ. Xentijoj pa tak jay xin molbal riꞌil, xentijoj chipan ja nimlaj templo xin Dios como ni triꞌ wiꞌ nquemol wiꞌ quiꞌ ja raj Israel in ni majun nak ta ja chaka ta pan awatali xinbij chique.

Tz'utujil NT

²⁰ Jesús cawra xbij: —Per tak xenya' je' tijonem me pnalak' ta xenya' wa' per ne chquewech je' wnak xentzijon wa'. Xentijoj ptak jay abar nba'n wa' mlon ri'il, xentijoj chpam nimlaj rtemplo Dios com tzra' nquemol wa' qui' aj Israel y majo'n achnak pnalak' ta xenbij wa' chca.

San Juan 18:20 Iomraidhean Croise

San Mateo 24:26

Rmalcꞌariꞌ nbij chewe, ja cꞌa wi ecꞌoli nebin chewe chi: —Joꞌ mpeꞌ, peti ja Cristo, cꞌo jun lugar kas talani, triꞌ cꞌo wiꞌ, wi necheꞌe, ma quixbe ta. Owi nquibij chewe chi: —Joꞌ mpeꞌ, cꞌo jun cuarto ja rwawan wiꞌ riꞌ, wi necheꞌe, ma tenimaj ta chakajaꞌ.

San Mateo 26:55

Ja cꞌa riꞌ hora ja Jesús arjaꞌ xbij chique ja winak: —¿La in alakꞌom laꞌan chewiꞌ tok ecꞌamonto espada ecꞌamonto cheꞌ chwij chi nchapic? Pro xinqꞌuejeꞌ waꞌan chipan ja nimlaj templo xin Dios in kꞌij kꞌij xentijoj ja winak chipan pro ma xinechap ta waꞌan triꞌ.

San Mateo 26:65

Ja cꞌa lokꞌlaj sacerdote cꞌo jun tziak rcojon xurak como xa itzel xcꞌaxaj ja bix tre rmal ja Jesús in xbij chique ja quimolon quiꞌ ruqꞌuin: —Jalaꞌ xbij leꞌ xa ofensa rcꞌamonto tre ja Dios, takaꞌan njunsaj riꞌ ruqꞌuin. Camic, mchita neꞌoc wiꞌ más ja testigo como bien xecꞌwaxaj ja xbij leꞌ, ja Dios janila nuban ofender riꞌ rmal.

San Mateo 4:23

Ja cꞌa Jesús arjaꞌ be nat nakaj chipan ja departamento Galilea, nertijoj ja winak pa tak jay xin molbal riꞌil ja bar nquemol wiꞌ quiꞌ chi rcꞌaxaxic ja rtzobal Dios, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

San Mateo 9:35

Ja Jesús arjaꞌ be nojel tinamit in nojel tak aldea chakajaꞌ, nertijoj ja winak pa tak jay xin molbal riꞌil, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

Marcos 8:32

Arjaꞌ bien xuchꞌob chiquewach chi nba̱n na queriꞌ tre. Ja cꞌa Pedro arjaꞌ xuchap chi rukꞌaꞌ in xumaj rchꞌaꞌic tre ja xbij.

San Lucas 21:37

Ja pa kꞌij nertijoj ja winak chipan ja nimlaj templo xin Dios. Ja cꞌa chakꞌaꞌ nbe chipan ja lugar ja bar cꞌo wiꞌ ja jayuꞌ rbinaꞌan Rjayuꞌal Olivo in triꞌ nqꞌuejeꞌ wiꞌ.

San Lucas 4:15

Xumaj quitijoxic ja winak pa tak jay xin molbal riꞌil ja bar nquemol wiꞌ quiꞌ chi rcꞌaxaxic ja rtzobal Dios, congana nya̱ꞌ rukꞌij cumal ja winak pro ni canojelal.

San Juan 18:21

¿Nak tre tok chwe anin nacꞌwaxaj wiꞌ nak rbanic? Como ja winak ja xentijoj ejeꞌeꞌ bien cotak ja tijonem xinyaꞌ, mejor chique cꞌa tacꞌwaxaj wiꞌ nak rbanic ja nbin chique, neꞌe ja Jesús tre.

San Juan 6:59

Jawaꞌ tijonem riꞌ xuyaꞌ ja Jesús pa Capernaum chipan ja jay xin molbal riꞌil quixin ja raj Israel.

San Juan 7:14

Kas cꞌa ncꞌajarnak ja nmakꞌij, cꞌo la quijiꞌ kꞌij majtajnak tok be ja Jesús chipan ja nimlaj templo xin Dios in xumaj quitijoxic ja winak.

San Juan 7:26

Pro ja camic ni takaꞌan chiquewach ja winak ntzijon wiꞌ in ni majun nak ta nkꞌilo ta rxin chi matitzijoni. Ja kꞌetol tak tzij ¿la maxta cꞌa quiniman chic ejeꞌeꞌ chi arjaꞌ ja Cristo?

San Juan 7:28

Ja cꞌa Jesús rmajon quitijoxic ja winak chipan ja nimlaj templo xin Dios in quewaꞌ xbij chique riꞌ: —Ixix ewotak nwach in ewotak chakajaꞌ ja bar inpenak wiꞌ. Pro cꞌo jun ja rintakyonto, arjaꞌ ni katzij wiꞌ chi cꞌaslic Dios pro jariꞌ ma ewotak ta rwach. Ja ranin ma chaka ta xinban mandar wiꞌ nuyon chi xinpeti.

San Juan 7:4

Como jun achi wi cꞌo rgana chi bien notakixi nojel ja samaj nuban mta moda xta pan awatali nsamaji. Como atat amajon rbanic waweꞌ nojel awaꞌ wariꞌ ¿nak cꞌa tre tok matacꞌut chiquewach ja juleꞌ chic winak chakajaꞌ pro ni chiquewach canojelal?

San Juan 8:2

Ja cꞌa chi rcab kꞌij be chic jutij chanim chipan ja nimlaj templo pa Jerusalén. Ja cꞌa winak xebe ruqꞌuin. Arjaꞌ tzꞌabeꞌe in xumaj quitijoxic.

San Juan 8:26

Cꞌa cꞌo na ja rebanon ja majaꞌn tinchꞌaꞌ chewe ja nixbanbex condenar. Pro ja takyonto wxin arjaꞌ ni katzij wiꞌ nojel ja nbij in ja rbin arjaꞌ chwe jariꞌ nmajon rbixic anin chique ja winak waweꞌ chwachꞌulew, neꞌe ja Jesús chique.

Hechos 26:26

Como ja rey Agripa arjaꞌ bien rotak nojel ja nmajon rbixic chewe camic, cꞌo nconfianza nintzijon ruqꞌuin. Cꞌo nseguro chi ekajnak chic rbixic ruqꞌuin nojel awaꞌ wariꞌ como ma pan awatal ta ja tok bantaji, neꞌe ja Pablo tre ja Festo.