San Juan 18:12 - Tz'utujil (Ja Cꞌacꞌa Chominem)

¹² Cꞌacꞌariꞌ chapi ja Jesús cumal ja soldado e cachbil ja capitán ja paꞌl chiquij e cachbil chakajaꞌ ja pulisiyaꞌ quixin ja raj Israel. Ja tok chaptaj cumal quebacꞌ.

Tz'utujil NT

¹² C'jara' xcha'pa Jesús cmal soldado y ccapitán y cmal je' policía. Tak xchaptaja cmal xquexim.

San Juan 18:12 Iomraidhean Croise

San Mateo 26:57

Ja cꞌa winak ja xechapo rxin ja Jesús ejeꞌeꞌ quecꞌamel chwach ja Caifás ja lokꞌlaj sacerdote. Triꞌ quimolon wiꞌ quiꞌ ja maestro ja netijon quixin ja winak tre ja ley xin Dios ja tzꞌibtal can rmal ja Moisés e cachbil ja principaliꞌ xin tinamit.

San Mateo 27:2

Quebaqꞌuel, xebe, xequijachaꞌ pa rukꞌaꞌ ja Poncio Pilato ja gobernador.

San Mateo 27:27

Cꞌacꞌariꞌ ja soldado rxin ja gobernador ejeꞌeꞌ quecꞌamel ja Jesús chipan ja jay ja bar nqꞌuejeꞌ wiꞌ ja gobernador in xequemol canojel ja juleꞌ chic cach tak soldado.

Marcos 14:53

Ja cꞌa winak ja xechapo rxin ja Jesús ejeꞌeꞌ quecꞌamel chwach ja lokꞌlaj sacerdote. Triꞌ quimolon wiꞌ quiꞌ ja jefe quixin sacerdote e cachbil ja principaliꞌ xin tinamit in e cachbil chakajaꞌ ja maestro ja netijon quixin ja winak tre ja ley xin Dios ja tzꞌibtal can rmal ja Moisés.

Marcos 15:1

Ja cꞌa tok sakari quemol quiꞌ canojel ja jefe quixin sacerdote chi rchomarsaxic nak nqueban tre ja Jesús e cachbil ja principaliꞌ xin tinamit e cachbil chakajaꞌ ja maestro ja netijon quixin ja winak tre ja ley xin Dios in canojel ja juleꞌ chic kꞌetol tak tzij quixin ja tinamit Israel. Quebaqꞌuel ja Jesús, quecꞌamel, xequijachaꞌ pa rukꞌaꞌ ja Pilato ja gobernador.

San Lucas 22:54

Cꞌacꞌariꞌ quechap, quecꞌamel chi rochoch ja lokꞌlaj sacerdote. Ja cꞌa Pedro arjaꞌ rtrarben ja Jesús pro cꞌa cꞌa nat nutzuꞌ pon chic wiꞌ.

San Juan 18:3

Ja cꞌa Judas arjaꞌ xeꞌercꞌamaꞌ juleꞌ soldado e rachbil juleꞌ pulisiyaꞌ ja nesamaj pa quicuenta ja jefe quixin sacerdote in pa quicuenta ja fariseo. Ja tok xecꞌamtaj rmal cꞌacꞌariꞌ xucꞌamel chic quebey, xebe chipan ja lugar. Cꞌo kꞌakꞌ quecꞌamel ja nquitzꞌatbej quebey in cꞌoli banbal tak chꞌaꞌoj quecꞌamel chakajaꞌ.

Hechos 10:1

Cꞌo cꞌa jun achi chipan ja tinamit Cesarea, Cornelio rubiꞌ, arjaꞌ capitán quixin jun moc soldado binaꞌan chique e aj Italia.

Hechos 21:31

Laj quicamsaj pro cꞌo jun coronel xekaj rbixic ruqꞌuin chi yictajnak ja tinamit Jerusalén pro ni chi jun.

Hechos 21:37

Ja cꞌa Pablo tok xajalal majaꞌn ticojoc ja pa cuartel arjaꞌ xbij tre ja coronel: —¿La nayaꞌ lugar chwe chi nintzijon jurata awqꞌuin? neꞌ tre. Ja cꞌa coronel quewaꞌ xbij tre ja Pablo riꞌ: —Awotak takaꞌan nattzijon pa griego.

Hechos 23:10

Pro más chi na queban ja chꞌaꞌoj. Ja cꞌa coronel arjaꞌ xbej riꞌ: —Matzij tiquicamsaj ja Pablo, neꞌ kaj pa ranma. Rmalcꞌariꞌ ja tok xuyaꞌ orden chique ja soldado chi xebe ruqꞌuin ja Pablo in puersa xequilasajto chiquicojol ja winak in quecoj chic jutij pa cuartel.