San Juan 17:6 - Tz'utujil (Ja Cꞌacꞌa Chominem)

⁶ Ecꞌoli ja rachiꞌiꞌ ja reꞌachaꞌon chiquicojol ja winak waweꞌ chwachꞌulew, ejeꞌeꞌ eꞌayaꞌon chwe. Anin bien xinkꞌalasaj chiquewach janiꞌ ja ranaꞌoj. Ejeꞌeꞌ nij e awxin wiꞌ in camic eꞌayaꞌon chwe, quiniman ja ratzobal.

Tz'utujil NT

⁶ Nak xe'acha' chquecjol wnak wawe' chuch'lew je ay-on chwa, anen xenk'alsaj chquewech ajni' ana'oj atet. J-e' ne awxin wa' y camic xe'aya' c'a chwa y j-e' congan necnimaj atzojbal.

San Juan 17:6 Iomraidhean Croise

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

San Juan 12:28

Xarwariꞌ nbij chawe Nataꞌ, takꞌalasaj chiquewach ja winak chi congana nim akꞌij atat. Queriꞌ xbij ja Jesús. Cꞌacꞌariꞌ cꞌo jun kulaj cꞌaxaxi penak chilaꞌ chicaj quewaꞌ xbij riꞌ: —Jariꞌ nkꞌalasan chic in nkꞌalasaj chi na más chakajaꞌ, neꞌe ja kulaj rxin ja Tatixel.

San Juan 15:19

Ja wixta ix cachbil ja winak ja xa ruqꞌuin rwachꞌulew yukul wiꞌ quecꞌuꞌx jariꞌ lokꞌ ta nixquenaꞌ ariꞌ. Pro jariꞌ ma ix cachbil ta como anin xixnuchaꞌ chiquicojol in xixnpartiꞌij rmalcꞌariꞌ tok itzel nixquetzꞌat.

San Juan 15:3

Pro ja rixix ixjoskꞌin chic como nojel ja tzij xinbij chewe jariꞌ xixjoskꞌbexi.

San Juan 15:7

Ja wi xa jun neban wqꞌuin wi nqꞌuejeꞌe ja ntzobal pa tak ewanma jariꞌ tecꞌutuj tre ja Dios xa nak ta newajoꞌ in nyataj na chewe.

San Juan 17:12

Anin tok xinqꞌuejeꞌ cuqꞌuin waweꞌ chwachꞌulew pan abiꞌ atat xenuban cuenta, majun nak ta chique xtzꞌilaꞌ ta riꞌ, xa jun chique ja xtzꞌilaꞌ riꞌ pro jariꞌ ja ni yatal wiꞌ trij chi nutij pokon chipan ja juicio. Queriꞌ xuban utzcꞌa chi nbantaj cumplir ja tzꞌibtal can ojer chipan ja rtzobal Dios.

San Juan 17:14

Anin bien xinkꞌalasaj chiquewach ja ratzobal ja rabin chwe in camic xa itzel netzꞌa̱t cumal ja winak ja xa ruqꞌuin rwachꞌulew yukul wiꞌ quecꞌuꞌx como ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx in caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 17:16

Ejeꞌeꞌ ma ruqꞌuin ta rwachꞌulew yukul wiꞌ quecꞌuꞌx caniꞌ chwe anin chakajaꞌ ma ruqꞌuin ta rwachꞌulew yukul wiꞌ nucꞌuꞌx.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 17:7

Ejeꞌeꞌ cotak chic camic chi awqꞌuin atat penak wiꞌ nojel ja xinban ja rayaꞌon chwe chi xinban.

San Juan 18:9

Queriꞌ xbij chique utzcꞌa chi nbantaj cumplir ja tzij ja xbij tre ja Tatixel quewariꞌ: —Ja reꞌayaꞌon chwe ni majun nak ta chique xinban ta perder, neꞌe.

San Juan 6:37

Canojel ja winak ja neyataj chwe rmal ja Tatixel ejeꞌeꞌ neꞌurkaj wqꞌuin in tok neꞌurkaji mta ariꞌ ja maquita nenucꞌul canojelal.

San Juan 6:39

Ja Tatixel ja takyonpi wxin quewaꞌ rvoluntad riꞌ, chi canojel ja reyaꞌon chwe rmal ni majun chique xtintzꞌilaꞌ ta in tok xterilaꞌ ja qꞌuisbal tiempo nenuyic canojelal chipan ja camíc.

San Juan 8:51

Ni katzij wiꞌ ja xtinbij chewe riꞌ, ja wi cꞌo jun nnimaj ja ntzobal jariꞌ ni mta wiꞌ camíc trij, neꞌ chique.

San Juan 8:52

Ja cꞌa raj Israel ejeꞌeꞌ quibij chic jutij tre: —Camic bien kꞌalaj chi cꞌo jun demonio ucꞌayon awxin como atat nabij chi ni mta wiꞌ camíc trij jun winak wi arjaꞌ nnimaj ja ratzobal pro ¿la ma xcam ta laꞌan ja rAbraham ojer in la ma xecam ta laꞌan ja rojer tak profeta chakajaꞌ?

Hechos 13:48

Ja cꞌa ma e aj Israel ta tok quicꞌaxaj ja xbij ja Pablo janila xequicot rmal in congana queyaꞌ rukꞌij ja rtzobal Dios. Ecꞌo juleꞌ chique yukeꞌ quecꞌuꞌx ruqꞌuin ja Jesucristo. Queriꞌ queban canojel ja rechaꞌon rmal ja Dios chi nquewil ja utzlaj cꞌaslemal ja mta qꞌuisic trij.

Romanos 11:2

Ja Dios arjaꞌ ma erchꞌakin can ta ja tinamit Israel como nij erchaꞌonto wiꞌ ojer chi neꞌoc rtinamit. ¿La ma ewotak ta cꞌa ja tzꞌibtal can chipan ja rtzobal Dios ojer? Como ja rojer profeta Elías arjaꞌ xa itzel xutzꞌat ja queban ja rach tak aj Israel in quewaꞌ xbij tre ja Dios riꞌ:

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

2 Timoteo 1:13

Ja utzlaj tijonem ja xincꞌut chawach jariꞌ ocnak abase chi quitijoxic ja winak, maxta tayaꞌ can in ni ta nyukeꞌ wiꞌ acꞌuꞌx ruqꞌuin ja Jesucristo, ni ta nqꞌuejeꞌ wiꞌ ja rajoben riꞌil xin Dios pan acꞌaslemal como jariꞌ rcꞌamonto chake ja Cristo Jesús ja yukul kacꞌuꞌx ruqꞌuin.

Hebreos 2:12

Caniꞌ tzꞌibtal chipan ja rtzobal Dios ja Ralcꞌwalaxel quewaꞌ xbij tre ja Tatixel riꞌ: —Anin nyaꞌ na abixic chique ja wachꞌalal, nbixaj na abiꞌ chiquicojol ja nquemol quiꞌ chi anataxic. Queriꞌ nbij.

Hebreos 3:6

Ja cꞌa Cristo chakajaꞌ xuban cumplir ja samaj xin Dios, arjaꞌ cꞌayon ja tinamit xin Dios pro ma moso ta, arjaꞌ Alcꞌwalaxel. In ajoj ok tinamit xin Dios ja wi cow xkopeꞌi, ja wi ni ma xtikayaꞌ can ta wiꞌ ja yukulbal kacꞌuꞌx ruqꞌuin, ja wi ni xkoquicot wiꞌ chi raybexic ja Jesús.

1 Pedro 1:1

Anin in Pedro in apóstol rxin ja Jesucristo. Anin ntzꞌibaj ja carta riꞌ in ntakel ewqꞌuin ja rixsalunel chipan ja retinamit jeꞌe ja rixcꞌo pa tak tinamit ja cꞌo pa rcuenta Ponto, pa rcuenta Galacia, pa rcuenta Capadocia, pa rcuenta Asia in pa rcuenta Bitinia.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.

Apocalipsis 2:13

—Anin bien wotak ja rebanon in masqui triꞌ ixcꞌo wiꞌ ja bar cꞌo wiꞌ ja trono rxin ja Satanás pro ni ma ineyaꞌon can ta wiꞌ in tok bix chewe chi neyaꞌ can ja yukulbal ecꞌuꞌx wqꞌuin ni ma xeyaꞌ can ta wiꞌ. In nixtacꞌa xeyaꞌ can ta ja yukulbal ecꞌuꞌx wqꞌuin chakajaꞌ ja tok camsaxi ja rAntipas, arjaꞌ jun testigo wxin in ni ma xuyaꞌ can ta wiꞌ ja yukulbal rucꞌuꞌx wqꞌuin in camsax checojol triꞌ chipan ja lugar ja bar cꞌo wiꞌ ja Satanás.

Apocalipsis 3:10

Como ja rixix eniman ja ntzobal ja xinbij chewe chi nqꞌuejeꞌe ja repaciencia chi rcochꞌic ja npi jeꞌe chewij, anin chakajaꞌ nixnchajij na chipan ja nimlaj rpokonal ja penak chwach nojel ja rwachꞌulew. Jariꞌ nimlaj rpokonal ja xtipi na jariꞌ necꞌambajbexi ja winak ja recꞌo chwachꞌulew.

Apocalipsis 3:8

—Anin bien wotak ja rebanon. Camic bien tecꞌwaxaj, cꞌo jun puerta jakali ja nyaꞌon chewach in majun nak ta ncowini xtitzꞌapij chi ta. Bien wotak chi xa ti ma nim ta ja rewachokꞌakꞌ pro masqui queriꞌ pro ma eyaꞌon can ta ja ntzobal in ni matepokonaj wiꞌ nebij chwe chi anin in ewajaw.