San Juan 17:5 - Tz'utujil (Ja Cꞌacꞌa Chominem)

⁵ Camic Nataꞌ, tayaꞌaꞌ chwe chi queriꞌ nkaban chic awqꞌuin pa gloria ja caniꞌ kabanon nabey ja tok majaꞌn titzꞌucarsaxi ja rwachꞌulew, congana nim nukꞌij triꞌ. Tayaꞌaꞌ chwe chi ninbe chic jutij awqꞌuin pa gloria ja bar nkꞌalajin wiꞌ chi congana nim nukꞌij.

Tz'utujil NT

⁵ Camic Nedta', tey-a' chwa chcara' nkaban awq'uin pnagloria ajni' kabnon nabey tak q'uemjana twankera ruch'lew, congan nim nuk'ij tzra'. Tey-a' chwa chquenba wjic chic awq'uin pnagloria abar nk'aljin wa' chcongan nim nuk'ij.

San Juan 17:5 Iomraidhean Croise

San Mateo 25:34

Ja cꞌa recꞌo pa riquikꞌaꞌ quewaꞌ xtibij chique riꞌ: —Ixix utz ixtzꞌaton rmal ja nataꞌ Dios, camic quixajoꞌ cꞌa, quixoc chipan ja gobierno xin chilaꞌ chicaj, jariꞌ ja herencia ewxin chominto ojer ja tok majaꞌn titzꞌucarsaxi ja rwachꞌulew.

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

San Juan 10:30

Anin xa ok junan ruqꞌuin ja Tatixel, neꞌe ja Jesús chique.

San Juan 14:9

Ja cꞌa Jesús xbij tre: —Felipe ¿nak tre tok nabij queriꞌ chwe chi anin ncꞌut chewach ja Tatixel pro tuban waꞌan qꞌuiylaj tiempo incꞌol ewqꞌuin, la majaꞌn cꞌa tichꞌobtaj amwal ariꞌ nak nbanic? pro ja reꞌotakyon nwach jariꞌ cotak cꞌa rwach ariꞌ ja Tatixel.

San Juan 17:1

Ja Jesús tok bitaj rmal ja tzij riꞌ caꞌy chicaj in xumaj chic rbanic oración, quewaꞌ xbij tre ja Tatixel riꞌ: —Nataꞌ, camic xurwilaꞌ ja hora, tabanaꞌ cꞌa chwe ja nakꞌalasbej chiquewach ja winak chi congana nim nukꞌij ja rin Alcꞌwalaxel, queriꞌ ta naban chwe utzcꞌa chi anin natnkꞌalasaj chic atat chiquewach chakajaꞌ chi congana nim akꞌij.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

San Juan 3:13

Ni majun nak ta ekajnak ta chilaꞌ chicaj rtzꞌaton ta nak rbanic ja chilaꞌ chicaj, xa jun ja tzꞌatyon nak rbanic, arjaꞌ ja Ralcꞌwalaxel ja kajto chilaꞌ chicaj ja xoc alaxic cuqꞌuin ja winak, arjaꞌ ja cꞌo pa ranma ja Tatixel chilaꞌ chicaj.

San Juan 8:58

Ja cꞌa Jesús xbij chic chique: —Ni katzij wiꞌ ja xtinbij chewe riꞌ, anin nij incꞌo chi wiꞌ ja tok majaꞌn talaxi ja rAbraham, neꞌ chique.

Filipenses 2:6

Arjaꞌ xuban tinoꞌy pro makanaꞌ maquita Dios. Arjaꞌ masqui xa e junan ruqꞌuin ja Dios chilaꞌ chicaj pro ma xpokonaj ta xuyaꞌ can, peti waweꞌ chwachꞌulew.

Hebreos 1:10

Cꞌo chi na jun tzꞌibtal can tre chakajaꞌ quewaꞌ nbij riꞌ: —Wajaw, atat xatticowi ja rwachꞌulew, ruqꞌuin akꞌaꞌ xawinakarsbej ja caj.

Hebreos 1:3

Caniꞌ tre ja ruchꞌaꞌ kꞌij ruqꞌuin nkatzꞌat wiꞌ nak rbanic ja kꞌij in queriꞌ cꞌa tre ja Ralcꞌwal Dios chakajaꞌ ruqꞌuin nkatzꞌat wiꞌ chi janila nim rukꞌij ja Dios. Ja Dios in ja Ralcꞌwal ni junan quinaꞌoj chi e caꞌiꞌ, ni majun nak ta rjalben ta riꞌ. Ja Ralcꞌwal Dios mta nak ta ja winakarsan jeꞌe ja maquita arjaꞌ chapyon rxin utzcꞌa chi matichictaji in matiyojtaji, ja cꞌa nchapbej jariꞌ ja rtzobal como ja tzij nbij congana poder rcꞌan. Ja cꞌa xuban nabey peti, xokurchꞌachꞌojirsaj chipan ja kil kamac cꞌacꞌariꞌ be chilaꞌ chicaj, xetzꞌabeꞌ pa riquikꞌaꞌ ja nimlaj katataꞌ Dios.

1 Pedro 1:20

Ja Dios tok majaꞌn tiwinakarsaj ja rwachꞌulew arjaꞌ rchominto chic chi nba̱n na sacrificar ja Cristo. Pro jariꞌ ma xbantaj ta chanim, cꞌa jawaꞌ xurbantaji chipan ja qꞌuisbal tiempo ja rokcꞌo wiꞌ riꞌ. Ja cꞌariꞌ xuban ja Dios pan ecuenta.

1 Pedro 1:21

Rmal ja Cristo chewiꞌ tok yukul chic ecꞌuꞌx ruqꞌuin ja Dios. Jariꞌ mismo Dios ja xuyaꞌ tre ja Cristo chi cꞌastaji chiquicojol ja camnakiꞌ in xuyaꞌ tre chakajaꞌ chi congana nim chic rukꞌij. Rmalcꞌariꞌ tok ruqꞌuin ja Dios yukul wiꞌ ecꞌuꞌx, rmalcꞌariꞌ chakajaꞌ tok ewotak chi ja Dios arjaꞌ nyowi ja rutzil ja rewayben.

1 Juan 1:2

Ja Yoꞌl cꞌaslemal xerilaꞌ ja kꞌij chi ntzꞌattaji, ajoj katzꞌat in camic kamajon rkꞌalasaxic nak rbanic in jariꞌ nkayaꞌ rbixic chewe. Nabey ni cꞌo wiꞌ ruqꞌuin ja Tatixel pro peti xurcꞌutuꞌ kaj riꞌ chikawach.

Apocalipsis 13:8

In canojel ja recꞌo chwachꞌulew xexuqueꞌ chwach, queriꞌ queban canojel ja mta quebiꞌ tzꞌibtal chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij. Jariꞌ libro rxin ja Carnelo ja xoc jun sacrificio, ja camsaxi, in tok majaꞌn titzꞌucarsaxi ja rwachꞌulew ni chominto chi wiꞌ triꞌ chi queriꞌ nba̱n tre.

Apocalipsis 3:21

Ja nechꞌocmaji in matiqueyaꞌ quiꞌ tre ja ritzelal chi xqueruchꞌec ta, anin nyaꞌ na chique chi neꞌoc wach tak kꞌetol tzij, nincachbilaj chipan ja ntrono caniꞌ xinban anin xinchꞌocmaji in xinwachbilaj ja nataꞌ Dios chipan ja rtrono.