San Juan 17:3 - Tz'utujil (Ja Cꞌacꞌa Chominem)

³ Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

Tz'utujil NT

³ Je utzlaj c'aslemal je rxin junlic cawra rbanic, je' wnak ncutkij ajni' ana'oj atet jxa ayon che at Dios, chka' ncutkij ajni' nna'oj anen jenatkon ta wawe' chwech ruch'lew. Tak cara' nqueban jara' cc'an chic utzlaj c'aslemal je rxin junlic.

San Juan 17:3 Iomraidhean Croise

Marcos 9:37

—Ja tak acꞌalaꞌ ja re quitakawaꞌ xa nak ta xticꞌulu jun chique in wi pa nubiꞌ anin tok nucꞌul tibij cꞌa tzij ariꞌ chi anin ja ninrucꞌul. In xa nak ta xticꞌulu wxin jariꞌ ma nuyon ta anin ja ninrucꞌul, nataꞌ Dios ariꞌ ja nucꞌul chakajaꞌ ja takyonpi wxin, neꞌ chique.

San Lucas 9:48

in quewaꞌ xbij chique riꞌ: —Jawaꞌ jun tacꞌal riꞌ xa nak ta xticꞌulu rxin in wi pa nubiꞌ anin tok nucꞌul tibij cꞌa tzij ariꞌ chi anin ja ninrucꞌul. In xa nak ta xticꞌulu wxin tibij cꞌa tzij ariꞌ chi nataꞌ Dios ja nucꞌul chakajaꞌ ja takyonpi wxin. Queriꞌ nbij chewe como ja wi cꞌo jun checojol ja matuyaꞌ kaj rukꞌij ruyon jariꞌ ja más nim rukꞌij chewe, neꞌ chique.

San Juan 10:36

Ja cꞌa chwe anin, Dios xinruchaꞌ in xinrutakto waweꞌ chwachꞌulew. Ja cꞌa rejeꞌeꞌ wi bix chique chi e dios ¿nak cꞌa tre tok nebij ixix chwe chi xa ofensa rcꞌamonto tre ja Dios ja tok xinbij chi anin ja rin Ralcꞌwal Dios?

San Juan 11:42

Pro anin bien wotak chi ni nacꞌwaxaj wiꞌ ja ncꞌutuj chawe xarwariꞌ quewaꞌ nbij chawe camic utzcꞌa ja winak ja quimolon quiꞌ riꞌ ejeꞌeꞌ nquicꞌaxaj ja nintajini nbij chawe in nquinimaj chi atat attakyonpi wxin, neꞌ tre ja Tatixel.

San Juan 14:26

Pro ja cꞌa tok ma incꞌo chi ta checojol tokocꞌariꞌ cꞌo chi na jun nta̱kpi na ewqꞌuin chi etoꞌic jariꞌ ja rEspíritu Santo. Arjaꞌ nta̱kto na rmal ja Nataꞌ in pa nubiꞌ anin tok xtitakto. Arjaꞌ xticꞌutu chic chewach nojelal, arjaꞌ nnatan chic chewe nojel ja nbin can chewe.

San Juan 17:18

Caniꞌ abanon chwe xinatakto waweꞌ chwachꞌulew queriꞌ cꞌa nban anin chique chakajaꞌ nchomarsan chic chi nenutakel chwach ja rwachꞌulew chi nequibanaꞌ ja rasamaj.

San Juan 17:21

Camic nban pon orar pa quicuenta utzcꞌa chi xta jun xtiqueban canojelal ja winak ja nyukeꞌ quecꞌuꞌx wqꞌuin caniꞌ kabanon ajoj awqꞌuin Nataꞌ como atat xa jun abanon wqꞌuin in xa jun nbanon anin awqꞌuin chakajaꞌ. Ja kas ngana anin xta jun xtiqueban kuqꞌuin canojelal utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xtiquinimaj chi atat attakyonto wxin.

San Juan 17:23

Quewaꞌ neli riꞌ, anin xa jun nban cuqꞌuin in atat chakajaꞌ xa jun naban wqꞌuin utzcꞌa tok xtiqꞌuiswani mta ariꞌ ja maquita jun nqueban. Queriꞌ nwajoꞌ utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xticotakij na chi atat attakyonto wxin utzcꞌa chi xticotakij na chakajaꞌ chi congana neꞌawajoꞌ ja winak ja xa jun quibanon wqꞌuin ja caniꞌ abanon chwe como congana ninawajoꞌ.

San Juan 17:25

Nataꞌ, atat nij at utzlaj kꞌetol tzij wiꞌ pro ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xa ma cotak ta janiꞌ ja ranaꞌoj pro ja ranin wotak in chakajaꞌ ja winak ja recꞌo wqꞌuin ja reꞌayaꞌon chwe ejeꞌeꞌ cotak chi atat attakyonto wxin.

San Juan 17:8

Como anin nbin chic chique nojel ja rabin chwe. Ejeꞌeꞌ quiniman chic ja nbin chique in camic bien cotak chi awqꞌuin atat inpenak wiꞌ, nquinimaj chi atat attakyonto wxin.

San Juan 3:17

Queriꞌ nbij como ja Dios tok xutakto ja Ralcꞌwal waweꞌ chwachꞌulew ma rmal ta chi xquerutakel ta ja winak chipan ja rpokonal. Pro jariꞌ xutakto utzcꞌa chi rmal ja Ralcꞌwal nquewil na ja totajem xin Dios canojelal.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

San Juan 5:44

Ja newajoꞌ ixix xa neyaꞌ ekꞌij chibil tak ewiꞌ pro ni majun nbij ecꞌuꞌx tre ja xteban ta ja rutzil xin Dios ja ni xarwariꞌ jun chi Dios. Ja tok xa queriꞌ neban jariꞌ congana cꞌayew ja xtiyukeꞌ ta ecꞌuꞌx wqꞌuin.

San Juan 6:57

Ja cꞌaslic Tatixel arjaꞌ inrtakonto in rmal arjaꞌ tok nij incꞌas wiꞌ in queriꞌ cꞌa chique ja winak ja xquetijowi ja ncuerpo rachbil nquiqꞌuel ejeꞌeꞌ necꞌaseꞌ na chijutij mwal anin.

San Juan 7:29

Pro ja ranin wotak rwach como ruqꞌuin arjaꞌ inpenak wiꞌ in arjaꞌ takyonto wxin, neꞌ chique.

San Juan 8:19

—¿Bar cꞌa cꞌo wariꞌ ja ratataꞌ? xecheꞌ tre. —Ja rixix ni ma chꞌobtajnak ta wiꞌ emwal nak inocnak wiꞌ in nixtacꞌa ja ta ja Nataꞌ chakajaꞌ chꞌobtajnak ta emwal nak rbanic. Ja wixta chꞌobtajnak emwal nak nbanic anin chꞌobtajnak ta cꞌariꞌ emwal nak rbanic ja Nataꞌ chakajaꞌ, neꞌe ja Jesús chique.

1 Corintios 15:34

Ma quixsach ta na más pro ja neban, quixcꞌascꞌoti como ni yatal wiꞌ chewij chi nixcꞌascꞌoti. Majutij xquixmacun chi ta xqueꞌenimaj chi ta ja juleꞌ winak ja recꞌo checojol ja nebin chewe chi maticꞌastaj quewach ja camnakiꞌ. Ja cꞌa rejeꞌeꞌ ni ma cotak ta wiꞌ janiꞌ rnaꞌoj ja Dios. Qꞌuixbal ta nenaꞌ jutzꞌit rmal ja nmajon rbixic chewe.

1 Corintios 8:4

Ja cꞌa tre ja tiꞌoj tiꞌij ja ntzujux chwach rachbal jun winak owi chwach rachbal jun nakun quewaꞌ nbij chewe riꞌ. Bien kotak chi ja rachbal jun winak owi rachbal jun nakun waweꞌ chwachꞌulew arjaꞌ ma dios ta, ni majun rcꞌaslemal, bien kotak chi xa jun ja Dios, mchita jun.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

Filipenses 3:10

Queriꞌ nwajoꞌ anin utzcꞌa chi bien nwotakij janiꞌ rnaꞌoj ja wajaw Jesucristo utzcꞌa chi bien nwotakij nak rbanic ja poder xin Dios pro jun poder ja cꞌaso rxin ja Jesucristo chiquicojol camnakiꞌ. Anin nwajoꞌ nwachbilaj ja Jesucristo chi rtijic ja rpokonal, nwajoꞌ nwachbilaj chipan ja rcamic

Filipenses 3:8

In ma ruyon tariꞌ, queriꞌ nbanon tre nojelal como jariꞌ ma vale ta chwach ja xinwotakij rwach ja wajaw Cristo Jesús. Ja tok xinwotakij rwach ja Cristo jariꞌ más na vale chwach nojelal. Rmal ja Cristo chewiꞌ tok nyaꞌon can nojelal in ja chwe anin nojel ja nyaꞌon can jariꞌ xa caniꞌ juleꞌ kꞌayis ja nel pa mes. Anin nyaꞌon can nojelal utzcꞌa chi nqꞌuejeꞌe ja Cristo pa wanma pro ni chijutij.

1 Tesalonicenses 1:9

Como ejeꞌeꞌ quimajon rbixic nak rbanic tok xokekaj ewqꞌuin chi congana quiꞌil kacꞌulic xeban. In nquibij chakajaꞌ nak xeban tok xenimaj ja cꞌaslic Dios ja katzij chi Dios

2 Tesalonicenses 1:8

Arjaꞌ nuryaꞌaꞌ rjil rcꞌaxel chique ja winak ja ma xcajoꞌ ta cotakij rwach ja Dios in ma xquinimaj ta ja utzlaj tzij rxin ja kajaw Jesucristo.

Hebreos 3:1

Rmalcꞌariꞌ tok nbij chewe wachꞌalal, techꞌoboꞌ jutzꞌit ja Cristo Jesús, bien techꞌoboꞌ wachꞌalal ja rix tinamit xin Dios, ja rixchaꞌon rmal ja Dios chi nixeqꞌuejeꞌ na ruqꞌuin chilaꞌ chicaj. Ja cꞌa Jesús arjaꞌ takto, xucꞌamto ja tijonem ja kaniman in camic arjaꞌ ocnak jun lokꞌlaj sacerdote ja paꞌl trij jawaꞌ tijonem riꞌ.

2 Pedro 1:2

Xtiqꞌuiy ta xtiwachin ta ja rutzil in quicotemal xin Dios pa tak ewanma. Ja wi kꞌij kꞌij newotakij más janiꞌ rnaꞌoj ja Dios, wi newotakij más janiꞌ rnaꞌoj ja kajaw Jesús triꞌ newil wiꞌ ja rutzil in quicotemal xin Dios.

2 Pedro 1:3

Ja Dios cꞌo pa rukꞌaꞌ nojelal, arjaꞌ nojel ryaꞌon chake ja ncꞌatzin chake chi nokcowini nkucꞌaj jun utzlaj cꞌaslemal ja utz ntzꞌa̱t rmal. Queriꞌ nuban ja Dios chawe ja tok nawotakij janiꞌ rnaꞌoj. Arjaꞌ xokrsiqꞌuij utzcꞌa chi nokoc rachbil chipan ja sakil utzcꞌa chakajaꞌ chi nkucꞌaj jun utzlaj anma ja caniꞌ ranma arjaꞌ.

2 Pedro 1:8

Nojel ja cꞌa xintzꞌibaj chewe riꞌ ja wi nqꞌuiyi wi nwachini pa tak ewanma triꞌ cꞌa nixtzꞌat wiꞌ chi bien ewotak janiꞌ rnaꞌoj ja kajaw Jesucristo in triꞌ nkꞌalajin wiꞌ chakajaꞌ chi congana xetij ekꞌij chi rotakixic.

1 Juan 1:2

Ja Yoꞌl cꞌaslemal xerilaꞌ ja kꞌij chi ntzꞌattaji, ajoj katzꞌat in camic kamajon rkꞌalasaxic nak rbanic in jariꞌ nkayaꞌ rbixic chewe. Nabey ni cꞌo wiꞌ ruqꞌuin ja Tatixel pro peti xurcꞌutuꞌ kaj riꞌ chikawach.

1 Juan 1:3

Ja katzꞌaton in ja kacꞌaxan jariꞌ nkayaꞌ rbixic chewe utzcꞌa chi ixix jun nixquicot kuqꞌuin rmal como xa jun kabanon ruqꞌuin ja Dios ja Tatixel in chakajaꞌ xa jun kabanon ruqꞌuin ja Jesucristo ja Ralcꞌwal.

1 Juan 2:23

Ja winak ja nebini chi ja Jesús ma Alcꞌwalaxel ta jariꞌ mta ja Dios Tatixel pa tak canma pro ja nebini chi Alcꞌwalaxel jariꞌ cꞌoli ja Dios Tatixel pa tak canma.

1 Juan 4:6

Pro ja rajoj okcꞌo pa rcuenta ja Dios. Ja winak ja cotak rwach ja Dios ejeꞌeꞌ nel quecꞌuꞌx chi rcꞌaxaxic ja nkabij pro ja ma ecꞌo ta pa rcuenta ja Dios ejeꞌeꞌ maticajoꞌ nquicꞌaxaj ja nkabij. Triꞌ cꞌa nkotakij wiꞌ echinatak ja reꞌucꞌan rmal ja rEspíritu xin Dios, jun Espíritu ja mta tzꞌakoj tzij rcꞌamonto, in echinatak ja reꞌucꞌan rmal ja respíritu xin diablo, jun espíritu ja xa tzꞌakoj tzij rcꞌamonto.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.