San Juan 17:20 - Tz'utujil (Ja Cꞌacꞌa Chominem)

²⁰ Pro ma queyon ta ejeꞌeꞌ nmajon rbanic oración pa quicuenta como ejeꞌeꞌ nqueyaꞌ na nbixic chique juleꞌ chic in rmal ja xtiquibij ecꞌo chi na juleꞌ ja xtiyukeꞌ na quecꞌuꞌx wqꞌuin in camic nban orar pa quicuenta ejeꞌeꞌ chakajaꞌ.

Tz'utujil NT

²⁰ Per mqueyon ta j-e' nemjon rbanic oración pquecwent com j-e' nqueya' na nbixic chca jle' chic wnak y rmal jara' tak xtqueya' nbixic ec'o chna jle' jneyke'a na quec'u'x wq'uin, y camic quenban orar pquecwent arj-e' chka'.

San Juan 17:20 Iomraidhean Croise

San Juan 10:16

In chakajaꞌ ecꞌo chi na juleꞌ tak ncarnelo ja ma ecꞌo ta chipan awaꞌ corral riꞌ. Jariꞌ neꞌencꞌamaꞌ na, ja cꞌa tok xtiquicꞌaxaj ja nukul ejeꞌeꞌ nqueyaꞌ caso chwe in xa jun moc xtinban chique canojelal in xa jun ajyukꞌ nyukꞌun quixin.

San Juan 17:19

Camic anin npartiꞌij wiꞌ chi solo avoluntad atat nban pro cumal ejeꞌeꞌ ja tok nban queriꞌ. Queriꞌ nban utzcꞌa chi nepartiꞌix chic ejeꞌeꞌ chakajaꞌ chi solo avoluntad atat nqueban pro rumac ja neqꞌuejeꞌ chipan ja ratzobal ja nkꞌalasan chiquewach nak ja kas mero abanic ja ni katzij wiꞌ chi at Dios.

San Juan 17:21

Camic nban pon orar pa quicuenta utzcꞌa chi xta jun xtiqueban canojelal ja winak ja nyukeꞌ quecꞌuꞌx wqꞌuin caniꞌ kabanon ajoj awqꞌuin Nataꞌ como atat xa jun abanon wqꞌuin in xa jun nbanon anin awqꞌuin chakajaꞌ. Ja kas ngana anin xta jun xtiqueban kuqꞌuin canojelal utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xtiquinimaj chi atat attakyonto wxin.

Hechos 2:41

Ja winak ja utz quicꞌaxaj ja xbij ja Pedro ejeꞌeꞌ xeba̱n bautizar in jariꞌ mismo kꞌij ecꞌo la oxiꞌ mil ja xeꞌoc cachbil ja kachꞌalal.

Hechos 4:4

Pro ja winak ja xecꞌaxani rtzobal Dios e qꞌuiy chique yukeꞌ quecꞌuꞌx ruqꞌuin ja Jesús. Ecꞌo chi la joꞌoꞌ mil canojelal ja yukul chic quecꞌuꞌx ruqꞌuin ja Jesús ja xa queyon achiꞌiꞌ.

Romanos 16:26

Ja Dios arjaꞌ rkꞌalasan chic chikawach camic ja utzlaj tzij in chakajaꞌ cꞌo jeꞌe ja quitzꞌiban can ja rojer tak profeta xin Dios ja noqui camic chi rkꞌalasbexic ja utzlaj tzij chiquewach ja winak pro ni chiquewach canojelal ja winak xa nak ta chi tinamital ecꞌo wiꞌ. Ja cꞌaslic Dios ja ni mta wiꞌ camíc trij arjaꞌ ryaꞌon jun orden chi nkꞌalasaxi ja utzlaj tzij chiquewach canojel ja winak utzcꞌa chi ejeꞌeꞌ nyukeꞌ quecꞌuꞌx ruqꞌuin ja Jesucristo in nquinimaj.

Efesios 4:11

Arjaꞌ sipan chake ja samaj nkaban jeꞌe quewariꞌ, juleꞌ chake xeꞌoc apóstol, juleꞌ chic chake xeꞌoc profeta, juleꞌ chic xuyaꞌ chique chi nebe pa tak lugar chi nequiyaꞌaꞌ rbixic ja utzlaj tzij xin Jesucristo, in juleꞌ chic xuyaꞌ chique chi nequiyukꞌuj ja kachꞌalal in nequitijoj.

2 Timoteo 1:2

Atat Timoteo at ncꞌajol chwach Dios in lokꞌ natnunaꞌ. Ja rutzil ja nsipaj ja Dios chake rachbil ja quicotemal xin Dios ja tariꞌ xtacochij más tre ja katataꞌ Dios in tre ja kajaw Jesucristo. Ejeꞌeꞌ ta xtiquipokonaj awach.