San Juan 17:19 - Tz'utujil (Ja Cꞌacꞌa Chominem)

¹⁹ Camic anin npartiꞌij wiꞌ chi solo avoluntad atat nban pro cumal ejeꞌeꞌ ja tok nban queriꞌ. Queriꞌ nban utzcꞌa chi nepartiꞌix chic ejeꞌeꞌ chakajaꞌ chi solo avoluntad atat nqueban pro rumac ja neqꞌuejeꞌ chipan ja ratzobal ja nkꞌalasan chiquewach nak ja kas mero abanic ja ni katzij wiꞌ chi at Dios.

Tz'utujil NT

¹⁹ Camic anen quenyonaj wi' che rbanic je nrajo' awanm atet. Cmal j-e' tak cawra quenban ch-utz c'ara' j-e' chka' nqueyonaxa che rbanic je nrajo' awanm atet je at ktzitzij Dios.

San Juan 17:19 Iomraidhean Croise

San Juan 10:36

Ja cꞌa chwe anin, Dios xinruchaꞌ in xinrutakto waweꞌ chwachꞌulew. Ja cꞌa rejeꞌeꞌ wi bix chique chi e dios ¿nak cꞌa tre tok nebij ixix chwe chi xa ofensa rcꞌamonto tre ja Dios ja tok xinbij chi anin ja rin Ralcꞌwal Dios?

San Juan 15:13

Ja tok matapokonaj natcam pa quicuenta ja rawamigo jariꞌ bien kꞌalaj chi congana neꞌawajoꞌ, mta jun ajoben riꞌil ja queriꞌ chi ta.

San Juan 15:3

Pro ja rixix ixjoskꞌin chic como nojel ja tzij xinbij chewe jariꞌ xixjoskꞌbexi.

San Juan 17:17

Camic queꞌapartiꞌij, tachꞌachꞌojirsaj ja canma tre ja ratzobal como ruqꞌuin ja ratzobal nkatzꞌat wiꞌ nak ja kas mero abanic ja katzij chi at Dios.

San Juan 17:20

Pro ma queyon ta ejeꞌeꞌ nmajon rbanic oración pa quicuenta como ejeꞌeꞌ nqueyaꞌ na nbixic chique juleꞌ chic in rmal ja xtiquibij ecꞌo chi na juleꞌ ja xtiyukeꞌ na quecꞌuꞌx wqꞌuin in camic nban orar pa quicuenta ejeꞌeꞌ chakajaꞌ.

1 Corintios 1:2

in nkatakel ewqꞌuin wachꞌalal ja rix iglesia ja rixcꞌo chipan ja tinamit Corinto. Ja Dios arjaꞌ ixrpartiꞌin chi neban ja rsamaj pro xa rmal ja xa jun ebanon ruqꞌuin ja Cristo Jesús ja tok rbanon queriꞌ chewe. Arjaꞌ ixrchaꞌon chi ixocnak ix tinamit rxin in ma eyon ta ixix ja rbanon queriꞌ chewe, queriꞌ rbanon chique chakajaꞌ canojel ja winak ja nquinataj rubiꞌ ja kajaw Jesucristo xa nak ta chi tinamital ecꞌo wiꞌ. Ja Jesucristo arjaꞌ cajaw ejeꞌeꞌ in kajaw ajoj chakajaꞌ.

2 Corintios 4:15

Queriꞌ nbij chewe como nojel ja noktajini nokkꞌax chipan camic utzcꞌa chi cꞌoli rcꞌamonpi ixix chewe. Queriꞌ nkaban utzcꞌa ja rutzil ja nsipaj ja Dios jariꞌ nbe más nbe más cuqꞌuin ja winak in tok nbe más cuqꞌuin jariꞌ más chi na e qꞌuiy nemaltioxin tre ja Dios in nojel ariꞌ noqui como yaꞌbal rukꞌij ja Dios.

2 Corintios 7:14

Como ja Tito tok majaꞌn tintakel ewqꞌuin xinyaꞌ jutzꞌit ekꞌij chwach in ja camic ma qꞌuixbal ta nnaꞌ ja xinban queriꞌ como nojel ja kayabej ekꞌij chwach bien kꞌalaj camic chi ni katzij wiꞌ. Caniꞌ tre nojel ja kabij chewe ixix jariꞌ ni katzij wiꞌ chakajaꞌ.

2 Corintios 8:9

Como ixix bien ewotak chi ja kajaw Jesucristo congana samaji ja rutzil xin Dios pa ranma. Como arjaꞌ masqui congana biyom nabey pro ma xpokonaj ta xuyaꞌ can ja rbiyomal, ma xpokonaj ta xoc mebaꞌ pro emwal ixix tok xuban queriꞌ. Arjaꞌ xoc mebaꞌ utzcꞌa chi xa rmal ja rpobreꞌil tok nyataj ixix chewe ja biyomal xin Dios.

Colosenses 1:6

Jawaꞌ utzlaj tzij riꞌ ekajnak chic rbixic ewqꞌuin in benak nat nakaj chakajaꞌ nojel rwachꞌulew, congana utzil ntajini nwinakarsaj pa tak canma ja winak in e qꞌuiy ja netajini nquinimaj. Queriꞌ rbanon ja utzlaj tzij checojol ixix chakajaꞌ, congana utzil rwinakarsanto checojol, tokoriꞌ xumajto ja tok kas xecꞌwaxaj nabey ja utzlaj tzij tok chꞌobtaj emwal chi utz ja kas mero rubey ja rutzil ja nsipax chake rmal ja Dios.

1 Tesalonicenses 4:7

Como ja Dios arjaꞌ okrchaꞌon chi nkaban ja rutzil, ma itzel tak naꞌoj ta nrajoꞌ chake chi nkaban.

2 Timoteo 2:10

In cumal ja rechaꞌon rmal ja Dios anin ncochꞌ nojel ja rpokonal utzcꞌa chi ejeꞌeꞌ nquewil ja totajem ja rcꞌamonto ja Cristo Jesús chake ja yukul kacꞌuꞌx ruqꞌuin utzcꞌa chi nyataj na chique ja gloria xin chilaꞌ chicaj pro ni chijutij.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 10:29

Pior cꞌa ja Jesucristo ja Ralcꞌwal Dios, wi cꞌo jun nuban tre ni ma vale ta ¿la ma yatal ta cꞌa trij ariꞌ nechꞌob ixix chi nutij na jun rpokonal ja más chi na lawuloꞌ? Janila nutij na rpokonal ja wi nuban tre ja rquiqꞌuel ja Jesucristo caniꞌ rquiqꞌuel xa nak ta chi winakil pro makanaꞌ maquita jariꞌ quicꞌ chꞌachꞌojirsan rxin chipan ja ril rumac, makanaꞌ maquita jariꞌ quicꞌ nyowi rseguro ja cꞌacꞌa chominem ja chomarsan rmal ja Dios chi katoꞌic. Janila nutij na rpokonal ja wi nuban tre ja rEspíritu Santo ni ma vale ta pro makanaꞌ maquita ja rEspíritu Santo ja cꞌamyonto ja rutzil ja nsipaj ja Dios chake.

Hebreos 2:11

Ja Jesús nerchꞌachꞌojirsaj ja winak chipan ja quil quemac. Ja cꞌa nechꞌachꞌojirsaxi ejeꞌeꞌ xa junan quitataꞌ ruqꞌuin, ejeꞌeꞌ e ralcꞌwal Dios chakajaꞌ. Rmalcꞌariꞌ ja Jesús ma junwiꞌ ta nunaꞌ nbij chake chi ok rchꞌalal.

Hebreos 9:13

Cꞌo nacꞌa rsamaj ja quicꞌ quixin qꞌuisicꞌ quixin wacax in cꞌo rsamaj chakajaꞌ ja rchajul jun ti vaca. Jariꞌ nya̱ꞌ chiquij ja winak tok cꞌoli quibanon ja xajan in nbix chique chi ma e chꞌajchꞌojiꞌ ta. Ja cꞌa wi nya̱ꞌ chiquij jariꞌ nechꞌachꞌojiri, e chꞌajchꞌojiꞌ chic.

Hebreos 9:18

Queriꞌ cꞌa tre chakajaꞌ ja nabey chominem ja chomarsax rmal ja Dios, cꞌa tokoriꞌ xoqui ja chominem ja tok cꞌoli quicꞌ coji.

Hebreos 9:26

Ja wixta queriꞌ jaruꞌ pa tiempo winakarnakto ja rwachꞌulew qꞌuiylaj mul ta cꞌariꞌ camsanto. Pro ja xuban arjaꞌ, xa jutij peti, xtzujuj riꞌ chi camsax pa kacuenta, ja cꞌa rcamic jariꞌ xchupbej ja kil kamac kanojel. Ja tiempo ja pi wiꞌ jariꞌ qꞌuisbal rxin ja tiempo jeꞌe ja rchominto ja Dios ojer.

1 Juan 3:18

Chakꞌlaj walcꞌwal, maxta xa chi kachiꞌ cꞌo wiꞌ ja tok nkabij chi nkajoꞌ kiꞌ. Ja kas nrajoꞌ chi cꞌoli nkaban ja nkacꞌutbej chi ni katzij wiꞌ chi nkajoꞌ kiꞌ.

1 Juan 3:3

Ja wi nokquicoti chi raybexic ja Jesucristo jariꞌ nkachꞌachꞌojirsbej ja kanma como ja Jesucristo arjaꞌ ni rcꞌan wiꞌ jun chꞌajchꞌojlaj anma.