San Juan 17:17 - Tz'utujil (Ja Cꞌacꞌa Chominem)

¹⁷ Camic queꞌapartiꞌij, tachꞌachꞌojirsaj ja canma tre ja ratzobal como ruqꞌuin ja ratzobal nkatzꞌat wiꞌ nak ja kas mero abanic ja katzij chi at Dios.

Tz'utujil NT

¹⁷ Camic que'ayonaj c'a, tech'ja' c'a canm tzan atzojbal, com ruq'uin atzojbal atet nkatz'et wa' nak kas mer abanic che ktzitzij at Dios.

San Juan 17:17 Iomraidhean Croise

San Lucas 8:11

Camic nchꞌob cꞌa chewach nak rbanic ja cꞌambal tzij. Ja rijaꞌtz jariꞌ tibij tzij ja rtzobal Dios.

San Lucas 8:15

Pro ja cꞌa rijaꞌtz ja kaj pan utzlaj ulew jariꞌ tibij tzij chi ecꞌoli winak ja nquicꞌaxaj ja rtzobal Dios in nquecꞌol pa tak canma pro jun utzlaj anma ja mta engaño rcꞌan. Ejeꞌeꞌ nquecochꞌ ja npi chiquij in tok nqꞌuiswani buena nwachini ja rutzil pa tak quicꞌaslemal.

San Juan 15:3

Pro ja rixix ixjoskꞌin chic como nojel ja tzij xinbij chewe jariꞌ xixjoskꞌbexi.

San Juan 17:19

Camic anin npartiꞌij wiꞌ chi solo avoluntad atat nban pro cumal ejeꞌeꞌ ja tok nban queriꞌ. Queriꞌ nban utzcꞌa chi nepartiꞌix chic ejeꞌeꞌ chakajaꞌ chi solo avoluntad atat nqueban pro rumac ja neqꞌuejeꞌ chipan ja ratzobal ja nkꞌalasan chiquewach nak ja kas mero abanic ja ni katzij wiꞌ chi at Dios.

San Juan 8:32

Ja wi queriꞌ neban newotakij na janiꞌ ja nnaꞌoj in newotakij na chakajaꞌ chi ni katzij wiꞌ ja ntzobal in tok xtewotakij jariꞌ nixwasanel libre, neꞌ chique.

San Juan 8:40

Anin nojel ja nbin chewe jariꞌ ni katzij wiꞌ como ja Dios arjaꞌ biyon chwe pro masqui queriꞌ rbanic pro ixix necanoj wij nwach nak neban chwe chi ninecamsaj pro ja rAbraham ma queriꞌ ta xuban ja caniꞌ nixtajini neban ixix chwe camic.

Hechos 15:9

Ja Dios arjaꞌ ma jun ta utz nutzꞌat in ma jun ta itzel nutzꞌat pro xa junan xuban chake chi ok caꞌiꞌ tinamit como arjaꞌ xchꞌachꞌojirsaj ja canma ejeꞌeꞌ chakajaꞌ rmal ja yukulbal quecꞌuꞌx ruqꞌuin ja Jesucristo.

2 Corintios 3:18

In ajoj kanojelal ja yukul kacꞌuꞌx ruqꞌuin ja kajaw Jesucristo majun nak ta botzben ta kapalaj, kamajon rtzꞌatic camic ja kajaw Jesucristo chi más kꞌaxnak chi na ruchꞌaꞌ Dios cꞌo ruqꞌuin. In como kamajon rtzꞌatic chi congana nim rukꞌij chewiꞌ tok noktajini nokqꞌuextaji, ntajini noqui ja kanaꞌoj ajoj ja caniꞌ rnaꞌoj arjaꞌ, xa janiꞌ npi más npi más ja ruchꞌaꞌ pa tak kanma. In nojel ariꞌ ruqꞌuin ja rEspíritu rxin ja kajaw Jesucristo npi wiꞌ.

Efesios 4:21

Ja cꞌa wi xeyaꞌ ewxquin tre ja Cristo tok tzijon pa tak ewanma, wi arjaꞌ ocnak Emaestro, wi ja tijonem xewotakij nucꞌam riꞌ ruqꞌuin ja tijonem ja yaꞌon can rmal ja Cristo, ja wi queriꞌ ebanon jariꞌ bien ewotak chi ja Cristo ma queriꞌ ta ja rcꞌaslemal ja caniꞌ quicꞌaslemal ja juleꞌ chic winak ja cꞌa xinbij chewe riꞌ.

Efesios 5:26

Queriꞌ xuban utzcꞌa chi xokoc ok tinamit xin Dios como arjaꞌ xchꞌachꞌojirsaj ja kanma. Queriꞌ kaban, kanimaj ja utzlaj tzij in xokban bautizar jariꞌ xchꞌachꞌojirsbej ja kanma.

2 Tesalonicenses 2:13

Pro ixix wachꞌalal congana nixrajoꞌ ja kajaw Jesucristo in congana rjawaxic chi ni nkamaltioxij wiꞌ tre ja Dios emwal rmal ja rebanon como ja tok majaꞌn titzꞌucarsaxi ja rwachꞌulew Dios xixruchaꞌto chi nixtotaji. Xixchꞌachꞌojirsaxi rmal ja rEspíritu Santo, xenimaj ja utzlaj tzij xin Jesucristo jariꞌ nixtobexi.

Santiago 1:21

Rmalcꞌariꞌ nbij chewe, teyaꞌaꞌ can jutzꞌit nojel ja xa ntzꞌilorsaj ja rewanma. Janila ritzelal nalaxi in nqꞌuiyi pa tak kanma ja rok winak, teyaꞌaꞌ can nojelal. Nojel ecꞌuꞌx nojel ewanma teyaꞌaꞌ ewxquin chi rcꞌaxaxic ja utzlaj tzij ja ticon chic pa tak ewanma rmal ja Dios, jariꞌ utzlaj tzij janila rchokꞌakꞌ, nixrutoꞌ chipan ja rewil emac chijutij.