San Juan 17:15 - Tz'utujil (Ja Cꞌacꞌa Chominem)

¹⁵ Ma ja ta ncꞌutuj chawe chi neꞌawasajel waweꞌ chwachꞌulew xquebe ta awqꞌuin camic riꞌ, ja nwajoꞌ chawe chi neꞌaban cuenta waweꞌ chwachꞌulew utzcꞌa chi maquechꞌac rmal ja ritzelal.

Tz'utujil NT

¹⁵ Mjara' ta quenc'utuj chawa che nque'alsaj ela wawe' chwech ruch'lew y xqueba ta awq'uin camic. Jquenwajo' anen chawa che nque'aban cwent wawe' chwech ruch'lew ch-utz c'ara' majo'n nquech'a'c ta rmal diablo.

San Juan 17:15 Iomraidhean Croise

San Mateo 5:37

Ja tok wi cꞌo jeꞌe nebij ni tebij rubiꞌ, wi can, can quixcheꞌe, nowi ma can ta, ma can ta quixcheꞌe. Ja cꞌa wi cꞌo juleꞌ chic tzij nebij ja wi ma ja tariꞌ ja can owi ma can ta jariꞌ juleꞌ tzij xa ruqꞌuin diablo penak wiꞌ.

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

San Lucas 11:4

Tacuyuꞌ ja kil kamac ja caniꞌ nkaban ajoj nekacuy ja winak tok cꞌoli nqueban chake. Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Queriꞌ ta rbanic ja roración neban, neꞌ chique ja rdiscípulo.

San Lucas 22:32

Pro anin nbanon orar pan acuenta utzcꞌa chi matiqꞌuisi chijutij ja yukulbal acꞌuꞌx wqꞌuin. Atat ja tok xcatmelojpi chic jutij pa nukꞌaꞌ tacowirsaj chic quecꞌuꞌx ja rawachꞌalal, neꞌ tre.

Gálatas 1:4

Ja Jesucristo arjaꞌ xuyaꞌ riꞌ pa camíc, camsax rmal ja kil kamac. Queriꞌ xuban jariꞌ xokrtobej pa rukꞌaꞌ ja ritzelal ja cꞌo chipan awaꞌ tiempo ja rokcꞌo wiꞌ riꞌ in tok xuban queriꞌ jariꞌ ni rvoluntad wiꞌ ja katataꞌ Dios ja xuban.

2 Tesalonicenses 3:3

Pro ja kajaw Jesucristo arjaꞌ ni nuban wiꞌ cumplir ja ntzujuj, arjaꞌ ncowirsaj ecꞌuꞌx chipan ja rtzobal Dios in nixrchajij chipan nojelal ja ritzelal ja npi chewij.

2 Timoteo 4:8

Cꞌo jun rtojbalil ja rcꞌamonto ja utzlaj cꞌaslemal in camic wotak chi nyataj na chwe. Ja kajaw Jesucristo arjaꞌ utzlaj kꞌetol tzij, arjaꞌ xtiyoꞌ chwe ja rtojbalil tokoriꞌ tok xtipi chic jutij. Pro ja rtojbalil ma nuyon ta anin xtiyataj chwe in xtiyataj chique chakajaꞌ canojelal ja nel quecꞌuꞌx chi raybexic ja Jesucristo ja tok xtipi chic jutij.

1 Juan 5:18

Kotak chi kanojel ja rokalaxnak chic jutij ja cꞌo rcꞌaslemal Dios pa tak kanma ajoj makomacuni pro ja Jesús ja Ralcꞌwal Dios arjaꞌ nokchajini in maticowini ja diablo nokruchap ta.

1 Juan 5:19

Kotak chakajaꞌ chi ajoj okcꞌo pa rcuenta ja Dios pro ja juleꞌ chic winak ja recꞌo chwachꞌulew xa pa rukꞌaꞌ ja diablo ecꞌo wiꞌ.