San Juan 17:13 - Tz'utujil (Ja Cꞌacꞌa Chominem)

¹³ Pro ja camic anin ninmeloj awqꞌuin in nojel awaꞌ ja nintajini nbij chawe camic riꞌ ni chiquewach ejeꞌeꞌ nbij can wiꞌ waweꞌ chwachꞌulew utzcꞌa chi xtinoj ta pa tak canma ja quicotemal ja cꞌo wqꞌuin.

Tz'utujil NT

¹³ Per camic anen quenmloja awq'uin y njelal jawra jnemjon rbixic chawa ne chquewech j-e' quenbij cwa' wawe' chwech ruch'lew ch-utz c'ara' xtnoj ta quicotemal ptak canm jc'ola wq'uin anen.

San Juan 17:13 Iomraidhean Croise

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 15:11

Nojel ja cꞌa xinbij kaj chewe riꞌ utzcꞌa chi xtiqꞌuejeꞌ ta pa tak ewanma ja quicotemal ja cꞌo pa wanma anin. Xinbij chewe utzcꞌa chi xtinoj ta ja quicotemal pa tak ewanma.

San Juan 16:33

Nojel awaꞌ ja xinbij chewe chipan awaꞌ jun tucwakꞌabil riꞌ utzcꞌa chi nyataj na chewe ja quicotemal xin Dios ja tok xa jun chic ebanon wqꞌuin. Ja chipan awaꞌ rwachꞌulew riꞌ congana rpokonal xtetij na pro quixquicoti como ja ritzelal rxin ja rwachꞌulew jariꞌ ni ma cowinnak ta wiꞌ chwij, nij anin wiꞌ inchꞌocmajnak. Queriꞌ xbij ja Jesús chique ja rdiscípulo.

San Juan 17:11

Padre Santo, camic maquinqꞌuejeꞌ chic más waweꞌ chwachꞌulew pro ja rejeꞌeꞌ neqꞌuejeꞌ na pro ja ranin ninmeloj chic jutij awqꞌuin. Pan abiꞌ atat queꞌachajij can queꞌawaraj can ja reꞌayaꞌon chwe utzcꞌa xta jun xtiqueban ja caniꞌ kabanon ajoj awqꞌuin xa jun kabanon.

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

San Juan 7:33

Ja cꞌa Jesús arjaꞌ tzijon más cuqꞌuin ja winak, quewaꞌ xbij chic chique riꞌ: —Anin xa jun ti tiempo chic ninqꞌuejeꞌ checojol como ninmeloj ruqꞌuin ja rintakyonto.

Hechos 13:52

Pro ja winak ja yukeꞌ quecꞌuꞌx ruqꞌuin ja Jesucristo ejeꞌeꞌ congana nequicoti in nojnak ja rEspíritu Santo pa tak canma.

Romanos 14:17

Queriꞌ nbij chewe como ja tok nokqꞌuejeꞌ chipan ja gobierno xin Dios ma ja ta nrajoꞌ chi noktzijon tre nak ja nkatiꞌ in nak ja matikatiꞌ, ma queriꞌ ta. Pro ja tok nokqꞌuejeꞌ chipan ja gobierno xin Dios quewaꞌ nrajoꞌ riꞌ, chi nkucꞌaj jun utzlaj cꞌaslemal, in jun chic, chi mta sícꞌ chꞌaꞌoj nkaban chibil tak kiꞌ, in jun chic, chi xa jun nkaban ruqꞌuin ja rEspíritu Santo in nkanaꞌ ja quicotemal xin Dios rmal.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Hebreos 12:2

Katzꞌelwachij cꞌa ja Jesús, arjaꞌ nwinakarsani ja yukulbal kacꞌuꞌx ruqꞌuin ja Dios in arjaꞌ ntzꞌakatsan na chakajaꞌ. Arjaꞌ cꞌo jun nimlaj quicotemal rayben chewiꞌ tok ma xpokonaj ta camsax chwa cruz, jariꞌ congana qꞌuixbal pro xucochꞌ nojel ja ban tre. Ja cꞌa camic janiꞌ chi la kas nim rukꞌij, ja bar tzꞌubul wiꞌ ja katataꞌ Dios triꞌ tzꞌubul wiꞌ ja Jesús chakajaꞌ pa riquikꞌaꞌ.

1 Juan 1:4

Ja katzꞌibaj riꞌ nkatakel ewqꞌuin utzcꞌa chi nqꞌuiyi in nwachini ja quicotemal xin Dios pa tak ewanma.

2 Juan 1:12

Cꞌa cꞌo na más ja nwajoꞌ nbij chewe pro matintzꞌibaj chipan ja carta como ja nchꞌobon anin chi ninbe na ewqꞌuin. Ja cꞌa tok xquinekaji nutzꞌat riꞌ kawach ewqꞌuin, cꞌa tokoriꞌ noktzijoni utzcꞌa chi nqꞌuiyi in nwachini ja quicotemal xin Dios pa tak kanma.