San Juan 17:1 - Tz'utujil (Ja Cꞌacꞌa Chominem)

¹ Ja Jesús tok bitaj rmal ja tzij riꞌ caꞌy chicaj in xumaj chic rbanic oración, quewaꞌ xbij tre ja Tatixel riꞌ: —Nataꞌ, camic xurwilaꞌ ja hora, tabanaꞌ cꞌa chwe ja nakꞌalasbej chiquewach ja winak chi congana nim nukꞌij ja rin Alcꞌwalaxel, queriꞌ ta naban chwe utzcꞌa chi anin natnkꞌalasaj chic atat chiquewach chakajaꞌ chi congana nim akꞌij.

Tz'utujil NT

¹ Ja' Jesús tak xbitaja tzij rmal xca'ya chcaj y xumaj rij oración y cawra xbij tzra Ttixel: —Nedta', camic xerla' hor, tebna' c'a chwa jnak'alsbej chquewech wnak chcongan nim nuk'ij je en Rlec'walxel. Cara' tebna' chwa ch-utz c'ara' anen catnk'alsaj chquewech che atet chka' congan nim ak'ij.

San Juan 17:1 Iomraidhean Croise

Marcos 14:41

Ja cꞌa Jesús be chic chi rbanic ja roración. Ja cꞌa tok melojpi chic pa roxmul xbij chique ja rdiscípulo: —Camic quixwar cꞌa, quixxulaꞌn cꞌa, camic tzuri. Bien tecꞌwaxaj chi xurwilaꞌ ja hora, ja Ralcꞌwalaxel ja xoc alaxic cuqꞌuin ja winak, camic nja̱ch na pa quekꞌaꞌ ja rajꞌil ajmaquiꞌ chi nquicamsaj.

San Lucas 18:13

Ja cꞌa molol impuesto arjaꞌ cꞌa cꞌa nat qꞌuejeꞌ pon wiꞌ, tiqueꞌe, nixtacꞌa caꞌy ta chicaj. Xumaj cꞌa jun nimlaj bis, quewaꞌ ja roración ja xuban riꞌ: —Tapokonaj nwach Dios como anin xa in jun ajꞌil xa in jun ajmac. Queriꞌ xbij ja molol impuesto.

San Lucas 22:53

Pro anin kꞌij kꞌij xinqꞌuejeꞌ checojol chipan ja nimlaj templo xin Dios pro ma xinechap ta waꞌan triꞌ. Pro jawaꞌ hora ja rokcꞌo wiꞌ riꞌ jawaꞌ yatajnak chewe chi nixban mandar rmal ja diablo ja nbano mandar chipan ja kꞌekumal, neꞌe ja Jesús chique.

San Juan 11:4

Ja cꞌa Jesús tok xcꞌaxaj ja xebix tre quewaꞌ xbij riꞌ: —Ja yobil tre ja Lázaro ma camíc ta rcꞌamonto pro ja rcꞌamonto quewariꞌ, triꞌ nkꞌalajin na wiꞌ chi ja Dios arjaꞌ congana rchokꞌakꞌ in congana nim rukꞌij, in jun chic, congana nya̱ꞌ na rukꞌij ja Ralcꞌwal Dios rmal, neꞌe.

San Juan 11:41

Cꞌacꞌariꞌ quiwasaj ja rabaj chuchiꞌ ja jul ja bar mukun wiꞌ ja camnak. Ja cꞌa Jesús caꞌy chicaj in quewaꞌ xbij riꞌ: —Nataꞌ, anin nmaltioxij chawe chi xacꞌwaxaj ja xincꞌutuj chawe.

San Juan 12:23

Ja cꞌa Jesús tok xcꞌaxaj ja bix tre quewaꞌ xbij chique riꞌ: —Camic ja Ralcꞌwalaxel ja xoc alaxic cuqꞌuin ja winak xurwilaꞌ ja tiempo chi congana nya̱ꞌ rukꞌij.

San Juan 13:1

Xerilaꞌ ja pispra rxin ja nmakꞌij pascua. Ja cꞌa Jesús arjaꞌ rotak chi xurwilaꞌ ja hora chi nuyaꞌ can ja rwachꞌulew in nmeloj ruqꞌuin ja Tatixel. Caniꞌ rbanonto chique ja rdiscípulo waweꞌ chwachꞌulew nij erajoꞌonto wiꞌ in niquirwariꞌ xuban can chic chique, cꞌoli ja xcꞌutbej chic chiquewach chi ni nerajoꞌ wiꞌ.

San Juan 16:32

Pro nerilaꞌ na waꞌan jun hora ja tok nineyaꞌ can ti nuyon in jariꞌ xajalal nrajoꞌ chi nbantaj cumplir. Jariꞌ hora nixchicaxi, nixanmaji in nixbe chi ewochoch chejujunal. Pro masqui nineyaꞌ can pro ma nuyon ta anin ja ninqꞌuejeꞌ can como ja Tatixel arjaꞌ ni cꞌo wiꞌ wqꞌuin.

San Juan 7:30

Rmalcꞌariꞌ ja xbij chique xa chewiꞌ ja tok laj quechap chi nquecoj preso pro majun nak ta chique chapo ta rxin como majaꞌn terilaꞌ ja hora rxin chi nchapi.

San Juan 7:39

Queriꞌ xbij chique como jariꞌ nnatbej rxin ja rEspíritu Santo ja nyataj na chique ja winak ja yukul quecꞌuꞌx ruqꞌuin ja Jesús. Pro ja rEspíritu Santo majaꞌn titakto triꞌ como ja Jesús majaꞌn tibe ruqꞌuin ja Tatixel pa gloria.

San Juan 8:20

Queriꞌ cꞌa rbanic ja juleꞌ tzij xuban ja Jesús chipan ja nimlaj templo xin Dios ja tok arjaꞌ rmajon quitijoxic ja winak. Triꞌ paꞌl wiꞌ ja bar nqueyaꞌ can wiꞌ ja quiꞌofrenda ja winak pro ni majun nak ta chapo ta rxin como majaꞌn terilaꞌ ja hora chi nchapi.

Hechos 3:13

Ja Dios quixin ja rAbraham, ja rIsaac in Jacob, ja Dios quixin ja katiꞌt kamamaꞌ arjaꞌ bien xkꞌalasaj chi congana nim rukꞌij ja Jesús ja Ralcꞌwal. Pro ixix xejach ja Jesús pa quekꞌaꞌ ja kꞌetol tak tzij. Ja Pilato arjaꞌ rajoꞌ ta xsokpijel pro ma xewajoꞌ ta ixix.

1 Pedro 1:21

Rmal ja Cristo chewiꞌ tok yukul chic ecꞌuꞌx ruqꞌuin ja Dios. Jariꞌ mismo Dios ja xuyaꞌ tre ja Cristo chi cꞌastaji chiquicojol ja camnakiꞌ in xuyaꞌ tre chakajaꞌ chi congana nim chic rukꞌij. Rmalcꞌariꞌ tok ruqꞌuin ja Dios yukul wiꞌ ecꞌuꞌx, rmalcꞌariꞌ chakajaꞌ tok ewotak chi ja Dios arjaꞌ nyowi ja rutzil ja rewayben.