San Juan 16:8 - Tz'utujil (Ja Cꞌacꞌa Chominem)

^8-11 Ja cꞌa tok xtikajto ja jun chic Toꞌonel quewaꞌ ja samaj ja nurbanaꞌ kaj riꞌ. Jun, bien nkꞌalasaj na chiquewach ja winak ja xa ruqꞌuin rwachꞌulew yukul wiꞌ quecꞌuꞌx chi cꞌoli ja quil quemac quibanon. Como ejeꞌeꞌ ma yukul ta quecꞌuꞌx wqꞌuin chewiꞌ tok xtuchꞌob chiquewach chi e ajꞌil e ajmaquiꞌ. In jun chic ja samaj nurbanaꞌ kaj, bien nkꞌalasaj na chiquewach chi ja Tatixel arjaꞌ ni utz wiꞌ ninrutzꞌat como arjaꞌ nuyaꞌ na chwe chi triꞌ ninbe wiꞌ ja bar cꞌo wiꞌ arjaꞌ in maquinetzꞌat chic. In cꞌo chic jun ja samaj ja nurbanaꞌ kaj, bien nkꞌalasaj na chiquewach chi ja Dios arjaꞌ nukꞌet tzij chiquij ja banol tak itzelal como arjaꞌ rkꞌeton chic tzij trij ja Satanás ja nbano mandar waweꞌ chwachꞌulew.

Tz'utujil NT

^8-11 Tak xtkaj ta jun chic To'onel, bien nk'alsaj na chquewech wnak je ykula quec'u'x ruq'uin rwech ruch'lew chc'ola quil quemac quebnon. Com j-e' majo'n ykul ta quec'u'x wq'uin rmal c'ara' nuch'ob na chquewech che e aj-il e ajmac. Y jun chic samaj jnerebna' kaja, jara' nk'alsaj na bien chquewech wnak che anen ne rbeyal wa' nebnon chwech Ttixel com ja' Ttixel nuya' chwa chquenba tzra' abar c'ol wa' ja' y majo'n chic cnetz'et ta. Y c'o chna jun samaj nerebna' kaja To'onel, jara' bien nk'alsaj na chquewech wnak che Dios nuk'at na tzij chquij je e bnoy tak rtzilal com ja' rek'ton chic tzij tzrij diablo jnebnowa mandar wawe' chwech ruch'lew.

San Juan 16:8 Iomraidhean Croise

San Juan 16:7

Pro nojel ja nmajon rbixic chewe ni katzij wiꞌ. Ja ninel checojol jariꞌ cꞌoli rcꞌamonto chewe. Ja wixta maquinbe maquita nkajto ariꞌ ewqꞌuin ja jun chic Toꞌonel pro ja wi ninbe, anin ninetakoto rxin ewqꞌuin.

San Juan 8:46

¿La cꞌo ta cꞌa jun chewe ncowini nbij chi cꞌo wil nbanon? Pro ja nmajon rbixic chewe, ja wi ni katzij wiꞌ ¿nak cꞌa tre tok maquinenimaj?

San Juan 8:9

Ja tok quicꞌaxaj ja bix chique rmal ja Jesús quenaꞌ kaj chi cꞌo quil quemac ejeꞌeꞌ chakajaꞌ rmalcꞌariꞌ pa jujunal pa jujunal xebe. Ja cꞌa rijaꞌ ejeꞌeꞌ riꞌ ja kas xeꞌelel nabey in tok qꞌuiswani xebe canojelal. Xa ruyon chic ja Jesús qꞌuejeꞌ can, ja cꞌa rixok arjaꞌ peꞌe can chwach.

Hechos 2:37

Ja cꞌa winak tok quicꞌaxaj ja xbij ja Pedro chique congana xkꞌututuj riꞌ ja canma. Quewaꞌ quibij riꞌ: —Ixix ja rix kach tak aj Israel ¿nak cꞌa cꞌo rjawaxic chake chi nkaban camic? xecheꞌ tre ja Pedro in chique ja juleꞌ chic apóstol.

1 Corintios 14:24

Pro ja cꞌa wi ewanojel emajon rbixic juleꞌ tzij ja nchꞌobtaji ja nkꞌalasax jeꞌe chewach rmal ja Dios in wi cꞌo jun noc checojol ja ma rniman ta ja Jesucristo owi noc jun ja ma rotak ta nak rbanic ja tok nattzijon chipan juleꞌ chic tzobal jariꞌ nkaj pa rwiꞌ ja nixtajini nebij. Xtumaj cꞌa tiꞌonem ja ranma rmal ja ril rumac rbanon pro rumac ja tzij ja nixtajini nebij ewanojel tok nuban queriꞌ. Ja tzij nebij ewanojel jariꞌ nsamaji chi rkꞌalasaxic janiꞌ rcꞌaslemal.

Judas 1:15

arjaꞌ npeti chi nurkꞌetaꞌ tzij chiquij canojelal. Canojel ja rajꞌil ajmaquiꞌ ja mta quigana ruqꞌuin ja Dios arjaꞌ nerutakel chipan ja rpokonal pro rumac nojelal ja quibanon ja ni majun rgana ja Dios ruqꞌuin in rumac chakajaꞌ nojel ja cowlaj tak tzij ja quibin tre ja Dios. Queriꞌ bitajnak can rmal ja rEnoc.