San Juan 16:32 - Tz'utujil (Ja Cꞌacꞌa Chominem)

³² Pro nerilaꞌ na waꞌan jun hora ja tok nineyaꞌ can ti nuyon in jariꞌ xajalal nrajoꞌ chi nbantaj cumplir. Jariꞌ hora nixchicaxi, nixanmaji in nixbe chi ewochoch chejujunal. Pro masqui nineyaꞌ can pro ma nuyon ta anin ja ninqꞌuejeꞌ can como ja Tatixel arjaꞌ ni cꞌo wiꞌ wqꞌuin.

Tz'utujil NT

³² Per nerla' na jun hor tak nuyon cneya' cana y jara' xyamer nerla' hor rxin che nbantaja. Jara' hor nech'or ewi', nquixnanmaja y nquixba ptak ewuchoch chixjujnel. Mesque cneya' cana, mnuyon ta quenc'je' cana com Ttixel arja' nc'ola wq'uin.

San Juan 16:32 Iomraidhean Croise

San Mateo 26:31

Ja cꞌa Jesús arjaꞌ xbij chique: —Rmal ja xtiban chwe chipan awaꞌ jun tucwakꞌabil riꞌ ixix nineyaꞌ can, nixanmaji pro ewanojelal. Queriꞌ nbij chewe como tzꞌibtal can chipan ja rtzobal Dios quewariꞌ: —Anin xtincamsaj ja yukꞌul quixin ja tak carnelo, ja cꞌa tak rcarnelo ja rerbanon cuenta, ejeꞌeꞌ nechictaji. Queriꞌ ja tzꞌibtal can.

San Mateo 26:56

Pro nojel awaꞌ wariꞌ ma chaka ta nbantaji, rumac chi nbantaj cumplir ja tzꞌibtal can chwe ojer cumal ja rojer tak profeta xin Dios, neꞌ chique. Cꞌacꞌariꞌ ja rdiscípulo queyaꞌ can, xeꞌanmajel.

Marcos 14:27

Ja cꞌa Jesús arjaꞌ xbij chique: —Rmal ja xtiban chwe chipan awaꞌ jun tucwakꞌabil riꞌ ixix nineyaꞌ can, nixanmaji pro ewanojelal. Queriꞌ nbij chewe como tzꞌibtal can chipan ja rtzobal Dios quewariꞌ: —Anin xtincamsaj ja yukꞌul quixin ja tak carnelo, ja cꞌa tak carnelo ejeꞌeꞌ nechictaji. Queriꞌ ja tzꞌibtal can.

Marcos 14:50

Cꞌacꞌariꞌ ja rdiscípulo queyaꞌ can, xeꞌanmajel.

San Juan 12:23

Ja cꞌa Jesús tok xcꞌaxaj ja bix tre quewaꞌ xbij chique riꞌ: —Camic ja Ralcꞌwalaxel ja xoc alaxic cuqꞌuin ja winak xurwilaꞌ ja tiempo chi congana nya̱ꞌ rukꞌij.

San Juan 16:2

Como ja winak ejeꞌeꞌ nixquichꞌakijto na pa tak jay xin molbal riꞌil ja bar ncꞌaxax wiꞌ ja rtzobal Dios in maquixcꞌul chic chipan. In cꞌuluto, nerilaꞌ na jun kꞌij ja tok nixquicamsaj in ja pa quetzij ejeꞌeꞌ rvoluntad Dios nqueban ja nixquicamsaj.

San Juan 16:25

Nojel awaꞌ ja nbin chewe riꞌ cꞌo jeꞌe cꞌambal tak tzij xincoj chi rbixic ja ma xel ta claro chewach. Pro nerilaꞌ na jun kꞌij tok ma rjawaxic chi ta xkotzijon chi ta ewqꞌuin pa cꞌambal tak tzij tokocꞌariꞌ bien nkꞌalasaj na chewach nak rbanic ja Tatixel.

San Juan 16:31

Ja cꞌa Jesús xbij chique: —¿La ni katzij wiꞌ chi nenimaj chi ruqꞌuin ja Dios inpenak wiꞌ?

San Juan 19:27

Cꞌacꞌariꞌ xbij tre ja rdiscípulo: —Ja nuteꞌ leꞌ jalaꞌ noc chic ateꞌ atat, neꞌ tre. Ja cꞌa discípulo tok meloji xucꞌamel ja ruteꞌ ja Jesús in xucꞌul chijutij pa rochoch.

San Juan 20:10

Cꞌacꞌariꞌ xemeloji ja discípulo chi cochoch.

San Juan 4:21

—Tanimaj ja xtinbij chawe camic riꞌ, xa nnakajinto ja tiempo tok ma ruyon chi ta parwiꞌ ja jun jayuꞌ leꞌ neyaꞌ wiꞌ rukꞌij ja Tatixel in ma ruyon chi ta pa Jerusalén chakajaꞌ.

San Juan 4:23

Pro xa nnakajinto ja tiempo tok ja winak pa tak canma xtiwinakar wiꞌ ja nquiyabej rukꞌij ja Tatixel in ni katzij wiꞌ ja xtiqueban tre, ma chaka ta costumbre. Queriꞌ xtiqueban ja winak ja ni katzij wiꞌ chi nqueyaꞌ rukꞌij como queriꞌ nrajoꞌ ja Tatixel chi nba̱n tre in arjaꞌ rmajon quicanoxic ja nebano queriꞌ tre. In ja camic ecꞌo jujun ja queriꞌ chic nqueban tre.

San Juan 5:25

Bien tecꞌwaxaj ja xtinbij chewe riꞌ, cꞌo jun tiempo nnakajinto, jariꞌ tiempo ni chwach chic okcꞌo wiꞌ riꞌ in chipan ariꞌ tiempo ja winak ja recamnak chwach ja Dios ejeꞌeꞌ nquicꞌaxaj na rukul ja Ralcꞌwal Dios. Ja necꞌaxani ja rukul ejeꞌeꞌ nyataj chique ja utzlaj cꞌaslemal.

San Juan 5:28

Maxta junwiꞌ tecꞌwaxaj ja cꞌa xinbij kaj chewe riꞌ como nerilaꞌ na jun kꞌij chi canojelal ja remukun pa tak comsanto nquicꞌaxaj na rukul ja Ralcꞌwalaxel

San Juan 8:16

Pro wi cꞌoli ja kꞌetoj tzij nban jariꞌ ni rubey wiꞌ ja kꞌetoj tzij nban. Queriꞌ nbij chewe como ma nuyon ta anin ninkꞌetowi ja tzij, ok caꞌiꞌ ruqꞌuin ja Tatixel ja takyonto wxin.

San Juan 8:29

Ja takyonpi wxin arjaꞌ cꞌo wqꞌuin camic, ja Nataꞌ ni ma inryaꞌon can ta wiꞌ. Queriꞌ rbanon chwe como anin ni nmajon wiꞌ rbanic ja nrajoꞌ chwe chi nban, neꞌe ja Jesús chique.

Hechos 21:6

Ja tok tzuri ja roración kumal xokqueban despedir. Cꞌacꞌariꞌ xokoc chipan ja lancha, ja cꞌa rejeꞌeꞌ xemeloji chi tak cochoch.

Hechos 8:1

Ja cꞌa Saulo arjaꞌ conforme chi camsaxi ja rEsteban. Jariꞌ mismo kꞌij majtaj rbanic pokon chique ja riglesia ja recꞌo pa Jerusalén in xechictaji canojel rmal. Ecꞌoli chique xebe pa tak lugar ja cꞌo pa rcuenta Judea in juleꞌ chic chique xebe pa tak lugar ja cꞌo pa rcuenta Samaria. Pro ja rapóstol ejeꞌeꞌ ma xebe ta, xeqꞌuejeꞌ can pa Jerusalén.