San Juan 16:3 - Tz'utujil (Ja Cꞌacꞌa Chominem)

³ Queriꞌ xtiqueban chewe como ejeꞌeꞌ xa ma cotak ta janiꞌ rnaꞌoj ja Tatixel in nixtacꞌa cotak ta ja nnaꞌoj anin chakajaꞌ.

Tz'utujil NT

³ Cara' nqueban chewa com j-e' majo'n cutkin ta nak rna'oj Ttixel y majo'n cutkin ta nna'oj anen chka'.

San Juan 16:3 Iomraidhean Croise

San Lucas 10:22

Cꞌacꞌariꞌ xbij: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ, neꞌe.

San Juan 15:21

Pro mwal anin ja tok xtetij pokon pa quekꞌaꞌ. Ejeꞌeꞌ nqueban na pokon chewe como ma cotak ta janiꞌ rnaꞌoj ja Dios ja takyonto wxin.

San Juan 15:23

Ja winak ja xa itzel ninquetzꞌat jariꞌ xa itzel nquetzꞌat ja Nataꞌ chakajaꞌ.

San Juan 17:25

Nataꞌ, atat nij at utzlaj kꞌetol tzij wiꞌ pro ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xa ma cotak ta janiꞌ ja ranaꞌoj pro ja ranin wotak in chakajaꞌ ja winak ja recꞌo wqꞌuin ja reꞌayaꞌon chwe ejeꞌeꞌ cotak chi atat attakyonto wxin.

San Juan 17:3

Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

San Juan 8:19

—¿Bar cꞌa cꞌo wariꞌ ja ratataꞌ? xecheꞌ tre. —Ja rixix ni ma chꞌobtajnak ta wiꞌ emwal nak inocnak wiꞌ in nixtacꞌa ja ta ja Nataꞌ chakajaꞌ chꞌobtajnak ta emwal nak rbanic. Ja wixta chꞌobtajnak emwal nak nbanic anin chꞌobtajnak ta cꞌariꞌ emwal nak rbanic ja Nataꞌ chakajaꞌ, neꞌe ja Jesús chique.

San Juan 8:55

Pro xa ma ewotakin ta rwach ja Nataꞌ pro anin bien wotak rwach. Ja wixta xinbij chewe chi ma wotak ta rwach jariꞌ xta cꞌa in junan ewqꞌuin ariꞌ ja rix tzꞌakol tak tzij. Pro jariꞌ wotak rwach, ni nnimaj wiꞌ ja rtzobal.

Hechos 3:17

Ixix ja rix kach tak aj Israel, ja tok xecꞌutuj rcamic ja Jesús wotak chi xa ma ewotak ta ja neban in queriꞌ chique ja kꞌetol tak tzij ja recꞌo checojol chakajaꞌ.

1 Corintios 2:8

Pro jawaꞌ nimak tak naꞌoj xin Dios riꞌ ma xchꞌobtaj ta cumal ja kꞌetol tak tzij ja nebano mandar waweꞌ chwachꞌulew, ni majun chique chꞌobtaj ta rmal. Ja cꞌa wixta chꞌobtaj cumal maquita cꞌa querip ariꞌ chwach cruz ja kajaw Jesucristo ja ni rxin wiꞌ chi cꞌaslemal xin Dios rcꞌan.

2 Tesalonicenses 1:8

Arjaꞌ nuryaꞌaꞌ rjil rcꞌaxel chique ja winak ja ma xcajoꞌ ta cotakij rwach ja Dios in ma xquinimaj ta ja utzlaj tzij rxin ja kajaw Jesucristo.

1 Timoteo 1:13

Queriꞌ xuban chwe masqui anin nabey xa itzel xintzijon tre, xinban pokon chique ja xeniman rxin in xintzꞌuj. Pro ja Dios arjaꞌ xpokonaj nwach como anin ma wotak ta ja xinban como jariꞌ tiempo ma nniman ta ja Jesucristo.

1 Juan 2:23

Ja winak ja nebini chi ja Jesús ma Alcꞌwalaxel ta jariꞌ mta ja Dios Tatixel pa tak canma pro ja nebini chi Alcꞌwalaxel jariꞌ cꞌoli ja Dios Tatixel pa tak canma.

1 Juan 3:1

Janila nokrajoꞌ ja Dios ja Tatixel. Arjaꞌ nbij chake chi ok ralcꞌwal, triꞌ cꞌa nkatzꞌat wiꞌ chi congana nokrajoꞌ in ni katzij wiꞌ chi ok ralcꞌwal. Ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ matichꞌobtaj cumal janiꞌ rnaꞌoj ja Dios in rmalariꞌ matichꞌobtaj cumal nak kabanic ajoj chakajaꞌ.

1 Juan 4:8

Ja Dios arjaꞌ ni rcꞌan wiꞌ ja rajoben riꞌil rmalcꞌariꞌ ja tok nbij chewe, ja wi matawajoꞌ awiꞌ jariꞌ ma awotak ta rwach ja Dios.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.