San Juan 16:27 - Tz'utujil (Ja Cꞌacꞌa Chominem)

²⁷ Arjaꞌ nuyaꞌ chewe como nixrajoꞌ xa chewiꞌ tok nuyaꞌ chewe. Queriꞌ nuban chewe como ixix ninewajoꞌ in chakajaꞌ nenimaj chi ruqꞌuin ja Dios inpenak wiꞌ.

Tz'utujil NT

²⁷ Arja' nuya' chewa com nquixrajo' rmal c'ara' nak nec'utuj nuya' chewa. Cara' nuban chewa com ixix cnewajo' y nenimaj chruq'uin Dios enpenak wa'.

San Juan 16:27 Iomraidhean Croise

San Mateo 10:37

Ja winak ja más na necajoꞌ ja quitataꞌ chinwach anin owi queteꞌ, ejeꞌeꞌ ma yatal ta chique xqueꞌoc ta ndiscípulo. Ja winak ja cꞌo jun calcꞌwal ja más na ncajoꞌ chinwach anin, ejeꞌeꞌ ma yatal ta chique xqueꞌoc ta ndiscípulo chakajaꞌ.

San Juan 14:21

Ja winak ja necꞌolowi ja ntzobal pa tak canma in wi nquinimaj ja ntzobal triꞌ netzꞌa̱t wiꞌ chi ni katzij wiꞌ chi nincajoꞌ. Ja winak ja neꞌajoꞌn wxin neꞌajoꞌx cꞌa ejeꞌeꞌ ariꞌ rmal ja Nataꞌ in neꞌajoꞌx mwal anin chakajaꞌ in xtinkꞌalasaj wiꞌ chiquewach. Queriꞌ xbij ja Jesús chique.

San Juan 14:23

—Ja winak wi ni katzij wiꞌ chi nincajoꞌ nquinimaj cꞌariꞌ ja ntzobal. Ja wi queriꞌ nqueban neꞌajoꞌx cꞌariꞌ rmal ja Nataꞌ, ok caꞌiꞌ ruqꞌuin ja Nataꞌ nokekaj cuqꞌuin in noqui ja canma como kochoch in nokqꞌuejeꞌ chipan.

San Juan 16:30

Ja camic bien chꞌobtajnak chic kumal chi atat nojel awotak, ma rjawaxic ta chawe chi nacꞌwaxaj ta na ja nkacꞌaxaj chawe como jariꞌ awotak chic tok majaꞌn tikacꞌaxaj chawe rmalcꞌariꞌ nkanimaj chi ruqꞌuin ja Dios atpenak wiꞌ, xecheꞌ tre.

San Juan 17:23

Quewaꞌ neli riꞌ, anin xa jun nban cuqꞌuin in atat chakajaꞌ xa jun naban wqꞌuin utzcꞌa tok xtiqꞌuiswani mta ariꞌ ja maquita jun nqueban. Queriꞌ nwajoꞌ utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xticotakij na chi atat attakyonto wxin utzcꞌa chi xticotakij na chakajaꞌ chi congana neꞌawajoꞌ ja winak ja xa jun quibanon wqꞌuin ja caniꞌ abanon chwe como congana ninawajoꞌ.

San Juan 2:11

Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

San Juan 3:13

Ni majun nak ta ekajnak ta chilaꞌ chicaj rtzꞌaton ta nak rbanic ja chilaꞌ chicaj, xa jun ja tzꞌatyon nak rbanic, arjaꞌ ja Ralcꞌwalaxel ja kajto chilaꞌ chicaj ja xoc alaxic cuqꞌuin ja winak, arjaꞌ ja cꞌo pa ranma ja Tatixel chilaꞌ chicaj.

San Juan 7:29

Pro ja ranin wotak rwach como ruqꞌuin arjaꞌ inpenak wiꞌ in arjaꞌ takyonto wxin, neꞌ chique.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

Romanos 8:3

Ja cꞌa ley xin Dios jariꞌ ma xcowin ta xokrutoꞌ ta chipan ja kil kamac. Como xa ok winak chewiꞌ tok ma xcowin ta ja ley xuqꞌuex ta ja ritzel tak naꞌoj kucꞌan. Pro ja Dios arjaꞌ cowini xokrutoꞌ, xutakto ja Ralcꞌwal ja ni xarwariꞌ jun. Peti ja Ralcꞌwal, xoc kach winak ja rok ajꞌil ok ajmaquiꞌ pro xarwariꞌ mta ril rumac arjaꞌ. Rmal kil kamac chewiꞌ tok takto. Queriꞌ cꞌa xuban ja Dios jariꞌ xkajsbej ja poder rxin ja il mac ja cꞌo pa tak kanma ja rok winak.

1 Corintios 15:47

Ja rAdán arjaꞌ waweꞌ chwachꞌulew winakarto wiꞌ, ulew ocnak in ruqꞌuin arjaꞌ winakarnakto wiꞌ ja nabey cꞌaslemal ja xin waweꞌ chwachꞌulew. Ja kajaw Jesucristo arjaꞌ chilaꞌ chicaj pi wiꞌ in ruqꞌuin arjaꞌ winakarnakto wiꞌ ja jun chic cꞌaslemal cꞌacꞌa ja xin chilaꞌ chicaj.

1 Corintios 16:22

Ja wi cꞌo jun ma lokꞌ ta xtunaꞌ ja kajaw Jesucristo jariꞌ yatal tre chi xa itzel ntzꞌa̱t rmal ja Dios. Ja cꞌa kajaw Jesucristo arjaꞌ npi chi na jutij.

2 Corintios 5:14

Queriꞌ nkaban como ja rajoben riꞌil xin Cristo jariꞌ nbano mandar kaxin. Como bien kotak chi ja Cristo cam pa kacuenta kanojelal tibij cꞌa tzij ariꞌ chi ajoj jun xokcam ruqꞌuin kanojelal.

Gálatas 4:4

Pro ja Dios tok tzꞌakati ja tiempo ja chomarsanto rmal tokocꞌariꞌ xutakto ja Cristo ja Ralcꞌwal. Xalaxi ja Ralcꞌwal Dios chwirukꞌaꞌ jun ixok in qꞌuejeꞌ na pa rukꞌaꞌ ja ley ja yaꞌon can tre ja Moisés ojer rmal ja Dios.

Efesios 6:24

Ja rutzil xin Dios xtiqꞌuejeꞌ ta cuqꞌuin canojel ja neꞌajoꞌn rxin ja kajaw Jesucristo pro jun ajoben riꞌil ja ni mta wiꞌ qꞌuextajic trij. Amén.

1 Timoteo 1:15

Ja Cristo Jesús arjaꞌ pi waweꞌ chwachꞌulew chi katoꞌic ja rok ajꞌil ja rok ajmaquiꞌ. Jariꞌ tzij ni katzij wiꞌ in yatal chique canojelal ja winak chi nquinimaj. In anin más na nim ja wil numac chiquewach canojelal.

Hebreos 12:6

Como ja kajaw Dios wi natruyaꞌ chipan ja rpokonal chi atijoxic jariꞌ retal chi natrajoꞌ. Ja wi natrapaj triꞌ cꞌa nkatzꞌat wiꞌ chi atcꞌulun rmal in at ralcꞌwal, queriꞌ cꞌa rbanic, maxta itzel tanaꞌ. Queriꞌ nbij.

1 Pedro 1:8

Ixix janila newajoꞌ ja Jesucristo masqui ma etzꞌaton ta rwach in ni yukul wiꞌ ecꞌuꞌx ruqꞌuin camic. Rmalariꞌ tok janila nixquicoti camic, yatajnak chewe ja nimlaj quicotemal xin chilaꞌ chicaj.

1 Juan 4:19

Ja Dios arjaꞌ xokrajoꞌ ajoj nabey rmalcꞌariꞌ tok nkajoꞌ arjaꞌ chakajaꞌ.

Apocalipsis 3:19

Canojel ja winak ja nenwajoꞌ ejeꞌeꞌ riꞌ nchꞌaꞌ chique ja ritzelal nqueban in nenuban castigar. Quixmakꞌeꞌ cꞌa tre ja recꞌaslemal in teqꞌuexaꞌ ja renaꞌoj.

Apocalipsis 3:9

Bien tecꞌwaxaj, ja winak ja xa jun molbal riꞌil xin Satanás eꞌocnak wiꞌ ja nebini chi e aj Israel pro ma cucꞌan ta jun anma ja caniꞌ yatal chique ja raj Israel chi ncucꞌaj, xa e tzꞌakol tak tzij, tetzꞌataꞌ mpeꞌ ja xtinban chique, puersa nepi na ewqꞌuin, nenkajsaj na, neꞌurjupeꞌ na chewach in ncotakij na chi anin nixwajoꞌ.