San Juan 16:25 - Tz'utujil (Ja Cꞌacꞌa Chominem)

²⁵ Nojel awaꞌ ja nbin chewe riꞌ cꞌo jeꞌe cꞌambal tak tzij xincoj chi rbixic ja ma xel ta claro chewach. Pro nerilaꞌ na jun kꞌij tok ma rjawaxic chi ta xkotzijon chi ta ewqꞌuin pa cꞌambal tak tzij tokocꞌariꞌ bien nkꞌalasaj na chewach nak rbanic ja Tatixel.

Tz'utujil NT

²⁵ Njelal jawra jxenbij chewa c'ola je' c'ambal tzij xencsaj che rbixic jmajo'n xk'aljin ta chewech. Per nerla' na jun k'ij tak majo'n chic nc'atzin ta noktzijona chpam c'ambal tzij, c'jara' bien quenk'alsaj chewech nak rbanic Ttixel.

San Juan 16:25 Iomraidhean Croise

Marcos 4:13

In xbij chic chique: —¿La ni cꞌa matichꞌobtaj wiꞌ emwal ja cꞌambal tzij ja cꞌa xinbij kaj? Ja wi maquixcowini nechꞌob ja cꞌambal tzij tre ja rajticolaꞌ ¿nak moda xquixcowini xtechꞌob ja juleꞌ chic cꞌambal tak tzij? Pro ja camic nchꞌob chewach nak tibij ja cꞌambal tzij.

Marcos 4:34

Ni majun nak ta xbij ta chique ja maquita xucoj cꞌambal tak tzij chi rbixic chique. Pro ja xuban chique ja rdiscípulo arjaꞌ, xeryonaj in xkꞌalasaj chiquewach nojel ja nbij ja cꞌambal tak tzij.

Marcos 8:32

Arjaꞌ bien xuchꞌob chiquewach chi nba̱n na queriꞌ tre. Ja cꞌa Pedro arjaꞌ xuchap chi rukꞌaꞌ in xumaj rchꞌaꞌic tre ja xbij.

San Juan 10:24

Ja cꞌa raj Israel xequimoloꞌ quiꞌ trij in quibij tre: —¿Nak tre tok matabij rubiꞌ chake? Ja wi atat ja rat Cristo ni takꞌalasaj jutzꞌit chikawach, xecheꞌ tre.

San Juan 10:6

Jawaꞌ cꞌambal tzij riꞌ xbij ja Jesús pro ja fariseo ejeꞌeꞌ xa matichꞌobtaj cumal.

San Juan 16:12

Anin cꞌa cꞌo na ja majaꞌn tinbij chewe pro matichꞌobtaj emwal ja xtinbij ta chewe camic.

San Juan 16:2

Como ja winak ejeꞌeꞌ nixquichꞌakijto na pa tak jay xin molbal riꞌil ja bar ncꞌaxax wiꞌ ja rtzobal Dios in maquixcꞌul chic chipan. In cꞌuluto, nerilaꞌ na jun kꞌij ja tok nixquicamsaj in ja pa quetzij ejeꞌeꞌ rvoluntad Dios nqueban ja nixquicamsaj.

San Juan 16:32

Pro nerilaꞌ na waꞌan jun hora ja tok nineyaꞌ can ti nuyon in jariꞌ xajalal nrajoꞌ chi nbantaj cumplir. Jariꞌ hora nixchicaxi, nixanmaji in nixbe chi ewochoch chejujunal. Pro masqui nineyaꞌ can pro ma nuyon ta anin ja ninqꞌuejeꞌ can como ja Tatixel arjaꞌ ni cꞌo wiꞌ wqꞌuin.

2 Corintios 4:2

Pro ja kabanon ni kachꞌaꞌon wiꞌ chique ja juleꞌ chic winak ja nqueban tre ja quisamaj como cꞌo jeꞌe nqueban ja xa pan awatali ja xa qꞌuixbal rbanic pro ajoj ni mta wiꞌ jun engaño nkaban in tok nkayaꞌ rbixic ja rtzobal Dios ni majun nak ta nkaxol ta ruqꞌuin. Pro ja nkaban, nkakꞌalasaj chi utz ja rtzobal Dios chiquewach ja winak, ja nkajoꞌ cꞌa pa tak canma nekaj wiꞌ canojelal utzcꞌa chi ncotakij chi ni katzij wiꞌ ja nkabij in bien kotak chi Dios rotak nojel ja nkaban.