San Juan 16:22 - Tz'utujil (Ja Cꞌacꞌa Chominem)

²² Queriꞌ cꞌa chewe ixix chakajaꞌ camic, emajon bis pro nutzꞌat chi na jutij riꞌ kawach ewqꞌuin, janila xquixquicot rmal pro jun quicotemal ja majun nak ta xtiwasan ta chewe.

Tz'utujil NT

²² Cara' c'a chewa ixix chka' camic, emjon bis per nkatz'et chna jmul kawech ewq'uin y ajni'la xtquixquicota rmal, per jun quicotemal next jun xtelsana chewa.

San Juan 16:22 Iomraidhean Croise

San Mateo 28:8

Ja cꞌa rixokiꞌ ejeꞌeꞌ xeꞌelel alnak ruqꞌuin ja panteón, xebe, xequibij chique ja discípulo, congana quixben quiꞌ in congana nequicoti chakajaꞌ.

San Lucas 10:42

Pro cꞌo jun ja más na ncꞌatzin chawe chi naban ja más na utz jariꞌ ja ntajini nuban ja María camic in majun nak ta xtilasan ta tre ja tijonem ja ntajini ncꞌaxaj, neꞌxi ja Marta rmal ja Jesús.

San Lucas 16:25

Ja cꞌa rAbraham quewaꞌ xbij tre riꞌ: —Turkaj chawe ncꞌajol, ja tok xatqꞌuejeꞌ chwachꞌulew atat xattijowi ayon ja ramebaꞌil pro ja cꞌa Lázaro arjaꞌ xa rpokonal xutij. Pro ja cꞌa camic congana quiꞌ chi rucꞌuꞌx ja Lázaro waweꞌ pro atat amajon chic rtijic ja rpokonal.

San Lucas 19:26

—Ja cꞌa camic nbij chewe chi canojel ja winak ja cꞌo jeꞌe yatajnak chique, ejeꞌeꞌ nyataj na más chique. Pro ja cꞌa winak ja mta yatajnak chique pro nquechꞌob chi cꞌoli jariꞌ nlasax chique.

San Lucas 24:41

Ja cꞌa rejeꞌeꞌ quewaꞌ quimajon kaj rchꞌobic pa tak canma riꞌ: —Congana takaꞌan quiꞌil ja wariꞌ pro ma katzij la, xecheꞌe. Ja cꞌa Jesús xbij chique: —¿La cꞌoli neyaꞌ chwe can ntij? neꞌ chique.

San Juan 14:1

Cꞌacꞌariꞌ xbij chic chique: —Maxta ticapuj ecꞌuꞌx, ni tiyukeꞌ wiꞌ ecꞌuꞌx ruqꞌuin ja Dios in wqꞌuin anin chakajaꞌ.

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 14:27

Anin ninbe pro kas tiquicot can ja rewanma. Anin cꞌo jun quicotemal wqꞌuin jariꞌ nyaꞌ can chewe pro jariꞌ ma junan ta ruqꞌuin ja quicotemal ja xa xin rwachꞌulew. Maxta ticapuj ecꞌuꞌx in maxta texbej ewiꞌ chakajaꞌ.

San Juan 16:16

Xa jurata chic ninqꞌuejeꞌ checojol in maquinetzꞌat chic pro xa ma nim ta ja tiempo ja maquinetzꞌat cꞌacꞌariꞌ ninetzꞌat chi na jutij. Queriꞌ nbij chewe como ninbe ruqꞌuin ja Tatixel. Queriꞌ xbij ja Jesús chique.

San Juan 16:20

Ni katzij wiꞌ ja xtinbij chewe riꞌ, ixix nixokꞌ na, nixbison na pro ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ nequicot na. Pro masqui xquixbisoni pro jariꞌ bis chaka jalal tok xtocꞌowi in nwinakar chi na jun quicotemal pa tak ewanma.

San Juan 16:6

Pro ja rebanon, nojnak ja bis pa tak ewanma rmal ja xinbij chewe.

San Juan 21:7

Cꞌoli ja discípulo ja congana najoꞌx rmal ja Jesús, arjaꞌ xbij tre ja Pedro: —Jalaꞌ laleꞌ kajaw Jesús, neꞌ tre. Ja cꞌa Simón Pedro arjaꞌ tok xcꞌaxaj chi queriꞌ xcojlaꞌ ja rtziak in xuqꞌuiakto riꞌ pa yaꞌ in xuleꞌto.

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

Hechos 13:52

Pro ja winak ja yukeꞌ quecꞌuꞌx ruqꞌuin ja Jesucristo ejeꞌeꞌ congana nequicoti in nojnak ja rEspíritu Santo pa tak canma.

Hechos 16:25

Pa tak ncꞌajakꞌaꞌ ja Pablo in Silas ejeꞌeꞌ quimajon rbanic oración in quimajon rbixaxic rubiꞌ ja Dios. Ja cꞌa juleꞌ chic preso ejeꞌeꞌ quimajon rcꞌaxaxic ja roración in bix.

Hechos 2:46

Kꞌij kꞌij ni nequimoloꞌ wiꞌ quiꞌ chipan ja nimlaj templo xin Dios, ejeꞌeꞌ xa jun quibanon. Neꞌewaꞌ pa tak cochoch, congana nequicoti, nojel quecꞌuꞌx nojel canma nquimaltioxij tre ja Dios.

Hechos 5:41

Xebe ja rapóstol, congana nequicoti como yataj chique chi quetij pokon pa rubiꞌ ja Jesucristo.

2 Corintios 6:10

Cꞌoli nokbisoni pro ja quicotemal xin Dios mta ariꞌ ja maquita cꞌo kuqꞌuin. Xa ok tak mebaꞌiꞌ pro e qꞌuiy ja reꞌocnak e biyomaꞌ rmal ja mebaꞌil xin Dios ja nkapaxij chiquewach. Xa kakꞌeten ti kakꞌaꞌ pro ni majun nak ta ja maquita kaxin. Nojel awaꞌ ja xinbij chewe riꞌ jariꞌ nkꞌalasan kaxin chi ni katzij wiꞌ chi ok ajsamajelaꞌ rxin ja Dios.

2 Tesalonicenses 2:16

Ja katataꞌ Dios congana nokrajoꞌ in rmal ja rutzil chijutij xyukbaꞌ kacꞌuꞌx in xuyaꞌ chake chi nokquicoti nkaybej más ja rutzil. Ja ngana anin ja kajaw Jesucristo in ja katataꞌ Dios nquiyukbaꞌ ta ecꞌuꞌx in nqueyaꞌ ta ewachokꞌakꞌ chipan ja utzlaj tzij ja remajon rbixic in tre nojel ja rutzil ja remajon rbanic.

Hebreos 10:34

Como ja xeqꞌuejeꞌ pa tak cheꞌ rumac ja Jesucristo xepokonaj quewach. In tok majtaj chewe ja mebaꞌil ma xepokonaj ta, xixquicoti. Como bien ewotak chi cꞌol emebaꞌil chilaꞌ chicaj ja más chi na utz ja ni mta wiꞌ qꞌuisic trij chewiꞌ tok xixquicoti.

Hebreos 6:18

Queriꞌ cꞌa xuban ja Dios, caꞌiꞌ ja xbij can, jun, cꞌoli ja xtzujuj in jun chic, cꞌo jun juramento xuban ja ncꞌutbej chi ni nuyaꞌ wiꞌ ja xtzujuj in ni mta wiꞌ qꞌuextajic trij awaꞌ ja caꞌiꞌ riꞌ ja xbij can como ja Dios mta moda xtutzꞌak ta juleꞌ tzij. Queriꞌ xuban pro kumal ajoj ja xokanmaj chwach ja il mac in xekatoꞌoꞌ kiꞌ ruqꞌuin. Queriꞌ xuban chi ryukbaxic kacꞌuꞌx utzcꞌa chi nyukeꞌe ja kacꞌuꞌx chijutij ruqꞌuin ja rtzujun can chake ja kayben camic.

1 Pedro 1:8

Ixix janila newajoꞌ ja Jesucristo masqui ma etzꞌaton ta rwach in ni yukul wiꞌ ecꞌuꞌx ruqꞌuin camic. Rmalariꞌ tok janila nixquicoti camic, yatajnak chewe ja nimlaj quicotemal xin chilaꞌ chicaj.