San Juan 16:20 - Tz'utujil (Ja Cꞌacꞌa Chominem)

²⁰ Ni katzij wiꞌ ja xtinbij chewe riꞌ, ixix nixokꞌ na, nixbison na pro ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ nequicot na. Pro masqui xquixbisoni pro jariꞌ bis chaka jalal tok xtocꞌowi in nwinakar chi na jun quicotemal pa tak ewanma.

Tz'utujil NT

²⁰ Ne ktzij wa' je xtenbij chewa, ixix nquixok' na nquixbison na per je wnak xruq'uin rwech ruch'lew ykul wa' quec'u'x arj-e' nquequicot na. Per mesque xquixbison na jara' bis chek q'uenjlal nq'uisa y nwanker na jun quicotemal rxin Dios ptak ewanm.

San Juan 16:20 Iomraidhean Croise

San Mateo 21:38

Pro ja rajchonlaꞌiꞌ ja tok xekaji ja ralcꞌwalaxel cuqꞌuin quewaꞌ quibij chibil tak quiꞌ riꞌ: —Jalaꞌ ja rachi leꞌ noc na pa rukꞌaꞌ ja rulew riꞌ como herencia. Camic kacamsaj in noc pa kakꞌaꞌ ajoj ja herencia rxin, xecheꞌe.

San Mateo 5:4

Congana quiꞌil chique ja winak ja netajini neꞌokꞌi in nebisoni, congana quiꞌil chique como nyukbax cꞌa quecꞌuꞌx ariꞌ.

Marcos 14:72

In chaka maril bitaj rmal ja tzij riꞌ xokꞌ chic jutij ja acꞌ. Cꞌacꞌariꞌ xurkaj tre ja Pedro ja bin tre rmal ja Jesús, quewaꞌ bin tre riꞌ: —Ja tok majaꞌn tokꞌ caꞌmul ja acꞌ, oxmul xtabij na chwe chi: —Anin ma wotak ta rwach ja Jesús, natcheꞌ na chwe. Queriꞌ ja bin tre. Ja cꞌa tok xumaj rchꞌobic ja bin tre rmal ja Jesús xumaj jun nimlaj okꞌej.

Marcos 16:10

Arjaꞌ be cuqꞌuin ja rachiꞌiꞌ ja nij etran wiꞌ trij ja Jesús tok majaꞌn ticami, nerbij chique chi cꞌastaji ja Jesús. Ja cꞌa tok xekaj cuqꞌuin congana bis okꞌej nqueban.

San Lucas 22:45

Ja cꞌa tok tzuri ja roración rmal yictaji in be cuqꞌuin ja rdiscípulo. Ja tok xekaj cuqꞌuin ekajnak chi waram como congana ecosnak rmal bis.

San Lucas 22:62

Cꞌacꞌariꞌ xelto, congana jun nimlaj bis okꞌej nuban.

San Lucas 23:27

Ja cꞌa Jesús congana e qꞌuiy ja winak etran trij in chakajaꞌ ecꞌo juleꞌ ixokiꞌ, ejeꞌeꞌ congana ncokꞌej rwach, congana nquibisoj.

San Lucas 24:17

Ja cꞌa Jesús quewaꞌ xbij chique riꞌ: —¿Nak cꞌa ja remajon rtzijoxic chibil tak ewiꞌ pa bey in nak tre ja tok nixbisoni? neꞌ chique.

San Lucas 24:21

Pro ja rajoj congana yukeꞌ kacꞌuꞌx ruqꞌuin chi arjaꞌ ntoꞌo kaxin ja rok aj Israel pa quekꞌaꞌ ja kacꞌulel pro camsaxi in cꞌuluto tuban oxiꞌ kꞌij ticamsaxi.

San Lucas 6:21

Ixix ja nkꞌakꞌan epan congana quiꞌil chewe como xquixnoj na chi utz. Ixix ja nixtajini nixokꞌi congana quiꞌil chewe como xquixtzeben na.

San Juan 16:33

Nojel awaꞌ ja xinbij chewe chipan awaꞌ jun tucwakꞌabil riꞌ utzcꞌa chi nyataj na chewe ja quicotemal xin Dios ja tok xa jun chic ebanon wqꞌuin. Ja chipan awaꞌ rwachꞌulew riꞌ congana rpokonal xtetij na pro quixquicoti como ja ritzelal rxin ja rwachꞌulew jariꞌ ni ma cowinnak ta wiꞌ chwij, nij anin wiꞌ inchꞌocmajnak. Queriꞌ xbij ja Jesús chique ja rdiscípulo.

San Juan 16:6

Pro ja rebanon, nojnak ja bis pa tak ewanma rmal ja xinbij chewe.

San Juan 20:20

Ja cꞌa tok bitaji tzij rmal cꞌacꞌariꞌ xucꞌut chiquewach ja pa rukꞌaꞌ in ja pa rupox chakajaꞌ. Congana xequicoti ja discípulo ja tok quetzꞌat chi ni katzij wiꞌ chi ja kajaw Jesús ja cꞌo cuqꞌuin.

Hechos 5:41

Xebe ja rapóstol, congana nequicoti como yataj chique chi quetij pokon pa rubiꞌ ja Jesucristo.

Romanos 5:11

In ma ruyon tariꞌ pro congana noktajini nokquicoti camic chakajaꞌ rumac ja xa jun kabanon chic ruqꞌuin ja Dios pro xa rumac ja kajaw Jesucristo tok banon queriꞌ chake como arjaꞌ tzursyon kaxin camic ruqꞌuin ja Dios.

2 Corintios 6:10

Cꞌoli nokbisoni pro ja quicotemal xin Dios mta ariꞌ ja maquita cꞌo kuqꞌuin. Xa ok tak mebaꞌiꞌ pro e qꞌuiy ja reꞌocnak e biyomaꞌ rmal ja mebaꞌil xin Dios ja nkapaxij chiquewach. Xa kakꞌeten ti kakꞌaꞌ pro ni majun nak ta ja maquita kaxin. Nojel awaꞌ ja xinbij chewe riꞌ jariꞌ nkꞌalasan kaxin chi ni katzij wiꞌ chi ok ajsamajelaꞌ rxin ja Dios.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

1 Tesalonicenses 1:6

Ja cꞌa rixix xecꞌam ja rejemplo kaxin ajoj, xecꞌam ja rejemplo rxin ja kajaw Jesucristo como queriꞌ xeban ixix ja caniꞌ kaban ajoj, xixquicoti chi rnimaxic ja rtzobal Dios masqui congana xetij rpokonal rmal. Katzij chi xixquicoti jariꞌ yatajnak chewe rmal ja rEspíritu Santo.

Santiago 1:2

Wachꞌalal, ja tok newil jeꞌe prueba chipan ja recꞌaslemal congana ta nixquicot rmal, ma quixbison ta.

Judas 1:24

Ja cꞌa Dios arjaꞌ bien ncowini nixrchajij utzcꞌa chi maquixkaj chipan ja il mac, arjaꞌ ncowini nuyaꞌ chewe chi nixpeꞌe chwach in majun nak ta nixchapbexi, ni chwach nixpeꞌe wiꞌ pa gloria in congana jun nimlaj quicotemal nyataj chewe rmal.

Apocalipsis 11:10

Ja recꞌo chwachꞌulew ejeꞌeꞌ congana nequicoti rmal ja xecamsaxi ja caꞌiꞌ testigo, nqueban nmakꞌij rmal in nqueyaꞌ regalo chibil tak quiꞌ. Queriꞌ xtiqueban como ja caꞌiꞌ profeta congana pokon quibanon chique ja recꞌo chwachꞌulew.

Apocalipsis 18:7

Como arjaꞌ congana nim nunaꞌ kaj como congana quicotnak kaj ruyon ruqꞌuin ja nimak tak mebaꞌil ja cꞌo ruqꞌuin, queriꞌ cꞌa tebanaꞌ ixix tre chakajaꞌ congana rpokonal in bis teyaꞌaꞌ tre. Queriꞌ ja neban tre como arjaꞌ quewaꞌ nbij kaj pa ranma riꞌ: —Waweꞌ intzꞌubul wiꞌ, inocnak reina pa quewiꞌ ja winak, anin ma in malcaꞌn ixok ta in ni majun nak ta xquinbison ta rmal, neꞌe.