San Juan 16:19 - Tz'utujil (Ja Cꞌacꞌa Chominem)

¹⁹ Ja cꞌa Jesús arjaꞌ rotak chi ncajoꞌ nquicꞌaxaj tre nak rbanic in xbij chique: —¿La jaꞌ necꞌwaxaj chibil tak ewiꞌ ja xinbij chewe chi xa jurata chic ninqꞌuejeꞌ checojol in maquinetzꞌat chic pro xa ma nim ta ja tiempo ja maquinetzꞌat cꞌacꞌariꞌ ninetzꞌat chi na jutij?

Tz'utujil NT

¹⁹ Ja' Jesús rutkin chic che ncajo' necc'axaj tzra nak rbanic tzij je nbij y xuya' rbeyal chquewech: —¿Ljara' newc'axaj chbil tak ewi' jxenbij chewa che xjurat chic quenc'je'a checjol y majo'n cnetz'et chic per mnim ta tiemp y cnetz'et na jmul chic?

San Juan 16:19 Iomraidhean Croise

San Mateo 6:8

Maxta queriꞌ teban ixix ja caniꞌ nqueban ejeꞌeꞌ como ja Tatixel ewxin arjaꞌ rotak chic nak ja ncꞌatzin chewe masqui majaꞌn tecꞌutuj tre.

San Mateo 9:4

Pro ja Jesús arjaꞌ bien rotak ja netajini nquechꞌob kaj pa tak canma in xbij chique: —¿Nak tre tok xa itzel ja nechꞌob kaj pa tak ewanma?

Marcos 9:32

Pro ja rejeꞌeꞌ ma xchꞌobtaj ta cumal ja xbij chique in xa nquixbej quiꞌ xtiquicꞌaxaj ta tre nak rbanic.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 16:16

Xa jurata chic ninqꞌuejeꞌ checojol in maquinetzꞌat chic pro xa ma nim ta ja tiempo ja maquinetzꞌat cꞌacꞌariꞌ ninetzꞌat chi na jutij. Queriꞌ nbij chewe como ninbe ruqꞌuin ja Tatixel. Queriꞌ xbij ja Jesús chique.

San Juan 16:18

¿Nak tibij cꞌawaꞌ ja nbij xa jurata? takaꞌan matichꞌobtaj kumal ja nbij, necheꞌe.

San Juan 16:23

Ja cꞌa tok xterilaꞌ riꞌ kꞌij tokoriꞌ ma rjawaxic chi ta chewe chi cꞌo chi ta xtecꞌwaxaj chi ta chwe. Ni katzij wiꞌ ja xtinbij chewe riꞌ, xa nak ta ja xtecꞌutuj tre ja Tatixel wi pa nubiꞌ anin necꞌutuj wi yukul ecꞌuꞌx wqꞌuin chi rcꞌutuxic arjaꞌ nuyaꞌ chewe.

San Juan 16:26

Ja cꞌa tok xterilaꞌ ja kꞌij tokoriꞌ tok pa nubiꞌ anin necꞌutuj tre ja Tatixel nak ja kas newajoꞌ. Pro ma rjawaxic ta ja kas ta na nbochiꞌij ja Tatixel chi nuyaꞌ chewe ja necꞌutuj tre.

San Juan 16:30

Ja camic bien chꞌobtajnak chic kumal chi atat nojel awotak, ma rjawaxic ta chawe chi nacꞌwaxaj ta na ja nkacꞌaxaj chawe como jariꞌ awotak chic tok majaꞌn tikacꞌaxaj chawe rmalcꞌariꞌ nkanimaj chi ruqꞌuin ja Dios atpenak wiꞌ, xecheꞌ tre.

San Juan 21:17

Pa roxmul cꞌaxax chic tre ja Pedro: —Simón ja rat rcꞌajol Jonás ¿la congana nel acꞌuꞌx chwij? neꞌxi rmal ja Jesús. Ja cꞌa Pedro arjaꞌ xumaj bis rmal ja cꞌaxax oxmul tre ja wi congana nel rucꞌuꞌx trij ja Jesús: —Wajaw, atat ni majun nak ta ja maquita awotak, awotak chi congana nel nucꞌuꞌx chawij, neꞌe ja Pedro tre. —Queꞌayukꞌuj cꞌa ja ncarnelo, neꞌe ja Jesús tre.

San Juan 6:61

Pro ja Jesús arjaꞌ bien rotak chi ejeꞌeꞌ quimajon rchꞌaꞌic ja xbij chique in xbij chic chique: —¿La pokon xenaꞌ ja tijonem ja cꞌa xinyaꞌ chewe riꞌ?

San Juan 7:33

Ja cꞌa Jesús arjaꞌ tzijon más cuqꞌuin ja winak, quewaꞌ xbij chic chique riꞌ: —Anin xa jun ti tiempo chic ninqꞌuejeꞌ checojol como ninmeloj ruqꞌuin ja rintakyonto.

Hebreos 4:13

Ja Dios ni majun nak ta ja rawatal ta chwach, nojel ncaꞌy wiꞌ, ni majun ja maquita nutzꞌat, chwach cꞌa nekajachaꞌ na wiꞌ cuenta.

Apocalipsis 2:23

Ja cꞌa xtinban chique ja ral jariꞌ nencamsaj in ja riglesia nojelal bien xtichꞌobtaj cumal chi anin nincowini ntzꞌat xa nak ta ja cꞌo pa tak quewiꞌ pa tak canma ja winak, ni majun awatal ta chinwach in anin nyaꞌ na rtojbalil chewe ja rebanon chejujunal, ja cꞌa rebanon jariꞌ ncꞌutuni janiꞌ ja rtojbalil ja xtinyaꞌ chewe.