San Juan 15:8 - Tz'utujil (Ja Cꞌacꞌa Chominem)

⁸ Ja wi buena nwachini ja rutzil xin Dios pa tak ecꞌaslemal jariꞌ nya̱ꞌ rukꞌij ja Nataꞌ cumal ja winak emwal in triꞌ nixtzꞌat wiꞌ chi ni katzij wiꞌ chi ix ndiscípulo.

Tz'utujil NT

⁸ We k'axnak wen nwachina utzil rxin Dios ptak ec'aslemal jara' nya'a ruk'ij Nedta' cmal wnak y tzra' nquixtz'e't wa' che ktzitzij wa' ix ndiscípulo.

San Juan 15:8 Iomraidhean Croise

San Mateo 5:16

In quirtacꞌariꞌ nuban ja luz ja cꞌo pa tak ewanma ixix chakajaꞌ, tisakirsaj quebey ja winak chiquewach utzcꞌa ja winak tok nquetzꞌat ja rutzil neban, ejeꞌeꞌ xtiqueyaꞌ ta rukꞌij ja Tatixel ewxin ja cꞌo chilaꞌ chicaj.

San Mateo 5:44

Pro ja ranin nbij chewe, queꞌewajoꞌ ja recꞌulel, ja tok ecꞌoli nebin itzel tak tzij chewe ja cꞌa rixix solo utzlaj tak tzij tebij chique, ja tok ecꞌoli ja xa itzel nixquetzꞌat ja cꞌa rixix solo utzil tebanaꞌ chique, ja tok ecꞌoli nixtzꞌujuwi nixyokꞌowi owi nqueban pokon chewe ja cꞌa rixix tebanaꞌ orar pa quicuenta.

San Mateo 9:8

Ja cꞌa winak ejeꞌeꞌ congana cꞌascꞌoꞌi quetzꞌat ja xuban ja Jesús in quemaj ryaꞌic rukꞌij ja Dios rmal. Como ja Dios arjaꞌ pa rukꞌaꞌ jun winak ryaꞌon wiꞌ jawaꞌ nimlaj poder ja quetzꞌat riꞌ chewiꞌ tok queyaꞌ rukꞌij.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

San Juan 13:35

Ja wi queriꞌ neban wi newajoꞌ ewiꞌ triꞌ cꞌa nixtzꞌa̱t wiꞌ cumal canojelal ja winak chi ni katzij wiꞌ chi ix ndiscípulo, neꞌe ja Jesús.

San Juan 15:5

Anin in rkan ja jun mocaj uva, ja cꞌa rixix ix tak rukꞌaꞌ. Xa nak ta chewe wi xa jun nuban wqꞌuin in wi anin xa jun nban ruqꞌuin jariꞌ junan ruqꞌuin ja rkꞌaꞌ uva ja buena nwachini. Queriꞌ nbij chewe como majun nak ta nixcowini neban ja wi ma jun ta neban wqꞌuin.

San Juan 8:31

Cꞌacꞌariꞌ xumaj tzij cuqꞌuin ja raj Israel ja yukeꞌ quecꞌuꞌx ruqꞌuin, quewaꞌ xbij chique riꞌ: —Ja wi xajutij nixqꞌuejeꞌ chipan ja ntzobal jariꞌ ni katzij wiꞌ chi ix ndiscípulo.

1 Corintios 10:31

Queriꞌ cꞌa rbanic wachꞌalal, ja tok cꞌoli waꞌim neban owi xa nak ta ja neban xarwariꞌ cꞌo ta rcꞌamonto tre ja xtiyabex rukꞌij ja Dios rmal.

1 Corintios 6:20

Queriꞌ nbij chewe como ja Dios arjaꞌ cꞌoli xutoj ja xixrlokꞌbej. Como ix rxin chic ja Dios rmalcꞌariꞌ nbij chewe, ja ta neban tre ja recuerpo xtoc ta yaꞌbal rukꞌij ja Dios in queriꞌ ta cꞌa neban tre ja respíritu ewxin chakajaꞌ como rxin Dios chi caꞌiꞌ.

Filipenses 1:11

Kas ta xtinoji pa tak ewanma nojel rwach ja rutzil xin Dios ja nyataj chake rmal ja Jesucristo, kas ta xtiyaꞌ rukꞌij ja Dios cumal winak emwal.

Tito 2:10

in chakajaꞌ ma quequilakꞌaj ta. Utz tiquibanaꞌ tre nojelal utzcꞌa ja quipatrón cꞌo quiconfianza cuqꞌuin. Ja wi queriꞌ nqueban cumal ejeꞌeꞌ canojel ja winak utz nquetzꞌat ja rtzobal Dios, arjaꞌ Toꞌonel kaxin.

Tito 2:5

bien nquechꞌob ja nqueban, mchita jun achi nquechꞌob, nquichajij chi utz ja tak cochoch, nequetoꞌ ja winak ja cꞌo rjawaxic chique in nequinimaj ja quichajilal utzcꞌa chi matiqueyaꞌ lugar chique winak chi itzel netzijon tre ja rtzobal Dios.

1 Pedro 2:12

Ja neban, tecꞌutuꞌ ja rewutzil chiquewach ja winak ja ma cotak ta rwach ja Dios. Ejeꞌeꞌ xa nquemol tzij chewij camic in nquibij chewe chi ix itzel tak winak pro nquetzꞌat na ja rutzil neban in rmalariꞌ ja tok nqueyaꞌ na rukꞌij ja Dios tok xturbanaꞌ jun nimlaj samaj chiquicojol.

1 Pedro 4:11

Ecꞌoli chewe quicochin tre ja Dios chi necowini nqueyaꞌ mensaje, kas turkaj chique chi rtzobal Dios ja nquecoj, ma quinaꞌoj ta winak ja nquecoj. In chakajaꞌ ecꞌoli ja yatajnak chique chi necowini nequetoꞌ winak, kas turkaj chique chi ja Dios arjaꞌ yoyon chique chi necowini nequetoꞌ. Rmal ja Jesucristo chewiꞌ tok qꞌuiy rwach ja yatajnak chewe ja recochin tre ja Dios, tebanaꞌ cꞌa nojelal chi nyabex rukꞌij. Ni ta xtiyaꞌ wiꞌ rukꞌij, ni ta xtinatax wiꞌ chi pa rukꞌaꞌ cꞌo wiꞌ nojelal camic, chwak in chijutij. Amén.