San Juan 15:5 - Tz'utujil (Ja Cꞌacꞌa Chominem)

⁵ Anin in rkan ja jun mocaj uva, ja cꞌa rixix ix tak rukꞌaꞌ. Xa nak ta chewe wi xa jun nuban wqꞌuin in wi anin xa jun nban ruqꞌuin jariꞌ junan ruqꞌuin ja rkꞌaꞌ uva ja buena nwachini. Queriꞌ nbij chewe como majun nak ta nixcowini neban ja wi ma jun ta neban wqꞌuin.

Tz'utujil NT

⁵ Anen en rkan jumlaj uva, ixix ix ruk'a'. Chka bechnak chewa xjun nuban wq'uin y anen xjun quenban ruq'uin jara' junam ruq'uin ruk'a' uva congan nwachina. Cara' quenbij chewa com majo'n achnak nquixecwina neban we mjun ta neban wq'uin.

San Juan 15:5 Iomraidhean Croise

San Mateo 13:21

Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo ja tok nmajtaj rbanic pokon chique ja winak rmal ja rtzobal Dios ejeꞌeꞌ chanim nqueyaꞌ can.

San Juan 12:24

Ni katzij wiꞌ ja xtinbij chewe ja ncꞌambej tzij chewach riꞌ. Ja jun chirwach trigo ja wi napokonaj namuk pa tokꞌulew jariꞌ majun nelto in majun cosecha nuyaꞌ pro ja wi matapokonaj namuk pa tokꞌulew jariꞌ nelto in congana rwach nuyaꞌ.

San Juan 15:16

Ma ixix ta xixcanon wxin, ja xinban, anin xincanon ewxin chi xixoc apóstol, xinbij chewe chi nixbe nebanaꞌ ja nsamaj. Queriꞌ xinban chewe utzcꞌa chi ja samaj ja nebanaꞌ cꞌoli ja rutzil xin Dios nwachij utzcꞌa chi ja rutzil ja newachij jariꞌ mta qꞌuisic trij. Queriꞌ rbanic utzcꞌa ja Tatixel arjaꞌ nuyaꞌ na chewe xa nak ta necꞌutuj tre ja wi yukul ecꞌuꞌx wqꞌuin chi rcꞌutuxic.

San Juan 5:19

Cꞌacꞌariꞌ ja Jesús xbij chique: —Ni katzij wiꞌ ja xtinbij chewe riꞌ, ja Ralcꞌwalaxel arjaꞌ mta moda ja chaka ta ruyon xtuban kaj ja cꞌo rgana nuban, ni ja wiꞌ ja rejemplo rxin ja Tatixel nucꞌam. Caniꞌ nuban ja Tatixel jariꞌ nban anin chakajaꞌ ja rin Alcꞌwalaxel.

San Juan 9:33

Ja Jesús wixta ma in Dios ta penak wiꞌ ni ta cꞌa majun nak ta ncowini nuban ariꞌ, queriꞌ xbij ja rachi.

Hechos 4:12

Solo ruqꞌuin ja Jesús nkawil wiꞌ ja totajem xin Dios, ni majun nak chi ta rtakonto ja Dios waweꞌ chwachꞌulew ja ntoꞌo kaxin, neꞌe ja Pedro.

Romanos 12:5

In queriꞌ cꞌa chake ajoj chakajaꞌ ja rok xin Jesucristo, ok qꞌuiy pro xa jun cuerpo kabanon kanojelal, ok cuerpo rxin ja Cristo, xa jun kabanon, kayuklaꞌon kiꞌ chibil tak kiꞌ.

Romanos 6:22

Pro ja camic ixwasanel chic libre pa rukꞌaꞌ ja il mac, Dios chic ja rewajaw in ja nechꞌec trij jariꞌ jun chꞌajchꞌojlaj cꞌaslemal. Jariꞌ chipan ja utzlaj cꞌaslemal natrucꞌamel wiꞌ pro jun cꞌaslemal ja ni mta wiꞌ qꞌuisic trij.

Romanos 7:4

In caniꞌ nuban ja rixok tok noc pa rcuenta jun chic achi queriꞌ cꞌa chewe ixix chakajaꞌ wachꞌalal, xixcam chwach ja ley utzcꞌa chi xixoc chic pa rcuenta ja Jesucristo. Rumac ja rcuerpo ja Cristo tok rip chwa cruz chewiꞌ tok xixcam chwach ja ley in xixoc chic pa rcuenta ja Jesucristo ja cꞌastajnak chic chiquicojol ja camnakiꞌ. Queriꞌ cꞌa kabanon utzcꞌa chi qꞌuiy rwach ja rutzil xtikaban ja caniꞌ najoꞌx chake rmal ja Dios chi nkaban.

1 Corintios 10:16

Ja tok nkanataj rcamic ja Cristo cꞌo jun vaso vino nkamaltioxij tre ja Dios in nkatij. Ja tok nkatij ¿la ma jun ta cꞌariꞌ nkaban ruqꞌuin ja Cristo nechꞌob ixix? como ja vino jariꞌ rquiqꞌuel. In chakajaꞌ cꞌoli ja caxlanway nkawechꞌ in nkatij. Ja tok nkatij ¿la ma jun ta cꞌariꞌ nkaban ruqꞌuin ja Cristo nechꞌob ixix chakajaꞌ? como ja caxlanway jariꞌ rcuerpo.

1 Corintios 12:12

Caniꞌ rbanic ja racuerpo qꞌuiy rwach rcꞌan como cꞌo rukꞌaꞌ, cꞌo rkan, cꞌo parwach pro xa jun cuerpo rbanon. Nojel ja rcꞌan ja racuerpo masqui qꞌuiy rwach pro xa jun cuerpo rbanon. In queriꞌ cꞌa rbanic ja Cristo chakajaꞌ, masqui ok qꞌuiy ja yukul kacꞌuꞌx ruqꞌuin pro xa jun kabanon ruqꞌuin.

1 Corintios 12:27

Ja cꞌa rixix ix cuerpo rxin ja Cristo, ix miembro chejujunal rxin ja rcuerpo.

2 Corintios 13:8

Queriꞌ nbij chewe como ajoj mta moda ja cꞌo ta xtikaban ja matucꞌam riꞌ ruqꞌuin ja utzlaj tzij xin Jesucristo pro solo ja nucꞌam riꞌ ruqꞌuin jariꞌ nkaban.

2 Corintios 9:10

Ja Dios arjaꞌ nyowi ja rijaꞌtz chique ja re ticol tak tijcoꞌm, arjaꞌ nyowi kaway. Ja mismo Dios arjaꞌ xtiyoꞌ chewe ja mebaꞌil ja neꞌetobej ja cꞌo rjawaxic chique in nqꞌuiyirsaj na más chewach. Arjaꞌ nsamaj na chipan ja rutzil ja neban ixix in tok xtiqꞌuiswani más chi na nwachini ja rutzil rmal.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Efesios 5:9

Queriꞌ nbij chewe como ja luz ja cojon pa tak kanma rmal ja rEspíritu Santo quewaꞌ rcꞌamonto riꞌ, nojel rwach ja rutzil nkaban rmal, ni rubey wiꞌ ja nkaban in ni katzij wiꞌ ja nkabij.

Filipenses 1:11

Kas ta xtinoji pa tak ewanma nojel rwach ja rutzil xin Dios ja nyataj chake rmal ja Jesucristo, kas ta xtiyaꞌ rukꞌij ja Dios cumal winak emwal.

Filipenses 4:13

Ja Cristo arjaꞌ nyowi wachokꞌakꞌ in rmalariꞌ nojel nincowini ncochꞌ xa nak ta npi chwij.

Filipenses 4:17

Pro ma ayuda ta tzꞌel nwach trij pro ja kas ngana anin Dios ta xtiyoꞌ chewe jun nimlaj rtojbalil rmal ja rutzil xeban chwe.

Colosenses 1:10

Xtewcꞌaj ta jun utzlaj cꞌaslemal como ni yatal wiꞌ chakij chi queriꞌ nkaban ja tok kaniman chic ja kajaw Jesucristo. Xtewcꞌaj ta jun cꞌaslemal ja congana utz ntzꞌa̱t rmal ja Dios, jun cꞌaslemal ja nwinakarsaj nojel rwach ja rutzil. Kꞌij kꞌij ni ta xtewotakij wiꞌ más janiꞌ rnaꞌoj ja Dios.

Colosenses 1:6

Jawaꞌ utzlaj tzij riꞌ ekajnak chic rbixic ewqꞌuin in benak nat nakaj chakajaꞌ nojel rwachꞌulew, congana utzil ntajini nwinakarsaj pa tak canma ja winak in e qꞌuiy ja netajini nquinimaj. Queriꞌ rbanon ja utzlaj tzij checojol ixix chakajaꞌ, congana utzil rwinakarsanto checojol, tokoriꞌ xumajto ja tok kas xecꞌwaxaj nabey ja utzlaj tzij tok chꞌobtaj emwal chi utz ja kas mero rubey ja rutzil ja nsipax chake rmal ja Dios.

Santiago 1:17

ja Dios ni ruyon wiꞌ utzil ja nuyaꞌto. Xa nak ta rutzil nkacochij, xa nak ta ja nsipax chake ja majun itzelal rcꞌan jariꞌ chilaꞌ chicaj npi wiꞌ, ja katataꞌ Dios arjaꞌ ntakoto. Ja luz ruqꞌuin ja Dios npi wiꞌ nojelal caniꞌ tre kꞌij, icꞌ in chꞌumil, in arjaꞌ mta jutij xtiqꞌuextaj ta, ni utz wiꞌ ja nuban, ni mta wiꞌ kꞌekumal rcꞌan.

1 Pedro 2:4

In kꞌij kꞌij tiyukeꞌ más ecꞌuꞌx ruqꞌuin ja Jesucristo ja Yoꞌl cꞌaslemal. Arjaꞌ ocnak caniꞌ jun abaj ja cojon rmal ja Dios chi rbanic jun templo espiritual. Ja winak xa mta quigana ruqꞌuin pro arjaꞌ chaꞌon rmal ja Dios in congana nim rukꞌij ntzꞌa̱t rmal. In ixix chakajaꞌ ixocnak ix caniꞌ juleꞌ abaj ixcojon rmal ja Dios chi rbanic ja templo.

2 Pedro 3:18

Pro ja neban, ni ta xtiqꞌuiy wiꞌ más ja rutzil xin Dios pa tak ewanma, ni ta xtewotakij wiꞌ más janiꞌ rnaꞌoj ja kajaw Jesucristo ja Toꞌonel kaxin. Arjaꞌ ni ta xtiyaꞌ wiꞌ rukꞌij camic, chwak in chijutij. Amén.