San Juan 15:27 - Tz'utujil (Ja Cꞌacꞌa Chominem)

²⁷ Ja cꞌa rixix chakajaꞌ nekꞌalasaj na chiquewach ja winak nak inocnak wiꞌ como ixix nij ixcꞌo wiꞌ wqꞌuin ja tok xinmajto ja nsamaj.

Tz'utujil NT

²⁷ Chka' ixix nek'alsaj na chquewech wnak nak nbanic anen com ixix ixc'ola wq'uin tak xenmaj ta nsamaj.

San Juan 15:27 Iomraidhean Croise

Marcos 1:1

Quewaꞌ rbanic ja tok majtaj rkꞌalasaxic ja utzlaj tzij ja nucꞌut chikawach nak rbanic ja Jesucristo ja Ralcꞌwal Dios.

San Lucas 24:48

Ixix etzꞌaton nojel awaꞌ ja cꞌa xinbij chewe riꞌ, ixix nixkꞌalasan na chiquewach ja winak.

San Juan 19:35

Jawaꞌ ja bantaji riꞌ anin xintzꞌat ruqꞌuin nwach in ja xintzꞌat jariꞌ nyaꞌon chic rbixic in bien wotak chi ni katzij wiꞌ in camic nbij chic chewe utzcꞌa chi nenimaj ixix chakajaꞌ.

San Juan 21:24

Jariꞌ mismo discípulo arjaꞌ ntajini nkꞌalasaj nojel awaꞌ ja bantaji riꞌ, arjaꞌ tzꞌibyon nojel ja cꞌo chipan awaꞌ jun libro riꞌ in bien kotak chi ni katzij wiꞌ ja nbij.

Hechos 1:8

Pro ja tok xtikajto ja rEspíritu Santo ewqꞌuin tokoriꞌ cꞌoli poder xin Dios ja xtecochij tre. Tokocꞌariꞌ nixbe in nemaj rbixic chique ja winak nojel ja retzꞌaton in nojel ja recꞌwaxan ja xinban chewach. Nemajel rbixic pa Jerusalén in nixbe chi rbixic chipan nojel tinamit ja cꞌo pa rcuenta Judea in nixbe chi rbixic chipan ja departamento Samaria chakajaꞌ. Cꞌacꞌariꞌ nixbe chi rbixic nojel nat nakaj tre ja rwachꞌulew, neꞌe ja Jesús chique.

Hechos 13:31

Ja cꞌa tok cꞌastajnak chic qꞌuiylaj kꞌij qꞌuejeꞌ chi na cuqꞌuin juleꞌ discípulo, ejeꞌeꞌ riꞌ ja xerachbilajel ja tok xeꞌelel pa Galilea in xebe pa Jerusalén in camic quimajon rbixic chique winak nojel ja quitzꞌaton tre rcꞌaslemal ja Jesús.

Hechos 18:5

Ja cꞌa Silas rachbil Timoteo ejeꞌeꞌ xeꞌelel ja pa Macedonia, xebe ruqꞌuin ja Pablo. Ja cꞌa Pablo ja tok xeꞌekaj ruqꞌuin xajutij xumaj rbixic ja rtzobal Dios, xuchꞌob chiquewach ja rach tak aj Israel chi ja Jesús arjaꞌ ja Cristo ja chaꞌon rmal ja Dios.

Hechos 23:11

Ja cꞌa chi rcab akꞌaꞌ peꞌi ja kajaw Jesucristo pa rxquin ja Pablo in quewaꞌ xbij tre riꞌ: —Pablo, ma ticapuj ta acꞌuꞌx como natbe na pa Roma chi nayaꞌaꞌ nbixic chilaꞌ ja caniꞌ abanon waweꞌ pa Jerusalén, neꞌ tre.

Hechos 3:15

Xecamsaj ja Jesús ja Yoꞌl cꞌaslemal pro ja Dios arjaꞌ xuyaꞌ tre chi cꞌastaji chiquicojol camnakiꞌ. Jariꞌ katzꞌat ruqꞌuin kawach in kamajon rbixic camic.

Hechos 4:20

Ajoj mta moda ja maquita xtikayaꞌ rbixic ja katzꞌaton in ja kacꞌaxan, xecheꞌ chique.

Hechos 4:33

Ja rapóstol kꞌij kꞌij ni nqueyaꞌ wiꞌ rbixic ja quitzꞌaton tre ja rcꞌastajic ja Jesús, congana poder xin Dios cꞌo cuqꞌuin in cꞌoli ja rutzil xin Dios pa quewiꞌ canojelal.

1 Pedro 5:1

Camic nwajoꞌ nintzijon cuqꞌuin ja recꞌayon quixin ja kachꞌalal ja recꞌo checojol como anin jun in cachbil. Anin xintzꞌat nojel ja rpokonal ja xutij ja Cristo. In anin jun chakajaꞌ xquintzꞌatowi ja Jesucristo ja tok xtipi chic jutij tokoriꞌ tok nkꞌalajin na chi congana nim rukꞌij.

1 Pedro 5:12

Ja kachꞌalal Silvano cꞌo nconfianza ruqꞌuin rmalariꞌ tok nyaꞌel tre ja ti carta riꞌ chi nerjachaꞌ chewe. Ja xintzꞌibaj chipan ja carta chi ncowirsaj más ja rewanma, nucꞌut chewach ja rutzil ja nsipaj ja Dios ja katzij chi utzil, ni tiyukeꞌ wiꞌ ecꞌuꞌx ruqꞌuin.

1 Juan 4:14

In ajoj chakajaꞌ katzꞌat rwach ja Jesucristo ja Ralcꞌwal Dios in nkayaꞌ rbixic chi arjaꞌ takto rmal ja Tatixel, xoc Toꞌonel kaxin kanojelal ja rok winak.

Apocalipsis 1:2

Anin nyaꞌon testigoꞌil trij ja rtzobal Dios, nyaꞌon testigoꞌil trij ja kꞌalasan rmal ja Jesucristo, nojel ja xintzꞌat nyaꞌon testigoꞌil trij.

Apocalipsis 1:9

Anin in Juan, in ewachꞌalal, in ewachbil chi rtijic ja rpokonal, in ewachbil chipan ja gobierno xin Dios, in ewachbil chi rcochꞌic nojel ja npi chakij rmal ja xa jun kabanon ruqꞌuin ja Jesucristo. Ja tok kꞌalasax chinwach ja xtintzꞌibaj chewe riꞌ tokoriꞌ tok xinqꞌuejeꞌ chipan ja lugar Patmos ja cꞌo pa mar. Rumac ja rtzobal Dios in rumac ja nyaꞌon rbixic ja Jesucristo chewiꞌ tok xinqꞌuejeꞌ triꞌ.