San Juan 15:2 - Tz'utujil (Ja Cꞌacꞌa Chominem)

² Arjaꞌ nkupijel ja rkꞌaꞌ uva nojelal ja mta rwach nuyaꞌ, ejeꞌeꞌ cꞌariꞌ ja winak ja chaka ecꞌoloc wqꞌuin. Pro ja rkꞌaꞌ uva ja nwachini jariꞌ njoskꞌix rmal ja Nataꞌ utzcꞌa chi nwachin más.

Tz'utujil NT

² Arja' nch'upuj ela njelal ruk'a' uva jmajo'n rwech nuya' ta. Per jruk'a' uva je nwachina jara' njosk'ixa rmal Nedta' ch-utz c'ara' che nwachina más.

San Juan 15:2 Iomraidhean Croise

San Mateo 13:12

Queriꞌ nbij chewe como ja winak ja cꞌo jeꞌe yatajnak chique ejeꞌeꞌ nyataj na más chique in tok nqꞌuiswani nuban qꞌuiy cuqꞌuin. Pro ja cꞌa winak ja mta yatajnak chique pro nquechꞌob chi cꞌoli jariꞌ nlasax chique.

San Mateo 13:33

In cꞌo chic jun ja cꞌambal tzij xbij chique quewariꞌ: —Ja gobierno xin chilaꞌ chicaj queriꞌ rbanic caniꞌ nuban juleꞌ levadura ja nsapoji caxlanway rmal in cꞌo jun ixok xucꞌam, xuyaꞌ chipan juleꞌ kꞌor, oxiꞌ pajbal harina ocnak. Ja cꞌa tok qꞌuiswani ja levadura mta ja maquita xekaj wiꞌ tre ja kꞌor, congana samaj chipan. Queriꞌ ja cꞌambal tzij xbij chique.

San Mateo 15:13

In bix chique rmal ja Jesús: —Ja tijonem, xa nak ta chi tijonemal, ja Nataꞌ ja cꞌo chilaꞌ chicaj wi ma arjaꞌ ta ticyon rxin jariꞌ tijonem xa nyoji caniꞌ nba̱n tre kꞌayis xa nboki.

San Mateo 21:19

In xutzꞌat pon jun mocaj higuera, chinakaj chiꞌ bey tiquil wiꞌ in be ruqꞌuin. Ja cheꞌ ni majun rwach, xa ruyon ruxak in rmalcꞌariꞌ tok ja Jesús quewaꞌ xbij tre ja cheꞌ riꞌ: —Majutij xcatwachin ta, neꞌ tre, in jariꞌ hora chakiji ja cheꞌ.

San Mateo 25:29

Queriꞌ neban tre como ja winak ja cꞌo jeꞌe yatajnak chique in wi nquisamajij jariꞌ xa janiꞌ nyataj más chique in tok xtiqꞌuiswani congana nqꞌuiyi, nuban qꞌuiy cuqꞌuin. Pro ja winak ja matiquisamajij ja yatajnak chique ejeꞌeꞌ nlasax chique ja yatajnak chique.

San Mateo 3:10

In chakajaꞌ ja camic riꞌ xa nakaj cꞌoto chi wiꞌ ja juicio xin Dios caniꞌ rbanic jun iquiaj chomin chic xajalal majaꞌn tichoy juleꞌ cheꞌ tre. Ja cꞌa cheꞌ ja mta utz rwach nuyaꞌ jariꞌ nchoyi nojelal in nporox pa kꞌakꞌ.

San Mateo 3:12

Arjaꞌ rchomin chic riꞌ chi nerpartiꞌij ja re utz chiquicojol ja ma e utz ta caniꞌ nuban jun achi nuqꞌuiak rwach trigo tre pala, npartiꞌij ja trigo chipan ja rmukal. Cꞌacꞌariꞌ nucꞌol ja trigo chipan ja rcꞌolibal pro ja rmukal nporoj pa kꞌakꞌ pro jariꞌ kꞌakꞌ mta chupic trij. Queriꞌ xbij ja Juan chique.

San Mateo 7:19

Nojel ja cheꞌ ja ma utz ta rwach nuyaꞌ jariꞌ nchoyi in nporox pa kꞌakꞌ.

Marcos 4:20

Pro ja cꞌa rijaꞌtz ja kaj pan utzlaj ulew jariꞌ tibij tzij chi ecꞌoli winak ja nquicꞌaxaj ja rtzobal Dios in nquinimaj in cꞌoli rwach nuyaꞌ pa tak canma. Ejeꞌeꞌ e caniꞌ juleꞌ chirwach ijaꞌtz cꞌoli xuyaꞌ treinta, cꞌoli xuyaꞌ sesenta in cꞌoli xuyaꞌ jun ciento. Queriꞌ xbij ja Jesús chique.

San Lucas 8:13

Ja kaji ja bar cꞌo wiꞌ abaj jariꞌ tibij tzij chi ecꞌoli winak ja nquicꞌaxaj ja rtzobal Dios in nquinimaj, congana nequicot rmal. Pro ejeꞌeꞌ e caniꞌ juleꞌ tijcoꞌm ja mta rcꞌamal, xa ti jurata nquinimaj. Ja cꞌa tok xterilaꞌ ja cꞌayewalaj tiempo xa nqueyaꞌ can.

San Juan 15:1

Cꞌacꞌariꞌ xcꞌambej tzij chiquewach, quewaꞌ xbij chique riꞌ: —Wqꞌuin anin nelto wiꞌ ja cꞌaslemal ja katzij chi cꞌaslemal, anin in junan ruqꞌuin ja rkan jun mocaj uva. Ja cꞌa Nataꞌ arjaꞌ junan ruqꞌuin ja nbano cuenta ja uva in njoskꞌij.

San Juan 15:16

Ma ixix ta xixcanon wxin, ja xinban, anin xincanon ewxin chi xixoc apóstol, xinbij chewe chi nixbe nebanaꞌ ja nsamaj. Queriꞌ xinban chewe utzcꞌa chi ja samaj ja nebanaꞌ cꞌoli ja rutzil xin Dios nwachij utzcꞌa chi ja rutzil ja newachij jariꞌ mta qꞌuisic trij. Queriꞌ rbanic utzcꞌa ja Tatixel arjaꞌ nuyaꞌ na chewe xa nak ta necꞌutuj tre ja wi yukul ecꞌuꞌx wqꞌuin chi rcꞌutuxic.

San Juan 15:3

Pro ja rixix ixjoskꞌin chic como nojel ja tzij xinbij chewe jariꞌ xixjoskꞌbexi.

San Juan 15:6

Ja winak ja ma jun ta nqueban wqꞌuin queriꞌ nba̱n na chique ja caniꞌ nba̱n tre ja rkꞌaꞌ uva, nkupixel in nchakiji cꞌacꞌariꞌ nmo̱l ruchiꞌ in nporox pa kꞌakꞌ.

San Juan 15:8

Ja wi buena nwachini ja rutzil xin Dios pa tak ecꞌaslemal jariꞌ nya̱ꞌ rukꞌij ja Nataꞌ cumal ja winak emwal in triꞌ nixtzꞌat wiꞌ chi ni katzij wiꞌ chi ix ndiscípulo.

San Juan 17:12

Anin tok xinqꞌuejeꞌ cuqꞌuin waweꞌ chwachꞌulew pan abiꞌ atat xenuban cuenta, majun nak ta chique xtzꞌilaꞌ ta riꞌ, xa jun chique ja xtzꞌilaꞌ riꞌ pro jariꞌ ja ni yatal wiꞌ trij chi nutij pokon chipan ja juicio. Queriꞌ xuban utzcꞌa chi nbantaj cumplir ja tzꞌibtal can ojer chipan ja rtzobal Dios.

Romanos 11:17

Ecꞌo juleꞌ chique ja tinamit Israel ja xeya̱ꞌ can rmal ja Dios, ban chique e caniꞌ rukꞌaꞌ jun cheꞌ olivo pro juleꞌ rukꞌaꞌ ja chꞌakixto. Ja cꞌa rixix ja ma ix aj Israel ta ix caniꞌ rukꞌaꞌ jun chic cheꞌ olivo pro jun cheꞌ ja ma ticon ta, jun cheꞌ ja xa ruyon penak. Ja xuban ja Dios chewe, xixrucoj como ix cachbil ja tinamit Israel ja ma xeruyaꞌ can ta, caniꞌ xixruban ingertar ruqꞌuin jun cheꞌ olivo pro jun cheꞌ arjaꞌ ticyon in camic xa jun chic ebanon cuqꞌuin ja tinamit Israel chi rtijic ja utzlaj cꞌaslemal ja penak ruqꞌuin ja rcꞌamal jawaꞌ cheꞌ riꞌ.

Romanos 11:22

Bien mpeꞌ techꞌoboꞌ janiꞌ rnaꞌoj ja Dios, bien rotak nuyaꞌ ja rutzil chawe pro bien rotak natruban castigar chakajaꞌ. Arjaꞌ xeruban castigar ja ma xeniman ta rxin pro xuyaꞌ ja rutzil chewe ixix in ni nuyaꞌ wiꞌ ja rutzil chewe ja wi ma xteyaꞌ can ta ja yukulbal ecꞌuꞌx ruqꞌuin ja Jesucristo. Nowi xteyaꞌ can jariꞌ nixrchꞌakijto ixix chakajaꞌ.

Romanos 8:28

Ja cꞌa rajoj bien kotak chi ja Dios nsamaj chipan xa nak ta nkawil jeꞌe chipan ja kacꞌaslemal, arjaꞌ nchomarsaj nojelal ja nkawil utzcꞌa chi cꞌol utzil rcꞌamonto chake. Queriꞌ nuban chake ja wi nkajoꞌ ja Dios in wi oksiqꞌuin rmal chi kawilon ja totajem ja rchomarsanto ojer.

1 Corintios 13:1

Anin wixta ni ta majun tzobal ja maquita nincowini nintzijon chipan, wi tzobal quixin winak owi tzobal quixin ángel chakajaꞌ pro wi mta ja rajoben riꞌil xin Dios nsamaji pa ncꞌaslemal jariꞌ xa junan ninel ruqꞌuin jun chꞌichꞌ tok nkꞌomaxi ja xa mta rcꞌamonto rukul ncꞌaxaxi.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 12:15

Tebanaꞌ jutzꞌit cuenta ewiꞌ, maxta cꞌo jun chewe tuyaꞌ can ja rutzil ja nsipaj ja Dios chake. Maxta cꞌo jun chewe tiyictaji checojol xqueruyoj ta ja juleꞌ chic caniꞌ nuban ja ritzel kꞌayis tok npeti ncamsaj ja tijcoꞌm.

1 Juan 2:19

Ejeꞌeꞌ riꞌ winak ja xeꞌelel chikacojol in xokqueyaꞌ can, bien kꞌalaj chi ma e kachbil ta. Ja wixta e kachbil maquita xokqueyaꞌ can ariꞌ. Ma chaka ta xeꞌeli, triꞌ ntzꞌa̱t wiꞌ chi ni majun chique kachbil ta.

Apocalipsis 3:19

Canojel ja winak ja nenwajoꞌ ejeꞌeꞌ riꞌ nchꞌaꞌ chique ja ritzelal nqueban in nenuban castigar. Quixmakꞌeꞌ cꞌa tre ja recꞌaslemal in teqꞌuexaꞌ ja renaꞌoj.