San Juan 15:19 - Tz'utujil (Ja Cꞌacꞌa Chominem)

¹⁹ Ja wixta ix cachbil ja winak ja xa ruqꞌuin rwachꞌulew yukul wiꞌ quecꞌuꞌx jariꞌ lokꞌ ta nixquenaꞌ ariꞌ. Pro jariꞌ ma ix cachbil ta como anin xixnuchaꞌ chiquicojol in xixnpartiꞌij rmalcꞌariꞌ tok itzel nixquetzꞌat.

Tz'utujil NT

¹⁹ Wext ix quexbil wnak je ykula quec'u'x ruq'uin rwech ruch'lew jara' kas ta nquixclok'k'oj ta, per mix quexbil ta com anen xench-owa ewxin chquecjol y xixnyonaj rmal c'ara' kas itzel nquixquetz'et.

San Juan 15:19 Iomraidhean Croise

San Mateo 10:22

Ja cꞌa rixix xa itzel nixtzꞌat na cumal canojel ja winak pro mwal anin ja tok xtiban queriꞌ chewe. Pro canojel ja xtiquecochꞌ quewach chipan ja rpokonal in ni matiqueyaꞌ can wiꞌ ja yukulbal quecꞌuꞌx wqꞌuin ejeꞌeꞌ riꞌ nquewil na ja totajem xin Dios.

San Mateo 24:9

Ja cꞌa rixix nixjach na pa quekꞌaꞌ winak chi nba̱n pokon chewe in nixcamsax na. Xa itzel nixtzꞌat na cumal ja winak ja recꞌo nojel tak nación pro mwal anin ja tok xtiban queriꞌ chewe.

San Lucas 6:32

Como ja wi ixix xa queyon lokꞌ neꞌenaꞌ ja lokꞌ ixquinaꞌon ixix ¿la cꞌo ta cꞌa jun premio xin Dios ariꞌ nyataj chewe nechꞌob ixix? Como ja ritzel tak winak ejeꞌeꞌ chakajaꞌ lokꞌ nequenaꞌ ja neꞌajoꞌn quixin.

San Juan 13:18

Pro ma ewanojelal ta ja quiꞌil chewe como anin wotak janiꞌ enaꞌoj ja rixnchaꞌon. In ni rjawaxic wiꞌ chi nbantaj na cumplir ja tzꞌibtal can chwe ojer chipan ja rtzobal Dios, quewaꞌ nbij riꞌ: —Cꞌo jun xinwachbilaj chi waꞌim jariꞌ xoc ncꞌulel, yictaj chwij. Queriꞌ tzꞌibtal can.

San Juan 15:16

Ma ixix ta xixcanon wxin, ja xinban, anin xincanon ewxin chi xixoc apóstol, xinbij chewe chi nixbe nebanaꞌ ja nsamaj. Queriꞌ xinban chewe utzcꞌa chi ja samaj ja nebanaꞌ cꞌoli ja rutzil xin Dios nwachij utzcꞌa chi ja rutzil ja newachij jariꞌ mta qꞌuisic trij. Queriꞌ rbanic utzcꞌa ja Tatixel arjaꞌ nuyaꞌ na chewe xa nak ta necꞌutuj tre ja wi yukul ecꞌuꞌx wqꞌuin chi rcꞌutuxic.

San Juan 6:70

Ja cꞌa Jesús xbij chic chique: —Ix cablajuj ja rixnchaꞌon pro cꞌo jun chewe ja xa ucꞌan rmal ja diablo, neꞌe.

Santiago 4:4

Xa más na yukul ecꞌuꞌx ruqꞌuin ja ntzujuj ja rwachꞌulew chwach ja nyukeꞌ ecꞌuꞌx ruqꞌuin ja Dios. ¿La ma ewotak ta cꞌa nak rcꞌamonto ja tok yukul ecꞌuꞌx ruqꞌuin ja ntzujuj ja rwachꞌulew? Ja tok queriꞌ neban jariꞌ xa necꞌullaꞌaj ja Dios. Ja winak ja ncajoꞌ nyukeꞌ quecꞌuꞌx ruqꞌuin ja rwachꞌulew xa nak ta chi winakil ejeꞌeꞌ neꞌoc rcꞌulel ja Dios.

1 Pedro 4:3

Ja winak ja ma cotak ta rwach ja Dios ejeꞌeꞌ qꞌuiy rwach ja ritzelal nel quecꞌuꞌx trij in queriꞌ xebanto ixix chakajaꞌ. Congana qꞌuixbal xebanto in tok xeban nimak tak waꞌim xixchꞌujar rmal ja tijoj yaꞌ, xerak echiꞌ, xeban sícꞌ chꞌaꞌoj in chakajaꞌ más na lawuloꞌ xeban xixxuqueꞌ chiquewach cachbal tak winak in chwach rachbal tak nakun. Pro jariꞌ matel chic ecꞌuꞌx trij camic, itzel chic netzꞌat.

1 Juan 3:12

Maxta queriꞌ tikaban ajoj ja caniꞌ xuban ja Caín ojer, xoc pa rcuenta ja diablo ja Caín in xcamsaj ja ruchakꞌ. ¿Nak tre tok xcamsaj? Como arjaꞌ xa itzel rcꞌaslemal pro ja ruchakꞌ utz rcꞌaslemal xa chewiꞌ tok xcamsaj.

Apocalipsis 12:17

Ja cꞌa dragón congana pi ryewal trij ja rixok, be chi nerbanaꞌ chꞌaꞌoj cuqꞌuin ja juleꞌ chic ral ja rixok, ejeꞌeꞌ riꞌ ja nquinimaj ja mandamiento rxin ja Dios in nqueyaꞌ testigoꞌil tre ja Jesucristo.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.