San Juan 15:16 - Tz'utujil (Ja Cꞌacꞌa Chominem)

¹⁶ Ma ixix ta xixcanon wxin, ja xinban, anin xincanon ewxin chi xixoc apóstol, xinbij chewe chi nixbe nebanaꞌ ja nsamaj. Queriꞌ xinban chewe utzcꞌa chi ja samaj ja nebanaꞌ cꞌoli ja rutzil xin Dios nwachij utzcꞌa chi ja rutzil ja newachij jariꞌ mta qꞌuisic trij. Queriꞌ rbanic utzcꞌa ja Tatixel arjaꞌ nuyaꞌ na chewe xa nak ta necꞌutuj tre ja wi yukul ecꞌuꞌx wqꞌuin chi rcꞌutuxic.

Tz'utujil NT

¹⁶ Me ixix ta xixcanona wxin per anen xencanona ewxin che xixoca apóstol, xenbij chewa che nquixba nebna' nsamaj. Cara' xenban chewa ch-utz c'ara' jsamaj nebna' c'ola utzil rxin Dios nwachij y jara' utzil jnewachij majo'n npu'k ta. Cara' rbanic ch-utz c'ara' je Ttixel nuya' chewa nak nec'utuj tzra we ykula ec'u'x wq'uin che rc'utxic.

San Juan 15:16 Iomraidhean Croise

San Mateo 21:22

Xa nak ta ja necꞌutuj pan oración wi yukul ecꞌuꞌx ruqꞌuin ja Dios chi rcꞌutuxic jariꞌ nyataj chewe, xecheꞌxi rmal ja Jesús.

San Mateo 7:7

Tecꞌutuj tre ja Dios ja ncꞌatzin chewe in arjaꞌ nuyaꞌ chewe, tecanoj ja newajoꞌ in newil, tecꞌoncꞌoꞌoc ja chiꞌjay in nja̱k chewach.

San Lucas 6:13

Ja cꞌa tok sakari xersiqꞌuij ja rdiscípulo. Ecꞌo cablajuj xeruchaꞌ chique in xbinaꞌaj chique chi e apóstol.

San Juan 13:18

Pro ma ewanojelal ta ja quiꞌil chewe como anin wotak janiꞌ enaꞌoj ja rixnchaꞌon. In ni rjawaxic wiꞌ chi nbantaj na cumplir ja tzꞌibtal can chwe ojer chipan ja rtzobal Dios, quewaꞌ nbij riꞌ: —Cꞌo jun xinwachbilaj chi waꞌim jariꞌ xoc ncꞌulel, yictaj chwij. Queriꞌ tzꞌibtal can.

San Juan 15:19

Ja wixta ix cachbil ja winak ja xa ruqꞌuin rwachꞌulew yukul wiꞌ quecꞌuꞌx jariꞌ lokꞌ ta nixquenaꞌ ariꞌ. Pro jariꞌ ma ix cachbil ta como anin xixnuchaꞌ chiquicojol in xixnpartiꞌij rmalcꞌariꞌ tok itzel nixquetzꞌat.

San Juan 15:5

Anin in rkan ja jun mocaj uva, ja cꞌa rixix ix tak rukꞌaꞌ. Xa nak ta chewe wi xa jun nuban wqꞌuin in wi anin xa jun nban ruqꞌuin jariꞌ junan ruqꞌuin ja rkꞌaꞌ uva ja buena nwachini. Queriꞌ nbij chewe como majun nak ta nixcowini neban ja wi ma jun ta neban wqꞌuin.

San Juan 6:70

Ja cꞌa Jesús xbij chic chique: —Ix cablajuj ja rixnchaꞌon pro cꞌo jun chewe ja xa ucꞌan rmal ja diablo, neꞌe.

Hechos 1:24

Cꞌacꞌariꞌ quemaj rbanic oración, quewaꞌ ja roración queban riꞌ: —Kajaw, atat bien awotak nojel ja cꞌo pa tak kanma kanojelal. Atat ta xcatcꞌutuwi nak chique ja re caꞌiꞌ achiꞌiꞌ riꞌ ja rachaꞌon

Hechos 1:8

Pro ja tok xtikajto ja rEspíritu Santo ewqꞌuin tokoriꞌ cꞌoli poder xin Dios ja xtecochij tre. Tokocꞌariꞌ nixbe in nemaj rbixic chique ja winak nojel ja retzꞌaton in nojel ja recꞌwaxan ja xinban chewach. Nemajel rbixic pa Jerusalén in nixbe chi rbixic chipan nojel tinamit ja cꞌo pa rcuenta Judea in nixbe chi rbixic chipan ja departamento Samaria chakajaꞌ. Cꞌacꞌariꞌ nixbe chi rbixic nojel nat nakaj tre ja rwachꞌulew, neꞌe ja Jesús chique.

Hechos 10:41

Ma chiquewach ta canojel ja xucꞌut wiꞌ riꞌ pro chikawach ajoj ja rokchaꞌon rmal ja Dios utzcꞌa chi nkayaꞌ rbixic ja rcꞌastajic como ajoj tok cꞌastajnak chic chiquicojol camnakiꞌ xokwaꞌ chi na ruqꞌuin.

Hechos 22:14

In xbij chic chwe: —Ja Dios quixin ja katiꞌt kamamaꞌ arjaꞌ nij atrchaꞌonto wiꞌ ojer chi nawotakij ja rvoluntad in tok xatzꞌat ja Jesucristo ja mta ril rumac in tok xacꞌwaxaj ja rukul pa bey jariꞌ nij atrchaꞌonto wiꞌ chi xaban queriꞌ.

Hechos 9:15

—Jat ruqꞌuin como arjaꞌ ocnak jun ajsamajel ja nchaꞌon chi neryaꞌaꞌ nbixic anin chique ja winak ja ma e aj Israel ta e cachbil ja rey ja nebano mandar quixin in chique ja tinamit Israel chakajaꞌ.

Romanos 1:13

Camic wachꞌalal, nwajoꞌ nchꞌob chewach chi anin qꞌuiylaj mul nchꞌobon chi ninbe ewqꞌuin pro ma incowinnak ta. Nwajoꞌ ninbe ewqꞌuin nencꞌoloꞌ ja cosecha rxin ja obra xin Dios ja cꞌo checojol ixix chilaꞌ pa Roma ja caniꞌ nintajini nban camic chiquicojol ja juleꞌ chic tinamit ja ma e aj Israel ta.

Romanos 1:5

Rmal cꞌa arjaꞌ tok kacochin tre ja Dios ja rutzil ja nsipaj chake in rmal arjaꞌ chakajaꞌ tok yatajnak ajoj chake chi okocnak apóstol rxin. Ma chaka ta queriꞌ tok banon queriꞌ chake, rumac chi nokbe cuqꞌuin ja tinamit ja recꞌo nojel nat nakaj chwach ja rwachꞌulew chi nekayaꞌaꞌ rbixic ja Jesucristo chique utzcꞌa chi nyukeꞌ quecꞌuꞌx ruqꞌuin in nquinimaj ja rtzobal. Nojel ariꞌ nkaban, yaꞌbal rukꞌij arjaꞌ ja nkaban.

Romanos 15:4

Xa nak ta ja tzꞌibtal can chipan ja rtzobal Dios ojer jariꞌ ma chaka ta tzꞌibtali, rumac chi nokrpaxbaj. Ja tzꞌibtal can ojer jariꞌ nuyaꞌ ja kapaciencia chi rcochꞌic ja nkawil jeꞌe chipan ja kacꞌaslemal in nyukbaꞌ más kacꞌuꞌx chakajaꞌ. Jariꞌ rcꞌamonto chake utzcꞌa chi nokquicoti chi raybexic ja tzujun chake rmal ja Dios.

Romanos 9:21

Ja banol bojoꞌy tok cꞌo jun mulaj chꞌabak cꞌo chwach ¿la mta cꞌa rukꞌaꞌ tre ja chꞌabak xtuban tre nak cꞌo rgana nuban tre? ¿La mta rukꞌaꞌ tre chi nuban jun bojoꞌy tre ja congana nim rukꞌij in nuban chic jun bojoꞌy tre ja ma nim ta rukꞌij?

1 Corintios 10:11

Nojel awaꞌ ja cꞌa xinbij kaj chewe riꞌ bantaji chijujunal utzcꞌa chi noc ejemplo chique ja winak chi nerxibej in tzꞌibtal can utzcꞌa chi noc jun paxbanem chake ajoj ja rokcꞌo chipan ja qꞌuisbal rxin nojel ja tiempo ja chominto jeꞌe rmal ja Dios.

Gálatas 1:15

Pro ja cꞌa Dios tok xerilaꞌ ja tiempo ja rchꞌobon chwij arjaꞌ xkꞌalasaj chinwach janiꞌ rnaꞌoj ja Jesucristo ja Ralcꞌwal utzcꞌa chi anin xtinyaꞌ rbixic ja Ralcꞌwal chique ja winak ja ma e aj Israel ta. Arjaꞌ nij inrchaꞌonto wiꞌ ja tok majaꞌn quinalaxi in xa rmal ja rutzil ja xincochij tre chewiꞌ tok xinrsiqꞌuij chi nban jawaꞌ samaj riꞌ. Ja cꞌa tok kꞌalasax chinwach nak rbanic ja Ralcꞌwal Dios ni majun winak xinbe ta ruqꞌuin xincꞌwaxaj ta razón tre nak rbanic como jariꞌ kꞌalasan chic chinwach rmal ja Dios.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Colosenses 1:23

Xarwariꞌ, rjawaxic chi mateyaꞌ can ja yukulbal ecꞌuꞌx ruqꞌuin ja Jesucristo, rjawaxic chi bien nixtiqueꞌe in cow nixpeꞌi, maxta ma quixquicot chi ta chi raybexic ja tzujun chake rmal ja Dios ja caniꞌ ncꞌu̱t chikawach rmal ja utzlaj tzij xin Jesucristo. Ekajnak chic rbixic ja utzlaj tzij ewqꞌuin in chakajaꞌ elnak rbixic chique canojel ja winak ja recꞌo chwachꞌulew. Anin ja rin Pablo yatajnak chwe chi nintajini nyaꞌ rbixic jawaꞌ utzlaj tzij riꞌ.

Colosenses 1:6

Jawaꞌ utzlaj tzij riꞌ ekajnak chic rbixic ewqꞌuin in benak nat nakaj chakajaꞌ nojel rwachꞌulew, congana utzil ntajini nwinakarsaj pa tak canma ja winak in e qꞌuiy ja netajini nquinimaj. Queriꞌ rbanon ja utzlaj tzij checojol ixix chakajaꞌ, congana utzil rwinakarsanto checojol, tokoriꞌ xumajto ja tok kas xecꞌwaxaj nabey ja utzlaj tzij tok chꞌobtaj emwal chi utz ja kas mero rubey ja rutzil ja nsipax chake rmal ja Dios.

1 Timoteo 2:7

In rmalariꞌ tok xinchaꞌi chi xinoc apóstol rxin ja Jesucristo chi nyaꞌ rbixic. In yataj chwe chi xinbe cuqꞌuin ja ma e aj Israel ta chi quitijoxic. Jariꞌ ni katzij wiꞌ, ja Jesucristo arjaꞌ rotak chi ni katzij wiꞌ, ma npayil ta. Ja tijonem ja xinyaꞌ chique jariꞌ nak rbanic chi nyukeꞌ quecꞌuꞌx ruqꞌuin ja Jesucristo in nak rbanic ja utzlaj tzij ja rcꞌamonto.

2 Timoteo 1:11

In rmal ja utzlaj tzij xin Jesucristo chewiꞌ tok xinchaꞌi chi xinoc apóstol rxin chi nyaꞌ rbixic in yataj chwe chi xinbe cuqꞌuin ja winak ja ma e aj Israel ta in jariꞌ utzlaj tzij xentijoj tre.

2 Timoteo 2:2

Ja tijonem ja nyaꞌon chawe e qꞌuiy ja xecꞌaxani. Ja nwajoꞌ chawe tabanaꞌ chic recomendar ja tijonem chique juleꞌ chic achiꞌiꞌ ja cꞌol aconfianza cuqꞌuin, juleꞌ achiꞌiꞌ ja bien necowini nequitijoj chic juleꞌ winak tre.

Tito 1:5

Anin xatnuyaꞌ can pa Creta utzcꞌa chi nachomij ja ma chomtajnak ta tre ja samaj xin Dios ja majtajnak. In xinbij can chawe chi nojel tinamit ja recꞌo wiꞌ ja kachꞌalal chi neꞌaban nombrar anciano chiquicojol ja nebano cuenta quixin.

Hebreos 11:4

Ja rAbel chakajaꞌ, rmal ja yukulbal rucꞌuꞌx ruqꞌuin ja Dios chewiꞌ tok más na utz ja sacrificio ja xtzujuj tre ja Dios chwach ja tzujux rmal ja Caín. Ja cꞌa Dios arjaꞌ utz xutzꞌat ja sacrificio rxin ja rAbel in xucꞌam tre, triꞌ cꞌa nkatzꞌat wiꞌ chi ja rAbel utz tzꞌati rmal ja Dios. Ma chaka ta ban queriꞌ tre, rumac ja yukulbal rucꞌuꞌx. In masqui camnak chic ja rAbel pro rmal ja yukulbal rucꞌuꞌx ruqꞌuin ja Dios tok caniꞌ cꞌa ntzijon na kuqꞌuin camic.

Santiago 3:18

Ja winak ja matiquecꞌam rkan sícꞌ chꞌaꞌoj ejeꞌeꞌ riꞌ ja netajini nquetic jun utzlaj ijaꞌtz ja ni majun sícꞌ chꞌaꞌoj rcꞌamonto, ja nwachij solo utzil.

1 Pedro 3:15

Ja neban, teyaꞌaꞌ rukꞌij ja kajaw Dios pa tak ewanma. Techꞌoboꞌ rij rwach nak rbanic nojel ja rcꞌamonto chewe ja Jesucristo ja bar yukul wiꞌ ecꞌuꞌx. Quirtariꞌ neban utzcꞌa chi nixcowini nechꞌob chiquewach chakajaꞌ ja winak xa nak ta necꞌaxan razón chewe. Pro pan utzil techꞌoboꞌ chiquewach, maxta xa teyabej ekꞌij.

1 Juan 4:10

Ja Dios ma ajoj ta xokajoꞌn rxin nabey, arjaꞌ xajoꞌn kaxin nabey como xutakto ja Jesucristo ja Ralcꞌwal chi arjaꞌ xoc chomarsbal rxin ja kil kamac chwach ja Dios. Triꞌ nkatzꞌat wiꞌ ja kas mero rbanic ja rajoben riꞌil.

1 Juan 4:19

Ja Dios arjaꞌ xokrajoꞌ ajoj nabey rmalcꞌariꞌ tok nkajoꞌ arjaꞌ chakajaꞌ.