San Juan 15:15 - Tz'utujil (Ja Cꞌacꞌa Chominem)

¹⁵ Nojel ja ncꞌwaxan ja bin chwe rmal ja Nataꞌ jariꞌ nkꞌalasan chic chewach in rmalariꞌ nbij chewe chi ix wamigo. Camic ma ja ta nbij chewe chi xa ix nmoso como jun moso arjaꞌ ma rotak ta nak ntajini nuchꞌob ja rpatrón.

Tz'utujil NT

¹⁵ Njelal je nc'axan jbin chwa rmal Nedta' jara' nk'alsan chic chewech rmal c'ara' quenbij chewa ix wamigo. Camic mjara' ta quenbij chewa che ix mos com jun mos mrutkin ta nak nuch'ob rpatrón.

San Juan 15:15 Iomraidhean Croise

San Mateo 13:11

Ja cꞌa Jesús arjaꞌ xbij chique: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin chilaꞌ chicaj pro ja chique ja juleꞌ chic winak leꞌ ejeꞌeꞌ ma yatajnak ta chique.

San Lucas 10:23

Cꞌacꞌariꞌ xumaj tzij cuqꞌuin ja rdiscípulo pro xa queyon: —Ixix congana quiꞌil chewe rmal ja nixtajini netzꞌat ruqꞌuin ewach.

San Juan 12:26

Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.

San Juan 13:16

Ni katzij wiꞌ ja xtinbij chewe riꞌ, jun ilinel ¿la nim ta cꞌa rukꞌij chwach ja rajaw in jun banol takquil la nim ta cꞌa rukꞌij chwach ja takyonel rxin?

San Juan 15:20

Turkaj chewe jun tzij ja xinbij chewe quewariꞌ: —Jun moso arjaꞌ ma nim ta rukꞌij chwach ja rpatrón, xincheꞌ chewe. Tibij cꞌa tzij ariꞌ ja wi cꞌo pokon quibanon anin chwe cꞌo cꞌa pokon xtiqueban ariꞌ chewe ixix chakajaꞌ. Ja cꞌa wi quinimaj ja ntzobal ja xinbij chique jariꞌ xtiquinimaj ja xtebij ixix chique chakajaꞌ.

San Juan 16:12

Anin cꞌa cꞌo na ja majaꞌn tinbij chewe pro matichꞌobtaj emwal ja xtinbij ta chewe camic.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

San Juan 4:19

—Ja nchꞌob anin maxla at jun profeta xin Dios.

San Juan 8:26

Cꞌa cꞌo na ja rebanon ja majaꞌn tinchꞌaꞌ chewe ja nixbanbex condenar. Pro ja takyonto wxin arjaꞌ ni katzij wiꞌ nojel ja nbij in ja rbin arjaꞌ chwe jariꞌ nmajon rbixic anin chique ja winak waweꞌ chwachꞌulew, neꞌe ja Jesús chique.

Hechos 20:27

Como anin nchꞌobon chewach ja rvoluntad Dios pro nojelal, ni majun nak ta ja xinwawaj ta chewach.

Romanos 7:15

Inchapon como cꞌo jeꞌe nban chipan ja ncꞌaslemal pro xa matichꞌobtaj mwal nak la tre tok nban queriꞌ. Como anin tok nwajoꞌ nban ja rutzil pro matinban. Pro cꞌo juleꞌ itzelal ja ni majun ngana ruqꞌuin jariꞌ nban.

1 Corintios 2:16

Queriꞌ rbanic caniꞌ tzꞌibtal can chipan ja rtzobal Dios, quewaꞌ nbij riꞌ: —Ni majun winak xticowin ta xtirotakij ta janiꞌ rnaꞌoj ja Dios ja xta ruyon kaj, ni majun winak xticowin ta xtuyaꞌ ta jun paxbanem tre ja Dios. Queriꞌ ja tzꞌibtal can. Pro ja rajoj ocnak rnaꞌoj ja Cristo chake chewiꞌ tok matichꞌobtaj cumal ja juleꞌ chic winak janiꞌ ja kanaꞌoj.

Gálatas 4:6

Como ix alcꞌwalaxelaꞌ chic chewiꞌ tok Dios rtakonto ja rEspíritu Santo rxin ja Ralcꞌwal pa tak ewanma: —Nataꞌ, Padre, neꞌ kaj ja rEspíritu Santo pa tak ewanma.

Efesios 1:9

Arjaꞌ rkꞌalasan chic chikawach ja rchominto ojer ja xa wawan chikawach nabey. Como nijawariꞌ ja rvoluntad chewiꞌ tok xuban queriꞌ.

Efesios 3:5

Pro jariꞌ ma xkꞌalasax ta chiquewach ja winak ja xeqꞌuejeꞌ chipan juleꞌ chic tiempo, ma xkꞌalasax ta chiquewach ejeꞌeꞌ ja caniꞌ kꞌalasan chic camic rmal ja rEspíritu Santo chiquewach ja santilaj tak apóstol in profeta.

Colosenses 1:26

Como cꞌoli chipan ja rtzobal Dios ja ma kꞌalaj ta chiquewach ja winak chipan ja rojer tak tiempo ja kꞌaxnak can pro ja camic kꞌalasan chic chiquewach ja tinamit xin Dios

Filemón 1:16

Arjaꞌ nmeloj awqꞌuin pro ma caniꞌ chi ta jun moso pro más chi na vale chwach jun moso como arjaꞌ chakꞌlaj kachꞌalal chic. Arjaꞌ jun kachꞌalal ja congana nel nucꞌuꞌx trij in pior cꞌa chawe atat como ja tok xtekaj awqꞌuin jariꞌ jun ajsamajel ja nmeloj awqꞌuin in chakajaꞌ ruqꞌuin ja Jesucristo yukul wiꞌ ecꞌuꞌx chi ix caꞌiꞌ.

Santiago 1:1

Anin in Santiago in ajsamajel rxin ja Dios in chakajaꞌ in ajsamajel rxin ja kajaw Jesucristo. Wachꞌalal, anin ntakel rutzil ewach ja rix cablajuj tribu aj Israel ja rixchictajnak ixbenak nojel nat nakaj.

Santiago 2:23

In queriꞌ xuban, bantaj cumplir ja tzꞌibtal can chipan ja rtzobal Dios ojer, quewaꞌ nbij riꞌ: —Ja rAbraham arjaꞌ yukeꞌ rucꞌuꞌx ruqꞌuin ja Dios in rumac ja yukulbal rucꞌuꞌx chewiꞌ tok utz tzꞌat rmal ja Dios in ban tre caniꞌ mta ril rumac rbanon. Queriꞌ ja tzꞌibtal can. In bix tre ja rAbraham chakajaꞌ chi amigo xin Dios neꞌxi.

1 Pedro 1:11

Ja rEspíritu xin Cristo arjaꞌ xuchꞌob pa quewiꞌ pa tak canma chi cꞌo jun Toꞌonel ja npi na, ja cꞌa rejeꞌeꞌ congana nquetij quekꞌij chi ncotakij nak chi winakil ja npeti in nak tiempo ja npi wiꞌ. Como ja rEspíritu arjaꞌ nbij chique chi ja Cristo xturtijaꞌ na rpokonal in nya̱ꞌ chi na rukꞌij ja tok xticꞌastaj rwach. Jariꞌ chꞌobtaj chiquewach ja tok majaꞌn tipeti ja Cristo.

2 Pedro 1:1

Anin in Simón Pedro, in ajsamajel rxin ja Jesucristo in chakajaꞌ in apóstol rxin. Anin ntzꞌibaj ja carta riꞌ in ntakel ewqꞌuin ixix ja rewilon chic ja lokꞌlaj yukulbal ecꞌuꞌx ruqꞌuin ja Jesucristo. Ja yukulbal ecꞌuꞌx ruqꞌuin ja Jesús nim rukꞌij, junan ruqꞌuin ja caniꞌ kawilon ajoj. Ja Jesucristo arjaꞌ Dios, arjaꞌ Toꞌonel kaxin in rmal ja rutzil rcꞌamonto tok nokcꞌuli rmal ja Dios in rmalariꞌ tok ewilon chic ja yukulbal ecꞌuꞌx ruqꞌuin.

Judas 1:1

Anin in Judas, in ajsamajel rxin ja Jesucristo, in rchꞌalal ja Jacobo. Anin ntzꞌibaj ja carta chewe riꞌ ja rixsiqꞌuin rmal ja Dios, ja rixchaꞌon rmal ja Dios ja Tatixel chi ixocnak ix tinamit rxin, ja bien ixbanon cuenta rmal ja Jesucristo rumac ja xa jun ebanon ruqꞌuin.

Apocalipsis 1:1

Anin in Juan. Jawaꞌ ja xtintzꞌibaj riꞌ Jesucristo kꞌalasyon chinwach. Arjaꞌ yataj tre rmal ja Dios chi nkꞌalasaj utzcꞌa chi jariꞌ ncꞌutbej chikawach ja rok ajsamajelaꞌ rxin nak ja xtibantaj na cumplir chanim. Ja xucoj chi rkꞌalasaxic cꞌo jun ángel xutak wqꞌuin ja rin ajsamajel rxin.