San Juan 15:10 - Tz'utujil (Ja Cꞌacꞌa Chominem)

¹⁰ Ja wi ni nenimaj wiꞌ ja nbij chewe chi neban jariꞌ ni nixqꞌuejeꞌ wiꞌ chipan ja rajoben riꞌil wxin, caniꞌ nbanon anin, ni nniman wiꞌ ja bin chwe rmal ja Nataꞌ chi nban in nij incꞌo wiꞌ chipan ja rajoben riꞌil rxin ja Nataꞌ.

Tz'utujil NT

¹⁰ Wnenimaj nak quenbij chewa che neban jara' nquixc'je'a chpam ojben ri'il wxin ajni' nebnon anen nniman jbin chwa rmal Nedta' y enc'ola chpam ojben ri'il rxin Nedta'.

San Juan 15:10 Iomraidhean Croise

San Juan 10:18

Ja wixta mta ngana nincami maquincami, majun nak ta ncowin ta chwij chi ninrcamsaj ta pro jariꞌ ni ngana wiꞌ chi nyaꞌ wiꞌ chipan ja camíc. Wqꞌuin anin cꞌo wiꞌ como nincowini nyaꞌ wiꞌ chipan ja camíc in nincowini nincꞌastaj chic chipan chakajaꞌ. Jariꞌ bin chwe rmal ja Nataꞌ chi queriꞌ nban. Queriꞌ xbij ja Jesús chique.

San Juan 12:49

Queriꞌ nbij chewe como ja tijonem ja ncꞌutun chewach jariꞌ yaꞌon chwe rmal ja Tatixel ja rintakyonto, ma chaka ta nwinakarsan nojoj nuyon,

San Juan 14:15

Ja wi ni katzij wiꞌ chi ninewajoꞌ jariꞌ nenimaj ja nbij chewe chi neban.

San Juan 14:21

Ja winak ja necꞌolowi ja ntzobal pa tak canma in wi nquinimaj ja ntzobal triꞌ netzꞌa̱t wiꞌ chi ni katzij wiꞌ chi nincajoꞌ. Ja winak ja neꞌajoꞌn wxin neꞌajoꞌx cꞌa ejeꞌeꞌ ariꞌ rmal ja Nataꞌ in neꞌajoꞌx mwal anin chakajaꞌ in xtinkꞌalasaj wiꞌ chiquewach. Queriꞌ xbij ja Jesús chique.

San Juan 14:23

—Ja winak wi ni katzij wiꞌ chi nincajoꞌ nquinimaj cꞌariꞌ ja ntzobal. Ja wi queriꞌ nqueban neꞌajoꞌx cꞌariꞌ rmal ja Nataꞌ, ok caꞌiꞌ ruqꞌuin ja Nataꞌ nokekaj cuqꞌuin in noqui ja canma como kochoch in nokqꞌuejeꞌ chipan.

San Juan 14:31

Xarwariꞌ anin nyaꞌ wiꞌ pa rukꞌaꞌ utzcꞌa chi ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ bien ncotakij na chi congana nwajoꞌ ja Tatixel utzcꞌa bien ncotakij na chi nnimaj ja bin chwe rmal ja Tatixel chi nunbanaꞌ kaj. Camic quixyictaji, joꞌ, koꞌel chipan ja lugar riꞌ, neꞌ chique.

San Juan 17:4

Anin nyaꞌon akꞌij waweꞌ chwachꞌulew, xinqꞌuis rbanic nojel ja samaj ja rayaꞌon chwe chi nban.

San Juan 4:34

Pro ja Jesús xbij chic chique: —Anin cꞌoli ja rocnak rqꞌuexwach nway. Anin ja tok nban rvoluntad ja Dios ja takyonpi wxin in tok nban cumplir ja samaj ja ryaꞌon chwe chi nban jariꞌ ja rocnak rqꞌuexwach ja nway.

San Juan 8:29

Ja takyonpi wxin arjaꞌ cꞌo wqꞌuin camic, ja Nataꞌ ni ma inryaꞌon can ta wiꞌ. Queriꞌ rbanon chwe como anin ni nmajon wiꞌ rbanic ja nrajoꞌ chwe chi nban, neꞌe ja Jesús chique.

San Juan 8:55

Pro xa ma ewotakin ta rwach ja Nataꞌ pro anin bien wotak rwach. Ja wixta xinbij chewe chi ma wotak ta rwach jariꞌ xta cꞌa in junan ewqꞌuin ariꞌ ja rix tzꞌakol tak tzij. Pro jariꞌ wotak rwach, ni nnimaj wiꞌ ja rtzobal.

1 Corintios 7:19

Ma ja ta vale ja natban circuncidar in ma ja ta vale chakajaꞌ ja macatban circuncidar pro ja más vale jariꞌ tok nanimaj nojel ja nbij ja Dios chawe chi naban.

1 Tesalonicenses 4:1

Wachꞌalal, ixix ewotak chic nak rbanic ja utzlaj cꞌaslemal ja caniꞌ nrajoꞌ ja Dios chake chi nkucꞌaj, ajoj kabin chic ariꞌ chewe in camic queriꞌ chic ja recꞌaslemal. Camic wachꞌalal, pa rubiꞌ ja kajaw Jesucristo congana nkaban recomendar chewe chi más chi ta na neban ja caniꞌ emajon rbanic.

Hebreos 7:26

Queriꞌ cꞌa rbanic ja Jesús, nij arjaꞌ wiꞌ ja lokꞌlaj sacerdote ja ncꞌatzin chake. Arjaꞌ ni utz wiꞌ ntzꞌa̱t rmal ja Dios. Majun nak ta itzel rbanon ta. Ni majun ril rumac. Lasaxel chiquicojol ja rajꞌil ajmaquiꞌ, cꞌamarel chilaꞌ chicaj ja bar cꞌo wiꞌ ja Dios.

2 Pedro 2:21

Más ta utz ja maquita cotakij nak rbanic ja utzlaj bey xin Dios chwach ja queban como ejeꞌeꞌ cotakij nak rbanic ja utzlaj bey in quicꞌaxaj ja rutzil ja ban mandar chique rmal ja Dios chi nqueban pro jariꞌ xa queyaꞌ can.

1 Juan 2:3

Ja wi nkanimaj ja mandamiento xin Jesucristo triꞌ nkatzꞌat wiꞌ chi kotak rwach.

1 Juan 2:5

Pro ja winak ja nenimani ja rmandamiento ejeꞌeꞌ riꞌ ja qꞌuiynak chic in wachinnak chic ja rajoben riꞌil xin Dios pa tak canma. Ja wi queriꞌ kabanon triꞌ nkatzꞌat wiꞌ chi xa jun kabanon ruqꞌuin.

1 Juan 2:6

Ja wi cꞌo jun nbij chi arjaꞌ xa jun rbanon chic ruqꞌuin ja Jesucristo jariꞌ ni rjawaxic wiꞌ chi nrcꞌaj jun utzlaj cꞌaslemal ja caniꞌ rcꞌaslemal ja Jesucristo.

1 Juan 5:3

Ja wi nkanimaj ja mandamiento xin Dios jariꞌ nkacꞌutbej chi nkajoꞌ ja Dios chakajaꞌ. Ja cꞌa mandamiento xin Dios ma al ta rcꞌaxic

Apocalipsis 22:14

Congana quiꞌil chique ja nquechꞌaj quitziak chipan ja rquiqꞌuel ja Carnelo utzcꞌa chi cꞌo quekꞌaꞌ tre ja cheꞌ ja rcꞌamonto ja utzlaj cꞌaslemal ja mta qꞌuisic trij utzcꞌa chakajaꞌ ja tok neꞌekaj chuchiꞌ ja puerta rxin ja tinamit nya̱ꞌ lugar chique chi neꞌoc chipan.